Read NT LS 2005 – Инжил ЛС (2005 Baştalış 24 Bible Online

Baştalış 24 - NT LS 2005 – Инжил ЛС (2005 bible

Baştalış 24

¹Ibrayımdın jaşı ötüp, karıp kalgan. Teŋir Ibrayımga bardık jagınan batasın berdi.

²Ibrayım üy işin başkargan kuluna mınday dedi: «Koluŋdu menin sanıma koyup turup,

³uuluma men jaşap jatkan Kanaan jerinin kızdarınan ayal alıp berbeym dep, asman-jerdin Kudayı bolgon Teŋir menen ant ber.

⁴Menin jerime, menin mekenime barıp, uulum Iskakka ayal alıp kelesiŋ».

⁵Oşondo kulu aga mınday dedi: «Egerde al ayal bul jerge meni menen kelgisi kelbeseçi? Anda uuluŋdu tuulgan jeriŋe kayra jiberişim kerekpi?»

⁶Ibrayım aga: «Baykagın, uulumdu al jakka kayra jiberbe.

⁷Meni atamdın üyünön, tuulgan jerimden alıp çıgıp, maga: “Bul jerdi senin tukumuŋa berem”, – dep ubada kılgan asman Kuday-Teŋiri senin aldıŋan Öz periştesin jiberet, oşondo sen al jerden uuluma ayal alıp kelesiŋ.

⁸Egerde ayal seni menen kelüünü kaalabasa, anda maga bergen antıŋdan kutulasıŋ, birok uulumdu al jakka kayra jiberbe», – dedi.

⁹Oşondo kulu kolun mırzası Ibrayımdın sanına koyup, oşentip ant berdi.

¹⁰Anan kulu öz mırzasının töölörünön on töö alıp, jönöp ketti. Anın kolunda mırzasının ar kanday asıl buyumdarı da bar ele. Al turup, Mesopotamiyaga, Nahordun şaarına jönödü.

¹¹Al şaardın sırtındagı kuduktun janına keçke maal, ayaldar suu aluuga çıga turgan mezgilde töölörün çöktürdü.

¹²Anan al: «Teŋirim, Ibrayım mırzamdın Kudayı! Al kızdı maga bügün joluktura kör, menin mırzam Ibrayımga ırayım kıla kör.

¹³Mına, men kuduktun janında turam, şaardın kızdarı suu suzup alganı kele jatışat.

¹⁴Men kaysı kızga: “Kumuraŋdı eŋkeytçi, suu içip alayın”, – desem, al: “İç, töölörüŋdü da sugarıp berem”, – dese, anda oşol kız Sen Öz kuluŋ Iskakka dayındagan kız ekenin jana Sen menin mırzama ırayım kılganıŋdı bilem», – dedi.

¹⁵Al aytıp bütö elekte ele, Ibrayımdın bir tuuganı Nahordun ayalı Milka törögön Betueldin kızı Rebeka iynine kumurasın kötörüp, kuduktun janına keldi.

¹⁶Kız çırayluu, erkek körö elek kız ele. Al kudukka kelip, kumurasın tolturup alıp, öydö közdöy jönödü.

¹⁷Oşondo kul kızdın astınan çurkap çıgıp: «Kumuraŋdan kiçine suu içirçi», – dedi.

¹⁸Kız: «İç, mırzam», – dedi da, oşol zamat kumurasın iyninen tüşürüp, koluna alıp, aga suu içirdi.

¹⁹Kız aga suu içirgenden kiyin: «Töölörüŋdün da suusunu kangıça suzup kelip bereyin», – dedi.

²⁰Anan al oşol zamat kumurasındagı suunu aştoogo kuya salıp, kudukka kayra çurkap barıp, anın büt töölörünö suu suzup berdi.

²¹Joluna Teŋir batasın bergen-berbegenin bilgisi kelgendikten, al kişi unçukpay, kızdı taŋ kala karap turdu.

