Read NT LS 2005 – Инжил ЛС (2005 Baştalış 11 Bible Online

Baştalış 11 - NT LS 2005 – Инжил ЛС (2005 bible

Baştalış 11

¹Jer jüzündö bir ele til bolgon, adamdar bir ele tilde süylöşkön.

²Alar çıgıştan köçüp çıgıp, Şinar jerinen tüzdük taap, oşol jerge oturuktaşıştı.

³Anan alar biri-birine: «Kelgile, kış kuyup, otko bışıralı», – deşti. Alar taş orduna kış, akitaş orduna jer çayırın koldonuştu.

⁴Alar dagı: «Büt jer jüzünö tarap ketpeşibiz üçün, özübüzgö şaar jana asman tiregen munara kuralı, atıbızdı çıgaralı», – deşti.

⁵Oşondo Teŋir adam uuldarı kurup jatkan şaar menen munaranı körgönü tömön tüştü.

⁶Teŋir mınday dedi: «Mına, bir el, bardıgının tili bir. Bulardın baştagan işi uşul. Bular kılam degeninen kaytışpayt.

⁷Tömön tüşüp baralı da, biri-birinin tilin tüşünbögüdöy kılıp, oşol jerde bulardın tilderin aralaştırıp salalı».

⁸Oşentip, Teŋir alardı al jerden büt jer jüzünö taratıp jiberdi. Oşondo alar şaar kuruunu toktotuştu.

⁹Oşondon ulam aga Babıl degen at berildi, antkeni Teŋir jer jüzündögü bardık tilderdi oşol jerde aralaştırdı, Teŋir alardı büt jer betine oşol jerden taratıp jiberdi.

¹⁰Şemdin sanjırası mınday: topon suu kaptagandan kiyin, eki jıl ötköndö, Şem jüzgö çıkkanda, andan Arpakşat töröldü.

¹¹Arpakşat törölgöndön kiyin, Şem beş jüz jıl jaşadı. Andan dagı uul-kızdar töröldü.

¹²Arpakşat otuz beş jaşka çıkkanda, andan Şelah töröldü.

¹³Şelah törölgöndön kiyin, Arpakşat tört jüz üç jıl jaşadı. Andan dagı uul-kızdar töröldü.

¹⁴Şelah otuz jaşka çıkkanda, andan Eyber töröldü.

¹⁵Eyber törölgöndön kiyin, Şelah tört jüz üç jıl jaşadı. Andan dagı uul-kızdar töröldü.

¹⁶Eyber otuz tört jaşka çıkkanda, andan Pelek töröldü.

¹⁷Pelek törölgöndön kiyin, Eyber tört jüz otuz jıl jaşadı. Andan dagı uul-kızdar töröldü.

¹⁸Pelek otuz jaşka çıkkanda, andan Reyu töröldü.

¹⁹Reyu törölgöndön kiyin, Pelek eki jüz toguz jıl jaşadı. Andan dagı uul-kızdar töröldü.

²⁰Reyu otuz eki jaşka çıkkanda, andan Seruk töröldü.

²¹Seruk törölgöndön kiyin, Reyu eki jüz jeti jıl jaşadı. Andan dagı uul-kızdar töröldü.

²²Seruk otuz jaşka çıkkanda, andan Nahor töröldü.

²³Nahor törölgöndön kiyin, Seruk eki jüz jıl jaşadı. Andan dagı uul-kızdar töröldü.

²⁴Nahor jıyırma toguz jaşka çıkkanda, andan Terah töröldü.

²⁵Terah törölgöndön kiyin, Nahor jüz on toguz jıl jaşadı. Andan dagı uul-kızdar töröldü.

²⁶Terah jetimiş jaşka çıkkanda, andan Ibram, Nahor jana Aran töröldü.

²⁷Terahtın sanjırası mınday: Terahtan Ibram, Nahor jana Aran töröldü. Arandan Lot töröldü.

²⁸Aran öz atası Terah tirüü kezinde, özü tuulgan jerde, kazdimderdin Ur şaarında köz jumgan.

²⁹Ibram menen Nahor ayal alıştı. Ibramdın ayalının atı Sara, Nahordun ayalının atı Milka ele. Milka Arandın kızı bolçu. Aran – Milka menen İskanın atası.

³⁰Saranın boyuna bütpögöndüktön, baldarı jok ele.

³¹Kanaan jerine baruu üçün, Terah öz uulu Ibramdı, Arandın uulu, neberesi Lottu, öz uulu Ibramdın ayalı, kelini Saranı alıp, kazdimderdin Ur şaarınan çıktı. Haranga barıp, oşol jerde turup kalıştı.

³²Terah eki jüz beşke çıgıp, Haranda köz jumdu.