Read NT LS 2005 – Инжил ЛС (2005 Baştalış 15 Bible Online

Baştalış 15 - NT LS 2005 – Инжил ЛС (2005 bible

Baştalış 15

¹Bul okuyalardan kiyin Teŋir Ibramga körünüş arkıluu mınday dedi: «Korkpogun, Ibram, Men senin kalkanıŋmın, senin sıylıgıŋ abdan çoŋ».

²Oşondo Ibram mınday dedi: «O, Egeder Teŋirim! Maga Sen emne beresiŋ? Men balasız ötüp bara jatam, üy işin başkaruuçum – damasktık uşul Eliezer.

³Sen maga tukum bergen joksuŋ, oşonduktan üyümdögü adam menin muraskorum».

⁴Oşondo Teŋirden aga mınday söz aytıldı: «Al senin muraskoruŋ bolboyt, senin muraskoruŋ özüŋdön çıkkan balaŋ bolot».

⁵Anan anı sırtka çıgarıp, mınday dedi: «Asmandı karaçı, egerde jıldızdardı sanay alsaŋ, sanap çık. Senin tukumuŋ oşonço bolot».

⁶Ibram Teŋirge işendi. Teŋir anın işenimin aga adildik katarı eseptedi.

⁷Teŋir Ibramga mintip ayttı: «Bul jerdi senin eeligiŋe berüü üçün, seni kazdimderdin Ur şaarınan alıp çıkkan Teŋir Menmin».

⁸Ibram Andan: «Egeder Teŋirim! Men bul jerge ee bolorumdu emneden bilem?» – dep suradı.

⁹Teŋir aga mınday dedi: «Maga üç jıldık kunajın, üç jıldık eçki, üç jıldık koçkor, baktek jana jaş kögüçkön alıp kel».

¹⁰Al alardın bardıgın alıp keldi da, kanattuulardan başkasın ekige bölüp, bölüktördü biri-birinin tuşuna koydu.

¹¹Oşondo etke jırtkıç kuştar jabalaktap uçup kelişti, birok Ibram alardı kubalap turdu.

¹²Kün batarda Ibramdı katuu uyku bastı. Oşondo anı üröy uçurgan korkunuç menen koyuu karaŋgılık kaptadı.

¹³Oşondo Teŋir Ibramga mınday dedi: «Bilip al, senin ukum-tukumuŋ bötön jerde kelgin el bolot. Alardı kul kılıp, tört jüz jıl ezişet.

¹⁴Birok Men alardı kul kılgan eldi jazalaym, oşondo alar al jerden köp mal-mülk menen çıgışat.

¹⁵Al emi sen ata-babalarıŋ jatkan jayga tınçtık menen ketesiŋ, bakıbat ömür sürüp, körgö koyulasıŋ.

¹⁶Bul jerge alardın törtünçü tukumu kaytıp kelet, antkeni amorluktardın mıyzamsızdıgı çegine jete elek».

¹⁷Kün batarı menen karaŋgılık kaptap, meşten çıkkanday tütün menen ot jalını biri-birinin tuşuna koyulgan bölüktördün ortosunan öttü.

¹⁸Bul künü Teŋir Ibram menen mınday kelişim tüzdü: «Men senin ukum-tukumuŋa bul jerdi, Misir darıyasınan tartıp uluu Eprat darıyasına çeyinki:

¹⁹keynilerdin, kenazdıktardın, kadmonitsalıktardın,

²⁰hettikterdin, perizdikterdin, repalıktardın,

²¹amorluktardın, kanaandıktardın, girgeştikterdin jana jebustuktardın jerin berdim».