Read NT LS 2005 – Инжил ЛС (2005 Baştalış 22 Bible Online

Baştalış 22 - NT LS 2005 – Инжил ЛС (2005 bible

Baştalış 22

¹Uşul okuyalardan kiyin Kuday Ibrayımdı sınadı. Al aga: «Ibrayım!» – dedi. Ibrayım bolso: «Mına men», – dedi.

²Oşondo Kuday mınday dedi: «Jakşı körgön jalgız uuluŋ Iskaktı alıp, Moria jerine bar. Men saga al jerdegi toolordun birin aytam, oşol jerde anı bütündöy örttölüüçü kurmandıkka çal».

³Ibrayım erteŋ menen erte turup, eşegin tokup, özü menen koşo malay baldarınan eköönü jana uulu Iskaktı alıp, jolgo çıktı. Bütündöy örttölüüçü kurmandık üçün otun jarıp alıp, Kuday aytkan jerge bardı.

⁴Içünçü künü Ibrayım köz çaptırıp, alıstan al jerdi kördü.

⁵Anan Ibrayım malay baldarına: «Siler bul jerde eşek menen kalgıla. Al emi uulum ekööbüz tigil jakka barıp, sıyınıp, anan silerge kaytıp kelebiz», – dedi.

⁶Ibrayım bütündöy örttölüüçü kurmandıkka dayındalgan otundu uulu Iskaktın jonuna artıp, koluna ot menen bıçak aldı. Anan eköö birge jönödü.

⁷Oşondo Iskak atası Ibrayımga: «Ata!» – dedi. Al: «Mına men, uulum», – dedi. Iskak: «Ot menen otun mına, al emi bütündöy örttölüüçü kurmandıkka çalınuuçu kozu kana?» – dep suradı.

⁸Ibrayım aga: «Uulum, Kuday Özünö çalınuuçu bütündöy örttölüüçü kurmandıkka kozunu Özü karaştırat», – dep joop berdi. Alar andan arı jönöştü.

⁹Oşentip, alar Kuday aytkan jerge kelişti. Ibrayım al jerge kurmandık çalınuuçu jay kurup, otundardı koyup, öz uulu Iskaktı baylap, anı kurmandık çalınuuçu jayga, otundardın üstünö jatkırdı.

¹⁰Anan Ibrayım öz uulun muuzdaş üçün kolun sunup, bıçagın aldı.

¹¹Birok asmandan Teŋirdin periştesi: «Ibrayım! Ibrayım!» – dep çakırdı. Al: «Mına men», – dedi.

¹²Perişte aga: «Balaŋa kol kötörbö, aga eç nerse kılba, antkeni Men emi senin Kudaydan korkoruŋdu, Men üçün jalgız uuluŋdu da ayabaganıŋdı bildim», – dedi.

¹³Ibrayım köz çaptırıp karasa, artında müyüzü kalıŋ badalga ilinip kalgan bir koçkor turgan eken. Ibrayım basıp barıp, al koçkordu alıp, uulunun orduna bütündöy örttölüüçü kurmandıkka çaldı.

¹⁴Anan Ibrayım oşol jerdin atın Jahaba-ire dep atadı. Oşondon ulam «Jahaba toosunda karaştırılat» degen söz aytılıp kalgan.

¹⁵Teŋirdin periştesi asmandan Ibrayımdı ekinçi iret çakırıp, mınday dedi:

¹⁶«Özüŋdün jalgız uuluŋdu ayabastan, uşul işti kılganıŋ üçün, Özüm menen ant berem, – deyt Teŋir.

¹⁷Emi Men seni alkagandan alkaym, senin tukumuŋdu asmandagı jıldızdarday, deŋiz jeegindegi kumday köböytköndön köböytöm. Senin tukumuŋ öz duşmandarının şaarların eelep alat.

¹⁸Menin tilimdi alganıŋ üçün, senin tukumuŋ arkıluu büt jer jüzünün elderi bata alışat».

¹⁹Anan Ibrayım malay baldarına kaytıp kelip, alar menen birge Beyer-Şebaga jönödü. Ibrayım Beyer-Şebada jaşap turdu.

²⁰Bul okuyalardan kiyin Ibrayımga mınday kabar aytıldı: «Milka da senin bir tuuganıŋ Nahorgo bul uuldardı töröp berdi:

²¹tun balası Ustu, anın bir tuuganı Buzdu, Aramdın atası Kemueldi,

²²Kesetti, Hazonu, Pildaştı, Jidlaptı jana Betueldi.

²³Betuelden Rebeka töröldü. Uşul segizin teŋ Ibrayımdın bir tuuganı Nahorgo Milka töröp berdi.

²⁴Reyum attuu küŋ ayalı da Tebahtı, Gahamdı, Tahaştı jana Maahanı törödü».