Read NT LS 2005 – Инжил ЛС (2005 Baştalış 26 Bible Online

Baştalış 26 - NT LS 2005 – Инжил ЛС (2005 bible

Baştalış 26

¹Ibrayımdın ubagında bolgondoy ele, jer betinde dagı açarçılık boldu. Iskak Pelişti padışası Abı-Melekke barmak bolup, Gerar jerine jönödü.

²Teŋir aga kelip, mınday dedi: «Misirge barba, Men saga aytkan jerde jaşa.

³Oşol jerde kelgin katarı jaşa. Men seni menen bolom, saga batamdı berem, antkeni saga jana senin tukumuŋa oşol jerdin baarın berem, Men senin ataŋ Ibrayımga bergen antımdı orundatam.

⁴Senin ukum-tukumuŋdu asmandagı jıldızdarday köböytöm. Senin ukum-tukumuŋa bul jerdin baarın berem. Jer jüzündögü bardık elder senin uruguŋ arkıluu bata alışat.

⁵Antkeni Ibrayım Menin aytkanımdı ugup, Men atkar dep osuyat kılgandı, Menin buyruktarımdı, körsötmölörümdü, mıyzamdarımdı atkardı».

⁶Oşentip, Iskak Gerarga oturuktaştı.

⁷Al jerdin turgundarı anın ayalı jönündö suraşkanda, al: «Bul menin karındaşım», – dep joop berdi. Rebeka üçün bul jerdin turgundarı meni öltürüp koyuşat dep oylop, al anı «menin ayalım» dep aytkandan korktu, antkeni al suluu ayal ele.

⁸Birok al jerde köp ubakıt jaşagandan kiyin, Pelişti padışası Abı-Melek terezeden Iskaktın öz ayalı Rebeka menen oynop jatkanın kördü.

⁹Oşondo Abı-Melek Iskaktı çakırıp: «Bul senin ayalıŋ turbaybı, anı “karındaşım” dep kantip ayttıŋ?» – dedi. «Ayalım üçün meni öltürüp koyuşat dep oylodum», – dep joop berdi Iskak.

¹⁰Birok Abı-Melek: «Bul emne kılganıŋ? El arasınan biröö senin ayalıŋa jakındap koё jazdadı, az jerden bizdi künöögö türtüp koё jazdadıŋ», – dedi.

¹¹Anan Abı-Melek büt elge buyruk berip, mınday dedi: «Kim bul adamga jana anın ayalına tiyse, al ölüm jazasına tartılat».

¹²Iskak oşol jerge arpa seep, oşol jılı jüz eselep tüşüm aldı, antkeni Teŋir aga uşintip batasın berdi.

¹³Oşentip, Iskak bay adam boldu. Anın baylıgı köböygöndön köböyüp, abdan bay boldu.

¹⁴Anın mayda jana bodo malı, aydoo jerleri köp bolgonduktan, peliştilikter köz arta baştaştı.

¹⁵Atası Ibrayımdın közü tirüüsündö, atasının kuldarı kazgan kuduktardın baarın peliştilikter uratıp, topurakka tolturup salıştı.

¹⁶Abı-Melek da Iskakka: «Bizden alıs ket, antkeni bizden alda kança küçtüü bolup aldıŋ», – dedi.

¹⁷Oşondo Iskak al jerden ketip, çatırların Gerar öröönünö tigip, oşol jerde oturuktaşıp kaldı.

¹⁸Atası Ibrayımdın ubagında kazılıp, al ölgöndön kiyin peliştilikter topurak tolturup salgan kuduktardı Iskak kayradan kazıp, alardı atası atagan attar menen atadı.

¹⁹Iskaktın kuldarı örööndü kazıp jatıp, al jerden suusu bar kuduk tabıştı.

²⁰Oşondo Gerardın koyçuları menen Iskaktın koyçuları: «Bul bizdin suu», – dep talaşışkandıktan, al anın atın Eysek dep atadı.

²¹Dagı bir kuduk kazıştı. Al tuuraluu da talaşışkandıktan, al anın atın Sitna dep atadı.

²²Oşondo al bul jerden ketip, başka kuduk kazdı. Al tuuraluu talaş bolgon jok. Oşondo al: «Emi Teŋir bizge kenen jer berdi, biz emi jer betinde köböyö baştaybız», – dep, al kuduktu Rehobot dep atadı.

²³Al jerden al Beyer-Şebaga köçtü.

²⁴Oşol tünü Teŋir aga kelip, mınday dedi: «Men senin ataŋ Ibrayımdın Kudayımın. Korkpogun, antkeni Men seni menenmin. Kulum Ibrayım üçün saga batamdı berip, senin tukumuŋdu köböytöm».

²⁵Oşondo Iskak oşol jerge kurmandık çalınuuçu jay kurup, Teŋirdin atın çakırdı. Oşol jerge çatırın tikti. Kuldarı oşol jerge kuduk kazıştı.

²⁶Aga Gerardan Abı-Melek özünün dosu Akuzat jana asker başçısı Pihol menen keldi.

²⁷Iskak alarga: «Siler meni jek körüp, özüŋördün araŋardan kuup jibergenden kiyin, maga emnege keldiŋer?» – dedi.

²⁸«Teŋir seni menen ekenin açık kördük, oşon üçün biz seni menen anttaşıp, kelişim tüzölü.

²⁹Antkeni biz saga tiybey, jakşılık gana kılıp, seni tınçtık menen koё bergendey ele, sen da bizge jamandık kılba. Sen azır Teŋirdin batasına eesiŋ», – deşti alar.

³⁰Iskak alar üçün toy ötkördü. Alar içip-jeşti.

³¹Ertesi erteŋ menen erte turup, alar biri-birine ant berişti. Iskak alardı koё berdi, alar anıkınan tınçtık menen jönöp ketişti.

³²Oşol ele künü Iskaktın kuldarı kelip, özdörü kazgan kuduk tuuraluu: «Biz suu taptık», – dep kabarlaştı.

³³Iskak al kuduktu Şeba dep atadı. Oşonduktan uşul küngö çeyin al şaardın atı Beyer-Şeba dep atalat.

³⁴Eysap kırk jaşka çıkkanda, hettik Beyerdin kızı Jeyuditti jana hettik Eylondun kızı Basımattı ayaldıkka aldı.

³⁵Alar Iskak menen Rebekanın başına tüşkön kaygı boldu.