Read NT LS 2005 – Инжил ЛС (2005 Baştalış 17 Bible Online

Baştalış 17 - NT LS 2005 – Инжил ЛС (2005 bible

Baştalış 17

¹Ibram tokson toguz jaşka çıkkanda, Teŋir aga kelip, mınday dedi: «Men kudurettüü Kudaymın. Menin aldımda tüz jür, kemçiliksiz bol.

²Men seni menen kelişim tüzöm, seni abdan köböytöm».

³Oşondo Ibram jüztömöndöp jıgıldı. Kuday anı menen süylöşüüsün ulantıp, mınday dedi:

⁴«Seni menen tüzgön Menin kelişimim – bul Men. Sen köptögön elderdin atası bolosuŋ.

⁵Senin atıŋ mından arı Ibram emes, Ibrayım bolot, antkeni Men seni köptögön elderdin atası kılam.

⁶Men senin tukumuŋdu abdan köböytüp, senden elderdi çıgaram, senden padışalardı çıgaram.

⁷Senin, senin tukumuŋdun Kudayı Men bolom dep, Men seni menen, senin tukumuŋ menen tübölük kelişim tüzöm.

⁸Oşentip, saga jana senin tukumuŋa sen kelgin bolup jaşap jatkan Kanaan jerin tübölükkö berem, alardın Kudayı bolom».

⁹Kuday Ibrayımga dagı mınday dedi: «Sen Menin kelişimimdi sakta, senin tukumuŋ da muundan muunga Menin kelişimimdi saktasın.

¹⁰Meni menen silerdin, senin tukumuŋdun, ortosunda tüzülgön, siler saktay turgan Menin kelişimim bul: bardık erkekteriŋer sünnötkö oturguzulsun.

¹¹Sünnötkö oturguzulgula, bul siler menen Menin ortomdogu kelişimdin belgisi bolot.

¹²Senin uruguŋdan çıkpagan, kümüşkö satılıp alıngan, bötön eldik jana senin üyüŋdö tuulgan ar bir erkek bala törölgönünö segiz kün bolgondo sünnötkö oturguzulsun. Bul muundan muunga saktalsın.

¹³Senin üyüŋdö törölgön jana kümüşkö satılıp alıngan erkek attuular, sözsüz, sünnötkö oturguzuluuga tiyiş. Oşentip, Menin kelişimim silerdin deneŋerde tübölük kelişim bolot.

¹⁴Sünnötkö oturguzulbagan erkek öz elinin arasınan jok kılınat, antkeni al Menin kelişimimdi buzdu».

¹⁵Kuday Ibrayımga dagı mınday dedi: «Ayalıŋ Saranı Sara debe, anın atı Saara bolot.

¹⁶Men aga batamdı berem. Andan saga uul berem. Saaraga batamdı berem, andan elder, elderdin padışaları çıgat».

¹⁷Oşondo Ibrayım jüztömöndöp jıgılıp: «Kantip ele jüzgö çıkkan adamdan uul törölsün? Tokson jaştagı Saara kantip ele törösün?» – dep, içinen küldü.

¹⁸Ibrayım Kudayga mintip ayttı: «O, Senin aldıŋda Ismayıl ele tirüü jürsö eken!»

¹⁹Kuday mınday dedi: «Saga ayalıŋ Saara özü uul töröp beret. Sen aga Iskak degen at koёsuŋ. Men anı menen jana anın kiyinki ukum-tukumu menen tübölüktüü kelişim tüzöm.

²⁰Men senin Ismayıl jönündö aytkanıŋdı da uktum. Emi Men aga batamdı berip, anı kayrıp kelem da, abdan köp kılıp köböytöm. Andan on eki uruu başçısı törölöt. Men andan uluu el çıgaram.

²¹Birok Men kelişimimdi kelerki jılı uşul maalda Saara saga töröp bere turgan Iskak menen tüzöm».

²²Oşondon kiyin Kuday Ibrayım menen süylöşüüsün toktotup, anın janınan jogoru kötörülüp ketti.

²³Ibrayım öz uulu Ismayıldı, öz üyündö törölgöndördü, kümüşünö satıp algandardı, özünün üyündögü erkek attuulardın baarın dal oşol künü Kuday aytkanday kılıp, sünnötkö oturguzdu.

²⁴Sünnötkö oturguzulganda, Ibrayım tokson toguz jaşta ele.

²⁵Al emi anın uulu Ismayıl sünnötkö oturguzulganda, on üç jaşta ele.

²⁶Tak oşol künü Ibrayım da, anın uulu Ismayıl da sünnötkö oturguzuldu.

²⁷Anı menen birge anın üyündögü erkek attuulardın baarı, anın üyündö törölgöndör jana bötön uruudan kümüşkö satılıp alıngandar sünnötkö oturguzuldu.