Read NT LS 2005 – Инжил ЛС (2005 Baştalış 34 Bible Online

Baştalış 34 - NT LS 2005 – Инжил ЛС (2005 bible

Baştalış 34

¹Leyanın Jakıptan törögön kızı Dina al jerdin kızdarın körgönü çıktı.

²Anı al jerdin törösü hibilik Hamordun uulu Şekem körüp, karmap alıp, zorduktap koydu.

³Jakıptın kızı Dinaga anın köŋülü tüşüp, süyüp kalgandıktan, kızdın jürögünö jakkan sözdördü süylödü.

⁴Anan Şekem atası Hamorgo: «Bul kızdı maga ayaldıkka alıp ber», – dedi.

⁵Jakıp kızı Dinanın abiyirin Hamordun balası bulgap koygonun uktu, birok uuldarı talaada mal menen bolgonduktan, alar kelgiçe unçukkan jok.

⁶Anan Şekemdin atası Hamor Jakıp menen süylöşkönü çıktı.

⁷Jakıptın uuldarı bolso talaadan kelip, bul işti ukkanda, kapa bolup, ayabay açuulanıştı, antkeni Şekem Jakıptın kızı menen jatıp, Israyıldın namısın tebeledi, al mınday kılbaşı kerek ele.

⁸Hamor alarga mınday dedi: «Uulum Şekemdin kızıŋarga köŋülü tüşüp kalıptır, anı uuluma ayaldıkka bergile.

⁹Biz menen tuugan bolgula. Kız alışıp, kız berişeli.

¹⁰Biz menen çoguu jaşagıla, bul jer silerdin aldıŋarda turat, al jerlerge oturuktaşıp, çarba jürgüzüp, eelik kılgıla».

¹¹Şekem Dinanın atası menen bir tuugandarına: «Silerdin aldıŋarda ırayım tapsam ele boldu, siler emne deseŋer, men baarın berem.

¹²Kanday kalıŋ bıçıp, emne talap kılsaŋar da berem, maga kızıŋardı berseŋer ele boldu», – dedi.

¹³Birok Jakıptın uuldarı Şekemge jana anın atası Hamorgo kuuluk menen joop berişti, antkeni al alardın karındaşı Dinanın abiyirin bulgap koygon ele.

¹⁴Jakıptın uuldarı alarga: «Ante albaybız, biz karındaşıbızdı sünnötkö oturguzulbaganga bere albaybız, antkeni bul – biz üçün maskaraçılık.

¹⁵Egerde bizdey bolup, silerdin da bardık erkek attuuŋar sünnötkö oturguzulsa gana makul bolobuz.

¹⁶Oşondo biz kız alışıp, kız berişip, siler menen çoguu jaşap, bir el bolobuz.

¹⁷Egerde sünnötkö oturguzulganga makul bolbosoŋor, anda biz kızıbızdı alıp ketip kalabız», – deşti.

¹⁸Bul sözdör Hamorgo jana anın uulu Şekemge jagıp kaldı.

¹⁹Ulan munu atkaruuga toktoosuz kirişti, antkeni Jakıptın kızın süyüp kalgan ele. Şekem atasının üyündögülörünün içinen eŋ kadırluusu ele.

²⁰Hamor jana anın uulu Şekem şaar darbazasının janına kelip, öz şaarının turgundarına kayrılıp, mınday dedi:

²¹«Bul adamdar biz menen tınçtıkta. Alar bul jerge oturuktaşıp, çarba jürgüzö berişsin. Jer kenen. Alar menen kız alışıp, kız berişeli.

²²Bizdin da bardık erkek attuularıbız alarday bolup sünnötkö oturguzulgan şartta gana bul adamdar biz menen jaşap, bir el boluuga makul.

²³Alardın üyür-üyür malı da, mülkü da biz üçün emespi? Alarga makul gana bolsok, biz menen jaşap kalışat».

²⁴Oşentip, Hamor menen anın uulu Şekemdin aytkandarın şaar darbazasınan çıkkandın bardıgı ugup, erkek attuulardın bardıgı, şaar darbazasınan çıkkandardın bardıgı sünnötkö oturguzuldu.

²⁵Içünçü künü, alar oorup jatkanda, Jakıptın eki uulu, Dinanın bir tuugandarı Şımon menen Lebi kılıçtarın alıp, şaarga tartınbastan kol salıp, erkek attuulardın baarın kırıp salıştı.

²⁶Hamordun özün da, uulu Şekemdi da kılıç menen öltürüşüp, Şekemdin üyünön Dinanı alıp çıgıp ketişti.

²⁷Jakıptın uuldarı öltürülgöndördün şaarına kelişti da, karındaşının abiyirin bulgagandıgı üçün, şaardı tonop ketişti.

²⁸Alar mayda jana bodo malın, eşekterin, şaarda emnesi bolso, talaada emnesi bolso, bardıgın alıp ketişti.

²⁹Alardın baylıktarın, baldarın, ayaldarın tutkundap, üylöründö bolgon nersesinin bardıgın talap-tonop ketişti.

³⁰Oşondo Jakıp Şımon menen Lebige mınday dedi: «Siler meni kaygıga saldıŋar, bul jerdin turgundarına, kanaandıktar menen perizdikterge meni jek köründü kıldıŋar. Menin elim az. Alar maga karşı çogulup, meni öltürüp, üy-jayım menen jok kılışat».

³¹Alar bolso: «Emne üçün al bizdin karındaşıbızga soykuga mamile kılganday mamile kılışı kerek?» – deşti.