²²Töölör suu içip bütköndön kiyin, al kişi salmagı jarım şekel altın bolgon şakekti jana salmagı on şekel altın bolgon eki bilerikti alıp çıgıp, mınday dep suradı:

²³«Kimdin kızısıŋ? Aytçı maga, ataŋdın üyündö biz tünögöngö orun barbı?»

²⁴Kız aga: «Nahor menen Milkanın uulu Betueldin kızımın», – dep joop berdi.

²⁵Anan dagı mınday dedi: «Bizde jem-çöp köp. Tünögöngö da orun bar».

²⁶Oşondo al kişi başın iyip taazim kılıp, Teŋirge tabınıp, mınday dedi:

²⁷«Mırzam Ibrayımdın Kuday-Teŋirine alkış! Al menin mırzamdı Özünün ırayımı menen akıykatınan kuru kaltırbaptır! Teŋir meni tüz ele mırzamdın bir tuuganının üyünö alıp keldi».

²⁸Kız çurkap barıp, munu enesinin üyündögülörünö ayttı.

²⁹Rebekanın Laban degen bir tuugan agası bar ele. Laban kuduktu közdöy janagı kişige çurkap çıktı.

³⁰Al karındaşının koluna salıngan şakegi menen bilerikterin körüp jana karındaşı Rebekanın «Bul kişi meni menen uşintip süylöştü» degenin ugup, al kişige kelse, al kuduktun janında töölörü menen turgan eken.

³¹Oşondo Laban aga: «Teŋir batasın bergen adam, üygö kir. Emnege sırtta turasıŋ? Men saga üy, töölörüŋö jay kamdap koydum», – dedi.

³²Al kişi üygö kirdi. Laban töölördü jaydaktap, alardın aldına jem-çöp salıp, aga jana anı menen birge kelgenderge buttarın juuganga suu berdi.

³³Anın aldına tamak koyuştu, birok al: «Öz işimdin jönün aytmayın jebeymin», – dedi. Alar: «Ayt», – deşti.

³⁴Oşondo al: «Men Ibrayımdın kulumun.

³⁵Teŋir menin mırzama batasın mol bergendikten, al bay adam boldu. Al aga koy da, ögüz da, kümüş da, altın da, kul da, küŋ da, töö da, eşek da berdi.

³⁶Mırzamdın ayalı Saara kartayıp kalganda, aga uul töröp berdi. Mırzam uuluna özündö bolgondun baarın berdi.

³⁷Anan mırzam menden: “Uuluma men jaşap jatkan jerdegi Kanaan kızdarınan ayal alıp berbe,

³⁸atamdın eline, menin tuugandarıma barıp, uuluma ayal alıp kelesiŋ”, – dep, ant aldı.

³⁹Men mırzama: “Egerde al kız meni menen kelbeseçi?” – desem,

⁴⁰al maga: “Men tabıngan Teŋir seni menen Öz periştesin jiberip, joluŋdu açat, anan sen menin uuluma tuugandarımdan, atamdın elinen ayal alıp kelesiŋ.

⁴¹Sen menin tuugandarımdıkına barıp kelgenden kiyin, menin antımdan kutulasıŋ. Egerde alar berişpese, anda da antımdan kutulasıŋ”, – degen.

⁴²Men bügün kudukka kelip: “Teŋirim, mırzam Ibrayımdın Kudayı! Egerde Sen menin jolumdu açkan bolsoŋ,

⁴³anda mına, men kuduktun janında turam. Suu alganı kelgen kızga: "Kumuraŋdan kiçine suu içirçi", – deym.

⁴⁴Oşondo al maga: "Sen da iç, töölörüŋö da suzup bereyin", – dese, anda mırzamdın uuluna Teŋir belgilep koygon kız oşol”, – dedim.

⁴⁵İçimden Kudayga uşintip aytıp bütö elekte ele, Rebeka keldi. Anın iyninde kumurası bar eken. Al kudukka kelip, suu suzup aldı. Oşondo men aga: “Maga suuŋdan berçi”, – dedim.

