Read NT LS 2005 – Инжил ЛС (2005 Baştalış 31 Bible Online

Baştalış 31 - NT LS 2005 – Инжил ЛС (2005 bible

Baştalış 31

¹Oşondo Jakıp Labandın uuldarının mınday sözdörün uktu: «Jakıp bizdin atabızdın bardık nersesin eelep aldı, al uşul baylıktın baarın atabızdın mal-mülkünön jıyıp aldı».

²Jakıp Labandın jüzün karasa, al anı murdagıday karabay kalıptır.

³Oşondo Teŋir Jakıpka: «Ata-babalarıŋdın jerine, özüŋdün mekeniŋe kayt. Men seni menen bolomun», – dedi.

⁴Jakıp kişi jiberip, Rahel menen Leyanı talaaga, koylorunun janına çakırtıp aldı.

⁵Jakıp alarga: «Men ataŋardın murdagıday karabay kalganın körüp turam. Birok atamdın Kudayı meni menen boldu.

⁶Siler menin ataŋarga büt küçüm menen kızmat kılganımdı bilesiŋer.

⁷Ataŋar bolso meni aldap, kızmat akımdı on jolu almaştırdı. Birok anın maga jamandık kıluusuna Kuday jol bergen jok.

⁸Al maga “Temgildüü mal senin kızmat akıŋ bolot” degende, maldın baarı temgil tuudu. Al emi “Senin kızmat akıŋ ala-bula mal bolot” degende, maldın baarı ala-bula tuudu.

⁹Oşentip, Kuday maldı ataŋardan tartıp alıp, maga berdi.

¹⁰Bir jolu kuut maalında, tüşümdö kuugan tekelerdin baarı ala-bula, temgili, taktarı bar tekeler ekenin kördüm.

¹¹Kudaydın periştesi tüşümdö maga: “Jakıp!” – dedi. Men: “Mına men”, – dedim.

¹²Al maga: “Başıŋdı kötörüp karaçı, kuugan tekelerdin baarı – ala-bula, temgili, taktarı bar tekeler, antkeni Men Labandın saga emne kılıp jatkanın körüp turam.

¹³Men saga Beytelde kelgen Kudaymın, oşol jerde sen esteliktin üstünö zaytun mayın kuyup, oşol jerde Maga ubada bergensiŋ. Emi orduŋan turup, bul jerden çıgıp, öz mekeniŋe kayt”, – dedi».

¹⁴Rahel menen Leya aga: «Atabızdın bizge bergidey, ençi, murası bar bele?

¹⁵Al bizdi bötön katarı sanayt. Antkeni al bizdi sattı, atügül, kümüşübüzdü da jep koydu.

¹⁶Kuday atabızdan tartıp algan baylıktın baarı bizdiki jana baldarıbızdıkı. Oşonduktan Kuday saga aytkandın bardıgın kıl», – deşti.

¹⁷Oşondo Jakıp ordunan turup, baldarı menen ayaldarın töölörgö mingizdi.

¹⁸Anan Mesopotamiyadan tapkan özünün bardık mal-mülkün alıp, Kanaan jerine, atası Iskakka jönöp ketti.

¹⁹Laban malın kırkkanı keteri menen, Rahel atasının jasalma kudayların uurdap aldı.

²⁰Jakıp bolso arameylik Labanga özünün keterin aytpay, anı aldap ketti.

²¹Oşentip, al özünün bardık mal-mülkün alıp, darıyadan ötüp, Gilat toosun karay bet aldı.

²²Jakıptın ketkendigin Labanga üçünçü künü aytıştı.

²³Oşondo al janına tuugandarın alıp, jeti kün boyu kuup jürüp oturup, aga Gilat toosuna kelgende jetti.

²⁴Kuday arameylik Labanga tün içinde tüşündö kelip: «Baykagın, Jakıpka jaman da, jakşı da aytpa», – dedi.

²⁵Laban Jakıptı kuup jetti. Jakıp bolso çatırın toogo tigip algan ele. Laban da tuugandarı menen çatırın Gilat toosuna tikti.

²⁶Oşondo Laban Jakıpka: «Bul emne kılganıŋ? Emne üçün meni aldadıŋ, kızdarımdı tutkunga tüşköndördöy kılıp alıp kettiŋ?

²⁷Emne üçün jaşıruun kaçtıŋ? Emne üçün menden jaşındıŋ? Emne üçün maga aytkan joksuŋ? Men seni toy-tamaşa ötkörüp, ır ırdap, dap kagıp, gusli çertip uzatpayt belem?

²⁸Atügül, neberelerim menen kızdarımdın betinen öptürgön joksuŋ. Sen oylonboy iş kıldıŋ.

²⁹Silerge jamandık kıluuga küçüm jetet, birok ataŋardın Kudayı keçee maga: “Baykagın, Jakıpka jakşı da, jaman da aytpa”, – dedi.

³⁰Kete berseŋ meyli ele, antkeni ataŋdıkında boluunu abdan kaalaptırsıŋ, birok emne üçün menin kudaylarımdı uurdap kettiŋ?» – dedi.

