Read NT LS 2005 – Инжил ЛС (2005 Baştalış 28 Bible Online

Baştalış 28 - NT LS 2005 – Инжил ЛС (2005 bible

Baştalış 28

¹Oşondo Iskak Jakıptı çakırıp, aga batasın berip, mınday dep osuyat kıldı: «Kanaan kızdarınan ayal alba.

²Orduŋan turup, Mesopotamiyaga, apaŋdın atası Betueldin üyünö bar, al jerden apaŋdın bir tuuganı Labandın kızdarınan ayal al.

³Kudurettüü Kuday saga batasın bersin, seni ukum-tukumduu kılsın, senden köptögön elder tarasın.

⁴Kuday Ibrayımga bergen batasın saga da, senin ukum-tukumuŋa da bersin. Kuday Ibrayımga bergen, azır sen jaşap jatkan jerdi muraska al».

⁵Oşentip, Iskak Jakıptı koё berdi. Al Mesopotamiyaga, Jakıp menen Eysaptın enesi Rebekanın bir tuuganı arameylik Betueldin uulu Labandıkına jönöp ketti.

⁶Eysap Iskaktın Jakıpka bata bergenin, anı Mesopotamiyaga jönötüp jatıp: «Oşol jerden ayal al, Kanaan kızdarınan alba», – dep osuyattaganın,

⁷Jakıp atası menen apasının tilin alıp, Mesopotamiyaga jönöp ketkenin kördü.

⁸Eysap oşondoy ele Kanaan kızdarı atası Iskakka jakpaganın körüp,

⁹Ismayılga barıp, Ibrayımdın uulu Ismayıldın kızı Mahalattı, Nıbayottun karındaşın, eki ayalının üstünö ayaldıkka aldı.

¹⁰Jakıp bolso Beyer-Şebadan çıgıp, Haranga jönödü.

¹¹Anan al bir jerge kelip, oşol jerge tünömökçü boldu, antkeni kün batıp kalgan ele. Oşol jerdin taştarınan birdi alıp, başına jazdap, oşol jerge jattı.

¹²Al uktap jatıp, tüşündö jerde tepkiç turganın kördü. Tepkiçtin başı asmanga tiyip turuptur. Kudaydın perişteleri tepkiç menen tüşüp-çıgıp jatkan eken.

¹³Teŋir tepkiçtin üstündö turup: «Men Teŋirmin, ataŋ Ibrayım menen Iskaktın Kudayımın. Sen jatkan jerdi Men saga jana senin ukum-tukumuŋa berem,

¹⁴senin ukum-tukumuŋ jer kumunday bolot. Deŋiz tarapka, çıgışka, tündükkö, tüştükkö taraysıŋ. Sen arkıluu, senin uruguŋ arkıluu jer betindegi bardık uruular bata alışat.

¹⁵Emi Men seni menenmin. Sen kayda barbagın, bardık jerde seni saktaymın jana seni bul jerge kayra alıp kelemin. Men aytkandarımdı orundatmayınça, seni taştabaymın», – dedi.

¹⁶Jakıp oygonup: «Çın ele, Teŋir bul jerde eken, men bolso munu bilgen emesmin!» – dedi.

¹⁷Anan korkup ketip: «Bul jer ötö korkunuçtuu eken. Bul jer jönököy jer emes, Kudaydın üyü, asman darbazası turbaybı!» – dedi.

¹⁸Jakıp erteŋ menen erte turup, başına jazdangan taştı alıp, anı estelik kılıp koyup, üstünö zaytun mayın kuydu.

¹⁹Anan al jerdi Beytel dep atadı. Al emi şaardın murunku atı Luz ele.

²⁰Oşondo Jakıp mınday dep ubada berdi: «Egerde Kuday meni menen bolso, bara jatkan uşul joldo meni saktay turgan bolso, maga jey turgan nan, kie turgan kiyim berse,

²¹atamdın üyünö tınçtık menen kaytsam jana Teŋir menin Kudayım bolso,

²²anda men estelik kılıp koygon mına bul taş Kudaydın üyü bolot. O, Kudayım, oşondo men Saga Sen bergen bardık nersenin ondon bir bölügün berem».