⁴⁶Al oşol zamat kumurasın iyninen tüşürüp: “İç, töölörüŋö da suzup bereyin”, – dedi. Maga da berdi, töölörümdü da sugardı.

⁴⁷Men andan: “Kimdin kızısıŋ?” – dep suradım. Al: “Nahor menen Milkanın uulu Betueldin kızımın”, – dep joop berdi. Oşondo men aga şakek menen bilerikterdi berdim.

⁴⁸Anan men Teŋirge başımdı iyip taazim etip, mırzam Ibrayımdın Kuday-Teŋirine alkış ayttım. Al menin mırzamdın uuluna bir tuuganının kızın alıp berüü üçün, meni tüz alıp keldi.

⁴⁹Menin mırzama ırayım jana akıykattık kılayın degen oyuŋar bar je jok ekenin maga azır ele aytkıla? Aytkıla, anan men oŋgo je solgo burulup keteyin».

⁵⁰Oşondo Laban menen Betuel: «Bul iş Teŋirden. Biz saga jakşı da, jaman da ayta albaybız.

⁵¹Mına, Rebeka aldıŋda turat. Anı alıp, jolgo çık. Teŋir aytkanday, al mırzaŋdın uulunun ayalı bolsun», – dep joop berişti.

⁵²Ibrayımdın kulu alardın sözün ukkanda, Teŋirge jerge çeyin başın iyip taazim etti.

⁵³Anan al kul altın-kümüş buyumdardı, kiyimderdi alıp çıgıp, Rebekaga berdi. Agası menen enesine da kımbat baaluu belekterdi berdi.

⁵⁴Oşentip, al janındagı kişileri menen konok bolup, tünöp kaldı. Alar erteŋ menen turuşkanda, kul alarga: «Emi meni mırzama koё bergile», – dedi.

⁵⁵Birok kızdın bir tuuganı menen enesi: «Kızıbız biz menen, jok degende, on çaktı kün bolsun. Andan kiyin jönöysüŋ», – deşti.

⁵⁶Birok al: «Meni karmabagıla, antkeni Teŋir menin jolumdu açkan. Meni koё bergile, mırzama barayın», – dedi.

⁵⁷Alar: «Kızdı çakırıp suraylı, al emne deer eken», – deşti.

⁵⁸Rebekanı çakırıp, andan: «Bul kişi menen barasıŋbı?» – dep suraştı. Kız: «Baram», – dep joop berdi.

⁵⁹Oşondo alar özdörünün karındaşı Rebekanı, anın emçek enesin, Ibrayımdın kulun, anın janındagı kişilerdi koё berişti.

⁶⁰Alar Rebekaga: «Bizdin karındaşıbız! Senden miŋ-miŋdegen tukum törölüp, ukum-tukumuŋ duşmandarıŋdın turak jayların eelesin!» – dep batasın berişti.

⁶¹Anan Rebeka jana anın kızmatçısı ordularınan turup, töölörgö minip, tigi kişinin artınan jönöştü. Oşentip, Ibrayımdın kulu Rebekanı alıp, jönöp ketti.

⁶²Iskak bolso Beyir-Lakay-Royige keldi, antkeni al tüştük jerinde jaşap jatkan.

⁶³Keç kirgende, Iskak sıyınganı talaaga çıgıp, köz çaptırıp karasa, töölör kele jatıptır.

⁶⁴Rebeka Iskaktı körö koyup, töödön tüşüp, kuldan:

⁶⁵«Bizdi talaada tosup kele jatkan kim?» – dep suradı. «Al menin mırzam», – dep joop berdi kul. Oşondo Rebeka çümböttü alıp, jamına kaldı.

⁶⁶Kul Iskakka emne kılganının baarın aytıp berdi.

⁶⁷Iskak kızdı enesi Saaranın çatırına alıp kirdi. Al Rebekanı aldı, al anın ayalı bolup kaldı, al kızdı süyüp kaldı. Oşentip, Iskak enesinin küyütünön soorondu.