³¹Jakıp Labanga mınday dep joop berdi: «Kızdarıŋdı menden tartıp alasıŋ go dep korktum.

³²Kudaylarıŋdı kimden tapsaŋ, al tirüü kalbasın! Tuugandarıbızdın közünçö menikinen izdep taap al». Alardı Rahel uurdap alganın Jakıp bilgen emes ele.

³³Oşondo Laban Jakıptın, Leyanın, eki küŋdün çatırlarına kirip, izdep taba albadı. Anan Leyanın çatırınan çıgıp, Raheldikine kirdi.

³⁴Rahel bolso jasalma kudaylardı töönün çomunun astına katıp, özü üstünö oturup algan ele. Laban çatırdı büt aŋtarıp, taba albadı.

³⁵Rahel atasına: «Mırzam menin tura albaganıma açuulanbasa eken, antkeni mende ayaldarga münözdüü nerse bolup jatat», – dedi. Al izdep-izdep, jasalma kudayların taba albadı.

³⁶Jakıp açuulanıp, Laban menen aytışa ketti. Al Labanga mınday dedi: «Menin artıman kuup kelgidey, ayıbım kaysı, künööm kaysı?

³⁷Menin buyumdarımdın baarın karap çıktıŋ, özüŋdün kaysı buyumuŋdu taptıŋ? Uşul jerde menin tuugandarım menen öz tuugandarıŋdın aldında körsöt. Alar ekööbüzdün ortobuzda kalıstık kılışsın.

³⁸Saga jıyırma jıl iştep berdim, koy-eçkileriŋ bala salgan jok, korooŋdogu koyloruŋdan jegen jokmun.

³⁹Jırtkıç jara tartkandarın alıp kelgen emesmin, alar menin çıgaşam ele. Kündüz jogolso da, tündö jogolso da, sen menden tölötüp alıp turduŋ.

⁴⁰Kündüz ısıktan, tünküsün suuktan japa çegip kıynaldım, tün uykumdan kaldım.

⁴¹Menin jıyırma jılım senin üyüŋdö uşintip öttü. Men senin eki kızıŋ üçün saga on tört jıl, malıŋ üçün altı jıl kızmat kıldım. Sen bolso menin kızmat akımdı on jolu almaştırdıŋ.

⁴²Egerde atam Ibrayımdın Kudayı jana Iskaktın Korkunuçu meni menen bolbogondo, sen meni azır da eç nerse berbey, kuru kol koё bermeksiŋ. Kuday menin kaygımdı jana maŋday ter, taman akımdı körüp, keçee menin talamımdı talaştı».

⁴³Oşondo Laban Jakıpka mınday dep joop berdi: «Kızdar – menin kızdarım. Baldar – menin baldarım. Mal – menin malım. Sen körüp turgandın baarı meniki. Men kızdarıma jana alar törögön baldarga emi bir nerse kılmak belem?

⁴⁴Azır ekööbüz kelişim tüzölü, al sen ekööbüzdün ortobuzda kübö boljun».

⁴⁵Jakıp taş alıp, anı estelik kılıp koydu.

⁴⁶Anan Jakıp özünün tuugandarına: «Taş jıynagıla», – dedi. Alar taş jıynap, döbö kılıp üyüştü da, oşol döbögö oturup alıp tamaktanıştı.

⁴⁷Laban anı «Jıgar-Saadut» (Kübö döbö) dep, Jakıp bolso anı Gilat dep atadı.

⁴⁸Anan Laban: «Bügündön baştap bul taş döbö ekööbüzdün ortobuzda kübö bolot», – dedi. Oşonduktan al jerdi Gilat dep ataştı.

⁴⁹Al döbö Mispa dep da atalat, antkeni Laban: «Sen ekööbüz biri-biribizden bölünüp ketkenden kiyin, Teŋir menin üstümön da, senin üstüŋön da köz salıp tursun.

⁵⁰Egerde kızdarıma jaman mamile kıla turgan bolsoŋ je kızdarımdın üstünö ayal ala turgan bolsoŋ, baykagın, ekööbüzdün ortobuzda kübö bolçu adam jok, birok ortobuzda Kuday kübö», – dedi.

⁵¹Oşentip, Laban Jakıpka: «Mına bul döbö menen men koygon estelik ekööbüzgö kübö bolot.

⁵²Bul döbö menen bul estelik kübö: jamandık kılış üçün, bul döbö menen bul estelikten sen tarapka men ötpöym, men tarapka sen ötpöysüŋ.

⁵³Ibrayımdın Kudayı, Nahordun Kudayı, alardın ata-babalarının Kudayı ortobuzda kalıs bolsun», – dedi. Jakıp atası Iskaktın Korkunuçu menen ant berdi.

⁵⁴Anan Jakıp toodo kurmandık çalıp, tuugandarın tamakka çakırdı. Alar tamaktanıp, toodo tünöp kalıştı.

⁵⁵Laban ertesi erteŋ menen erte turup, nebereleri menen kızdarın ööp, alarga batasın berip jönöp ketti. Oşentip, Laban öz jerine kaytıp keldi.