Read NT LS 2005 – Инжил ЛС (2005 Baştalış 18 Bible Online

Baştalış 18 - NT LS 2005 – Инжил ЛС (2005 bible

Baştalış 18

¹Teŋir Mamrey degen emen tokoyunun janında Ibrayımga keldi. Al kün ısıkta çatırdın kire berişinde oturgan.

²Al başın kötörüp karasa, tuşunda üç erkek kişi turgan eken. Alardı körüp, çatırdın kire berişinen uturlay çurkap barıp, alarga jerge çeyin başın iyip taazim etti.

³Anan mınday dedi: «Egederim! Egerde men Senin köz aldıŋda ırayım tapkan bolsom, kuluŋdun janınan kıya ötpö.

⁴Azır bir az suu alıp kelip, butuŋardı juup berişet. Uşul daraktın tübündö es algıla.

⁵Men tamak-aş alıp keleyin, kubattanıp alıp, jolgo çıkkıla, antkeni kuluŋardın janınan ötüp baratasıŋar». Alar aga: «Aytkanıŋday kıl», – deşti.

⁶Oşondo Ibrayım çatırga şaşıp kirip, Saaraga mınday dedi: «Bol tezireek, eŋ jakşı undan üç sata kamır juurup, açıtkısız nan jasay koy».

⁷Anan Ibrayım badaga çurkap barıp, bir jakşı jaş muzoonu alıp kelip, ulanga karmattı. Ulan anı dayardaganga şaştı.

⁸Anan may, süt, bışırılgan muzoo etin alıp kelip, alardın aldına koydu. Alar tamak jep jatışkanda, özü alardın janında, daraktın tübündö turdu.

⁹Alar andan: «Ayalıŋ Saara kayda?» – dep suraştı. Al: «Uşul jerde, çatırda», – dep joop berdi.

¹⁰Alardın biri mınday dedi: «Men kelerki jılı uşul ele ubakta senikinde bolom, oşondo ayalıŋ Saara uulduu bolot». Saara bolso anın artındagı çatırdın oozunda ugup turgan ele.

¹¹Ibrayım menen Saara kartayıp, ulgayıp kalışkan ele. Saaranın ayaldarga münözdüü nersesi toktop kalgan bolçu.

¹²Saara içinen külüp: «Kartayıp kalganda, maga uşunday sooronuç bolmok bele? Mırzam da karı», – dedi.

¹³Oşondo Teŋir Ibrayımga mınday dedi: «“Kartayıp kalganımda kantip ele töröyün?” – dep, Saara emne üçün küldü?

¹⁴Teŋir üçün kıyın nerse barbı? Kelerki jılı, aytılgan möönöttö Men senikinde bolom, oşondo Saara uulduu bolot».

¹⁵Saara bolso: «Men külgön jokmun», – dep, moynuna albay koydu. Antkeni al korkup ketken ele. Birok Al: «Jok, sen küldüŋ», – dedi.

¹⁶Anan alar orundarınan turuştu da, al jerden Sodomgo jönöştü. Ibrayım alardı uzatıp koyuu üçün, alar menen koşo jönödü.

¹⁷Oşondo Teŋir mınday dedi: «Men kıla turgan işimdi Ibrayımdan jaşırmak belem!

¹⁸Ibrayımdan uluu jana küçtüü el çıgarı anık. Jer jüzündögü bardık elder al arkıluu bata alışat.

¹⁹Antkeni Men anı öz uuldarına jana özünön kiyinki ukum-tukumuna çındık jana adilettüülük menen jaşoonu, Teŋirdin jolunda jürüünü osuyattasın dep tandap aldım. Teŋir Ibrayımga aytkanın orundatat».

²⁰Anan Teŋir mınday dedi: «Sodom menen Amordun künöösü abdan oor, alardan korduk körgöndördün ıyı katuu.

²¹Tüşüp köröyün, alardın kılıp jatkan işteri Maga jetken ıyçalık beken je jokpu, bileyin».

²²Oşentip, alar al jerden burulup, Sodomgo ketişti. Ibrayım bolso dagı ele Teŋirdin aldında turdu.

²³Anan Ibrayım Teŋirge jakın kelip, mınday dedi: «Kantip ele Sen adil adamdı mıyzamsız menen birge jok kılasıŋ?

²⁴Balkim, bul şaarda elüü adil adam bardır? Kantip ele Sen al jerdegi elüü adil adam üçün alarga ırayım kılbay jok kılasıŋ?

²⁵Mıyzamsızga emne bolso, adilge da oşol bolboşu üçün, Sen adildi mıyzamsız menen birge jok kılbaysıŋ, Sen eç kaçan anday kılbaysıŋ! Büt jer jüzünün Sotu adiletsiz sot jürgüzmök bele?»

²⁶Oşondo Teŋir mınday dedi: «Egerde Men Sodom şaarınan elüü adil adam tapsam, anda Men alar üçün al jerge ırayım kılam».

²⁷Ibrayım: «Men topurak jana kül bolsom da, Egederime süylögöngö batındım.

²⁸Egerde elüü adilge beşöö jetpey kalsa, jetpegen beş adam üçün Sen bütündöy şaardı kıyratasıŋbı?» – dep suradı. Teŋir aga: «Egerde andan kırk beşti tapsam, kıyratpaym», – dep joop berdi.

²⁹Ibrayım Teŋir menen süylöşüüsün ulantıp: «Mümkün, al jerden kırk adil adam tabılar», – dedi. Teŋir aga: «Kırk adam üçün da anday kılbaym», – dedi.

³⁰Ibrayım dagı: «Menin ayta turgan sözümö Egederim kaardanbasa eken. Mümkün, al jerden otuzu tabılar?» – dedi. Teŋir aga: «Eger otuzu tabılsa da, anday kılbaym», – dedi.

³¹Ibrayım dagı: «Men Egederime süylögöngö batındım. Mümkün, al jerden jıyırması tabılar?» – dedi. Teŋir aga: «Jıyırması üçün da anday kılbaym», – dedi.

³²Oşondo Ibrayım Teŋirge: «Men dagı bir jolu aytsam, Egederim kaardanbasa eken. Mümkün, al jerden onu tabılar?» – dedi. Teŋir aga: «Onu üçün da jok kılbaym», – dedi.

³³Oşondo Teŋir Ibrayım menen süylöşüüsün toktotup, anın janınan ketti. Ibrayım bolso öz üyünö kaytıp keldi.