Read NT LS 2005 – Инжил ЛС (2005 Baştalış 30 Bible Online

Baştalış 30 - NT LS 2005 – Инжил ЛС (2005 bible

Baştalış 30

¹Rahel özünün Jakıpka bala töröp berbey jatkanın körüp, ejesine köz artıp, Jakıpka: «Maga bala ber, bolboso men ölöm», – dedi.

²Jakıp Rahelge açuulanıp: «Saga bala berbegen Kuday menminbi?» – dedi.

³Rahel aga: «Menin kızmatçım Bilaga jakında, al menin tizeme töröp bersin, al arkıluu men da balaluu boloyun», – dedi.

⁴Oşentip, al özünün kızmatçısı Bilanı aga ayaldıkka berdi. Jakıp aga jakındadı.

⁵Bilanın boyuna bütüp, Jakıpka uul töröp berdi.

⁶Oşondo Rahel: «Kuday maga kalıstık kılıp, menin ünümdü ugup, uul berdi», – dep, anın atın Dan koydu.

⁷Raheldin kızmatçısı Bilanın dagı boyuna bütüp, Jakıpka ekinçi uulun töröp berdi.

⁸Oşondo Rahel: «Ejem menen katuu karmaşıp, jeŋip çıktım», – dep, anın atın Naptalı koydu.

⁹Leya özünün törötü toktop kalganın körüp, öz kızmatçısı Zilpanı Jakıpka ayaldıkka berdi.

¹⁰Leyanın kızmatçısı Zilpa da Jakıpka uul töröp berdi.

¹¹Oşondo Leya: «Baş koşuldu», – dep, anın atın Gat koydu.

¹²Leyanın kızmatçısı Zilpa Jakıpka ekinçi uulun töröp berdi.

¹³Oşondo Leya: «Bul menin bagıma. Emi ayaldar meni baktıluu deşet», – dep, anın atın Aşır koydu.

¹⁴Rubeyin buudaydı orup-jıyuu maalında talaaga çıgıp, mandragor taap alıp, enesi Leyaga berdi. Oşondo Rahel Leyaga: «Uuluŋ alıp kelgen mandragorlordu maga berçi», – dedi.

¹⁵Birok Leya aga: «Küyöömdü tartıp alganıŋ az kelgensip, uulum alıp kelgen mandragorlordu da tartıp algıŋ kelip jatabı?» – dedi. Rahel aga: «Anday bolso uuluŋdun mandragorloru üçün Jakıp bügün tünü seni menen jatsın», – dedi.

¹⁶Jakıp keçinde talaadan kele jatkanda, Leya aldınan tosup çıgıp: «Menikine kir, antkeni men seni uulumdun mandragorloruna satıp aldım», – dedi. Bul tünü Jakıp Leya menen jattı.

¹⁷Oşondo Kuday Leyanı uktu. Anın boyuna bütüp, Jakıpka beşinçi uulun töröp berdi.

¹⁸Anan Leya: «Kızmatçımdı küyöömö bergenim üçün Kuday maga tieşemdi berdi», – dep, anın atın İsahar koydu.

¹⁹Leyanın dagı boyuna bütüp, Jakıpka altınçı uulun töröp berdi.

²⁰Oşondo Leya: «Kuday maga eŋ sonun belek berdi. Emi küyööm menikinde jaşayt, antkeni men aga altı uul töröp berdim», – dep, anın atın Zabulun koydu.

²¹Andan kiyin kız töröp, anın atın Dina koydu.

²²Kuday Raheldi estedi. Kuday anın ünün ugup, anı balaluu kıldı.

²³Raheldin boyuna bütüp, uul töröp: «Kuday meni şıldıŋdan arılttı», – dedi.

²⁴Al: «Teŋir maga dagı başka uul beret», – dep, anın atın Jusup koydu.

²⁵Rahel Jusuptu törögöndön kiyin, Jakıp Labanga mınday dedi: «Emi meni koё ber, men öz orduma, öz jerime barayın.

²⁶Maga ayaldarım menen baldarımdı ber, men alar üçün saga kızmat kıldım. Emi men keteyin, antkeni sen menin saga kılgan kızmatımdı bilesiŋ».

²⁷Oşondo Laban: «O, men senin aldıŋda ırayım tapsam kana! Teŋir maga sen üçün bata bergenin bilip turam», – dedi.

²⁸Anan dagı: «Kızmat akıŋdı ayt, emne surasaŋ, oşonu bereyin», – dedi.

²⁹Jakıp aga: «Men saga kanday kızmat kılganımdı, menin ubagımda malıŋ kanday köböygönün bilesiŋ.

³⁰Maga çeyin senin malıŋ az ele, azır köp bolup kaldı. Men kelgenden tartıp, Teŋir saga batasın berdi. Emi men kaçan öz üyüm üçün işteym?» – dedi.

³¹Oşondo Laban: «Saga emne bereyin?» – dedi. «Maga eç nerse berbey ele koy. Menin aytkanımdı gana kılsaŋ, senin koyloruŋdu kayradan kaytaram.

³²Men bügün koyloruŋdun baarın aralap çıgam. Sen andan temgili bar, tagı bar maldın baarın, kara koylordu, oşondoy ele temgili bar, tagı bar eçkilerdi bölüp koy. Uşunday mal menin kızmat akım bolsun.

³³Kiyin sen menin kızmat akımdı körgönü kelgeniŋde, saga menin orduma adilettigim aytıp tursun. Mendegi temgili jok, tagı jok ar kanday eçkiler jana kara emes koylor uurdalgan bolup eseptelet», – dedi Jakıp.

³⁴«Jakşı bolot, sen aytkanday bolsun», – dedi Laban.

³⁵Oşentip, Laban oşol künü bardık ala-bula, tagı bar tekelerdi, temgili bar, tagı bar eçkilerdi, bir az agı bar eçki-tekelerdin baarın, kara koylordu bölüp alıp, özünün uuldarının koluna ötkörüp berdi.

³⁶Anan al özü menen Jakıptın ortosuna üç kün jol jürçü aralıktı belgiledi. Jakıp bolso Labandın kalgan koy-eçkilerin kaytarıp kaldı.

³⁷Jakıp jaş tal, badam, çınar çırpıktarın alıp, alardın kabıgın tilke-tilke kılıp kesip, kesilgen jerlerdi agarta aarçıdı.

³⁸Anan tilke salıngan çıbıktardı maldın aldına, suu kuyuluuçu aştoolorgo taştap koydu. Al jerge mal suu içkeni kelçü. Alar al jerge suu içkeni kelip, çıbıktardın bet maŋdayında uruktanışçu.

³⁹Oşentip, çıbıktardın bet maŋdayında uruktangan maldan ala-bula, temgili, tagı bar mal tuuldu.

⁴⁰Oşondo Jakıp kozulardı bölüp alıp, alardın bet maŋdayına Labandın ala-bula jana kara koylorun koydu. Al öz malın özünçö karmap, Labandın malına koşçu emes.

⁴¹Tıŋıraak mal uruktanarda, çıbıktardın bet maŋdayında uruktanışı üçün, Jakıp çıbıktardı maldın aldına, aştoolordun içine taştap koyçu.

⁴²Al emi çabır mal uruktanarda, çıbıktardı taştaçu emes. Oşonduktan Labanga çabır mal, Jakıpka tıŋ mal tiyip turdu.

⁴³Oşentip, Jakıp ötö bay adam boldu. Anın köptögön mayda malı, küŋdörü, kuldarı, töölörü, eşekteri bolgon.