Read NT LS 2005 – Инжил ЛС (2005 Baştalış 20 Bible Online

Baştalış 20 - NT LS 2005 – Инжил ЛС (2005 bible

Baştalış 20

¹Ibrayım al jerden çıgıp, tüştükkö kelip, Kadeş menen Şurdun ortosuna jaygaşıp, Gerar jerinde ubaktıluu jaşap turdu.

²Ibrayım öz ayalı Saaranı: «Bul menin karındaşım», – dedi. Oşondo Gerar padışası Abı-Melek kişi jiberip, Saaranı aldırttı.

³Kuday Abı-Melekke tün içinde tüşündö kelip, aga mınday dedi: «Emi sen algan bul ayal üçün ölösüŋ, antkeni anın küyöösü bar».

⁴Abı-Melek bolso Saaraga tiygen jok. Al mınday dedi: «Egederim! Kantip ele Sen ayıpsız eldi jok kılasıŋ?

⁵Ibrayım maga: “Bul menin karındaşım”, – dep, özü aytpadı bele? Saara da: “Al menin agam”, – degen. Men munu taza jürök, taza kol menen kılgam».

⁶Oşondo Kuday tüşündö aga mınday dedi: «Sen munu taza jürök menen kılganıŋdı Men bilemin, oşonduktan seni aga tiygizbey, Maga karşı künöö kıluudan saktap kaldım.

⁷Ayaldı küyöösünö azır ele kaytarıp ber, antkeni al – paygambar, al sen üçün sıyınsın, oşondo sen tirüü kalasıŋ. Egerde kaytarıp berbeseŋ, anda bilip koy, sen bardık adamdarıŋ menen koşo, sözsüz, ölösüŋ».

⁸Oşondo Abı-Melek erteŋ menen erte turup, özünün bardık kuldarın çakırıp alıp, bul sözdördün bardıgın alarga uguza aytıp berdi. Alar abdan korkup ketişti.

⁹Anan Abı-Melek Ibrayımdı çakırıp alıp, aga: «Emne üçün sen bizge mınday kıldıŋ? Maga jana menin padışaçılıgıma çoŋ künöö keltirgidey, saga emne künöö kıldım ele? Sen tuura emes iş kıldıŋ.

¹⁰Sen bul işti kanday oy menen kıldıŋ ele?» – dedi.

¹¹Ibrayım mınday joop berdi: «Bul jerde Kudaydan korkuu jok bolgonduktan, meni ayalımdın ayınan öltürüp koyuşat dep oylodum.

¹²Al, çın ele, menin karındaşım. Ekööbüz atalaş bir tuuganbız, enebiz başka. Azır bolso al menin ayalım.

¹³Kuday meni atamdın üyünön jer kezüügö alıp çıkkanda, men aga: “Maga ırayım kılıp, kaysı jerge kelsek da, bardık jerde sen meni: 'Bul menin agam' de”, – dep aytkan elem».

¹⁴Oşondo Abı-Melek Ibrayımga mayda jana bodo mal, kuldardı jana küŋdördü berdi. Ayalı Saaranı da aga kayra berdi.

¹⁵Anan Abı-Melek mınday dedi: «Mına, menin jerim senin aldıŋda. Kaalagan jeriŋde jaşa».

¹⁶Saaraga da mınday dedi: «Mına, men bir tuugan agaŋa miŋ kümüş şekel berdim. Bul senin büt eldin aldında ak ekeniŋdi bildiret, sen bardıgının aldında aktaldıŋ».

¹⁷Anan Ibrayım Kudayga sıyındı. Oşondo Kuday Abı-Melekti, anın ayalın, küŋdörün sakayttı, alar töröy baştaştı.

¹⁸Antkeni Teŋir Ibrayımdın ayalı Saara üçün Abı-Melektin üyündögü bardık ayaldardı töröbös kılıp salgan ele.