Read NT LS 2005 – Инжил ЛС (2005 Baştalış 35 Bible Online

Baştalış 35 - NT LS 2005 – Инжил ЛС (2005 bible

Baştalış 35

¹Kuday Jakıpka mınday dedi: «Orduŋan turup, Beytelge jönö, oşol jerde jaşa. Bir tuuganıŋ Eysaptan kaçıp bara jatkanıŋda saga kelgen Kudayga arnap, oşol jerge kurmandık çalınuuçu jay kur».

²Oşondo Jakıp öz üy-bülösü menen öz kişilerine mınday dedi: «Bötön kudaylarıŋardı taştagıla, tazalanıp, kiyimiŋerdi almaştırgıla.

³Ordubuzdan turup, Beytelge jönöylü. Başıma oor kün tüşkön künü meni ugup, men jürgön joldo meni menen birge bolgon Kudayga kurmandık çalınuuçu jay kurayın».

⁴Alar Jakıpka özdörünün bötön kudayların, kulaktarındagı söykölörün berişti. Jakıp alardı Şekemdin janındagı emen daragının tübünö köömp saldı.

⁵Oşentip, alar jönöp ketişti. Tegerek-çettegi şaarlarga Kudaydın korkunuçu tuulup, Jakıptın uuldarının artınan kuuşkan jok.

⁶Jakıp özünün kişileri menen Kanaan jerindegi Luzga, başkaça aytkanda, Beytelge keldi.

⁷Anan al jerge kurmandık çalınuuçu jay kurup, oşol jerdi El-Beytel dep atadı, antkeni al öz bir tuuganınan kaçıp bara jatkanda, oşol jerde aga Kuday kelgen.

⁸Rebekanın emçek enesi Debora kaza bolup, Beyteldin tömön jagındagı emendin tübünö koyuldu. Jakıp anı Alan-Bakut dep atadı.

⁹Jakıp Mesopotamiyadan kaytıp kelgenden kiyin, Kuday dagı kelip, aga batasın berdi.

¹⁰Oşondo Kuday aga mınday dedi: «Senin atıŋ Jakıp. Mından arı senin atıŋ Jakıp emes, Israyıl bolot». Oşentip, aga Israyıl degen at koydu.

¹¹Kuday aga dagı: «Men Kudaymın, Kudurettüümün. Ukumdap-tukumdap köböyö ber. Senden köptögön elder, padışalar çıgat.

¹²Men Ibrayım menen Iskakka bergen jerdi saga jana senin ukum-tukumuŋa berem», – dedi.

¹³Anan Kuday andan, aga süylögön jerden kötörülüp ketti.

¹⁴Oşondo Jakıp özünö Kuday süylögön jerge taştan estelik turguzup, anın üstünö kuyuluuçu kurmandıktı kuyup, anın üstünö zaytun mayın kuydu.

¹⁵Oşentip, al Kuday özünö süylögön jerdi Beytel dep atadı.

¹⁶Anan alar Beytelden jönöp ketişti. Eprataga bir az kalganda, Rahel törödü. Anın törötü oor boldu.

¹⁷Al töröttön kıynalıp jatkanda, anaçı kempir mınday dedi: «Korkpo, antkeni munuŋ da uul bolot».

¹⁸Janı çıgıp bara jatkan Rahel balanın atın Ben-Oni koydu. Birok balanın atası anın atın Benjemin koydu.

¹⁹Rahel ölüp, Eprataga baratkan joldun boyuna koyuldu, başkaça aytkanda, Beyt-Lehemge koyuldu.

²⁰Jakıp anın mürzösünün üstünö estelik koydu. Al mürzönün üstündögü estelik bügünkü küngö çeyin turat.

²¹Anan Israyıl jolgo çıgıp, Eyder munarasının arı jagına çatırın tikti.

²²Israyıl bul ölködö jaşap turganda, Rubeyin barıp, atasının küŋü Bila menen jatıp aldı. Munu Israyıl uktu. Jakıptın on eki uulu bar ele.

²³Leyanın uuldarı: Jakıptın tunu Rubeyin, andan kiyinkileri Şımon, Lebi, Jüyüt, İsahar jana Zabulun.

²⁴Raheldin uuldarı: Jusup menen Benjemin.

²⁵Raheldin küŋü Bilanın uuldarı: Dan menen Naptalı.

²⁶Leyanın küŋü Zilpanın uuldarı: Gat menen Aşır. Jakıptın bul uuldarı Mesopotamiyada törölüşkön.

²⁷Oşentip, Jakıp atası Iskakka, Ibrayım menen Iskak jaşagan Mamreyge, Kiriyat-Arbaga, başkaça aytkanda, Hebrongo keldi.

²⁸Oşondo Iskak jüz seksen jaşta ele.

²⁹Iskak karılıgı jetip, ömürgö toyup köz jumup, öz eline koşuldu. Anı uuldarı Eysap menen Jakıp körgö koyuştu.