Read Kilivila YONI IGISIMLILI 7 Bible Online

YONI IGISIMLILI 7 - Kilivila bible

YONI IGISIMLILI 7

¹Oluvi agisi taivasi anelosi itotusi ovalu watanawa wokulula kwaivasi okwaibwaga, oyavata, obomatu, obolimila. Ikikulotaisi makwaisina yagila kwaivasi mwada taga avai yagila biuu odabala pwaipwaia kaina obolita, kaina baisa avai kai.

²E agisi taitala anelosi tuvaila opilibomatu leima, iiyosi la kabutuvatusi Yaubada Tosivagasi. E kaigala kaigaveka idou baisa matausina anelosi taivasi, matausinaga Yaubada leikasali si karaiwaga biyogagaisi pwaipwaia deli bolita.

³Anelosi ikaibiga, kawala, “Taga bukuyogagaisi pwaipwaia kaina bolita kaina avai kai, igau bitaginisi kasi kabutuvatusi da Yaubadasi la towotetila odubasi.”

⁴E leilukwaigusi avaka kasi bawa matausina leiginisi Yaubada la kabutuvatusi odubasi. Kasi bawa goli 144,000 mina Isireli metoya dalesi dilatala dilatala.

⁵E dilatala dilatala kasi bawa 12,000 eiginisi kasi kabutuvatusi. E madilasina yagasi Yuda, Rubeni, Gadi, Asera, Napitalai, Manasa, Simioni, Libai, Isaka, Sebuloni, Yosepa, e Beniamina.

⁹Oluvi agisi e ka! tomota saina bidugaga, gala gagabila bitakalau kasi bawa. Matausina metoyasi ambaisa ambaisa, valu, dala, tomota, deli bona. Itotusi omatala takaikaia deli omatala matauna Lam, eisikamsi kasi kakapula yapupwakau e iiyosisi sisila pulopola oyumasi.

¹⁰Idousi kaigaveka, kawasi, “Bogwa tabanaisi katumova metoya baisa da Yaubadasi matauna isisu otakaikaia deli metoya baisa matauna Lam.”

¹¹Anelosi komwaidosi itoulaisi makwaina takaikaia, deli tummoya deli minasina navasi nammomova. Oluvi itapopulasi ikavaginasi omatala takaikaia, itapwarorusi baisa Yaubada,

¹²kawasi, “Emeni! Ibodi kala kavisi, kala yakaula, kala nikoli, kala nokagutoki, kala kamaiaba, la peula, la karaiwaga da Yaubadasi bikanigaga goli. Emeni!”

¹³E taitala matausina tommoya ikatupoiyaigu, kawala, “Availa matausina leisikamsi kasi kwama yapupwakau, deli ammetoyasi leimaisi?”

¹⁴E kawagu, “Eisekila tomoya; yoku kunikoli.” E ilukwaigu, kawala, “Baisa matausina eibodaisi tuta makwaina lamadada sainela, e leipeulasi. Eiwinaisi kasi kwama iyapupwakau obuyavila Lam.

¹⁵Baisa uula itotusi omatala la takaikaia Yaubada e iwotitalaisi matauna yumyam bugibogi ola bwala kwebumaboma. E matauna isisu otakaikaia bivakawoli matausina titoulela.

¹⁶Gala tuvaila bibanaisi molu kaina daka; gala tuvaila bikali kalasia, kaina kubowala avai yuviyavi.

¹⁷Paila Lam matauna eitotu odabala takaikaia bimila toyamata sipi baisa matausina, e bivakadi matausina wa sopi yeluyelu. E Yaubada bikimadi mitiligisi e bivisimoli.”