Read NT LS 2005 – Инжил ЛС (2005 Baştalış 37 Bible Online

Baştalış 37 - NT LS 2005 – Инжил ЛС (2005 bible

Baştalış 37

¹Jakıp atası jaşagan Kanaan jerinde jaşap turdu.

²Jakıptın jaşoosu mınday ele: Jusup on jeti jaşında, öspürüm çagında özünün bir tuugandarı menen, atasının ayaldarı Bila jana Zilpanın uuldarı menen mal kaytarçu. Jusup atasına alardın jaman işterin jetkirip turçu.

³Israyıl Jusuptu başka uuldarınan özgöçö jakşı körçü, antkeni al anın karıganda körgön uulu ele. Oşon üçün aga kooz kiyim tiktirip berdi.

⁴Bir tuugandarı atasının özdörünö karaganda Jusuptu köbüröök jakşı körörün körüşüp, Jusuptu jek körüp kalıştı. Anı menen bir tuugança süylöşö albay kalıştı.

⁵Bir künü Jusup tüş körüp, tüşün bir tuugandarına aytıp berdi. Oşondon kiyin alar anı ogo beter jek körüp kalıştı.

⁶Jusup alarga mınday dedi: «Men körgön tüşkö kulak salgılaçı.

⁷Tüşümdö biz talaada boo baylap jürüptürbüz, bir maalda menin boom tikesinen turup kaldı. Oşondo silerdin booloruŋar tegerete turup, menin boomo jügünüp taazim etişti».

⁸Oşondo bir tuugandarı: «Kantip ele sen bizge padışaçılık kılıp kalasıŋ? Kantip ele sen bizdi biylep kalasıŋ?» – deşip, anı tüşü üçün, aytkan sözdörü üçün ogo beter jek körüp kalıştı.

⁹Al dagı başka tüş körüp, tüşün bir tuugandarına ayttı: «Bügün men dagı tüş kördüm. Tüşümdö kün menen ay jana on bir jıldız maga jügünüp, taazim kılıp jatıptır».

¹⁰Al tüşün atası menen bir tuugandarına da aytıp berdi ele, atası uruşup, mınday dedi: «Emne degen tüş körgönsüŋ? Kantip ele men da, apaŋ da, bir tuugandarıŋ da saga kelip, taazim kılıp kalalı?»

¹¹Bir tuugandarı ıza boluştu, atası bolso anın sözün jürögünö tüyüp aldı.

¹²Bir tuugandarı atasının malın Şekemge jayıp ketişkende,

¹³Israyıl Jusupka: «Bir tuugandarıŋ Şekemde mal jayıp jürüşöt. Barıp kelçi, men seni alarga jibereyin», – dedi. Al aga: «Mına men», – dep joop berdi.

¹⁴Atası aga: «Barıp, bir tuugandarıŋ aman-esenbi, malı tügölbü, körüp, maga joobun alıp kel», – dedi. Oşentip, anı Hebron öröönünön Şekemge jönöttü. Jusup Şekemge keldi.

¹⁵Al talaada adaşıp jürgöndö, aga biröö jolugup, andan: «Emne izdep jürösüŋ?» – dep suradı.

¹⁶«Men bir tuugandarımdı izdep jüröm. Alar kaysı jerde mal jayıp jürgönün aytıp koёsuŋbu?» – dedi al.

¹⁷Oşondo janagı kişi: «Alar bul jerden ketişti, antkeni men alardın “Dotanga barabız” degenin ukkam», – dedi. Jusup bir tuugandarının artınan jönöp, alardı Dotandan taptı.

¹⁸Alar Jusuptu alıstan körüşüp, al jakınday elekte ele, anı öltürüünü çeçip koyuştu.

¹⁹Anan alar biri-birine: «Mına, tüş körgüç kelatat.

²⁰Jürgülö, azır barıp, anı öltürüp, çuŋkurga taştap salalı, anı jırtkıç ayban jep ketti dep aytıp koёbuz. Oşondo anın tüştörü emne bolorun köröbüz», – deşti.

²¹Munu Rubeyin ugup: «Jok, Jusuptu öltürböybüz», – dep, anı alardın kolunan kutkarıp kaldı.

²²Rubeyin alarga: «Kan tökpögülö. Anı çöldögü çuŋkurga taştap salgıla, aga kol kötörbögülö», – dedi. Al bul sözdü Jusuptu alardın kolunan kutkarıp, atasına kaytarış üçün ayttı.

²³Jusup özünün bir tuugandarına kelgende, alar Jusuptun üstünön kooz kiyimin sıyrıp alıştı.

²⁴Özün bolso çuŋkurga taştap jiberişti. Al çuŋkur boş bolçu, anda suu jok ele.

²⁵Anan alar tamak jegeni oturuşkanda, Gilat jaktan kele jatkan Ismayıl uuldarının kerbenin körüştü. Alar töölörünö jıpar jıttuu zattardı: stiraks, balzam, ladan jüktöp alıp, Misirge alıp bara jatışkan.

²⁶Oşondo Jüyüt bir tuugandarına: «Bir tuuganıbızdın kanın tögüp, ölügün jaşırıp salgandan ne payda?

²⁷Jürgülö, anı Ismayıl uuldarına satıp jibereli, kolubuz da bulganbayt, antkeni al bizdin bir tuuganıbız, kanıbız bir», – dedi. Bir tuugandarı anın tilin alıştı.

²⁸Midiandık soodagerler ötüp bara jatışkanda, Jusuptu çuŋkurdan tartıp alışıp, Ismayıl uuldarına jıyırma kümüş tıyınga satıp jiberişti. Alar bolso Jusuptu Misirge alıp ketişti.

²⁹Rubeyin çuŋkurga kayra kelip karasa, çuŋkurda Jusup jok eken. Oşondo al öz kiyimderin ayrıp jiberdi.

³⁰Anan bir tuugandarına kelip: «Bala jok eken, emi men kayda baram?» – dedi.

³¹Alar bir tekeni soyup, Jusuptun kooz kiyimin kan kılıp,

³²atasına berip jiberişti. Anan atasına kelip, mınday deşti: «Biz munu taap aldık, karasaŋ, bul kiyim uuluŋduku emespi?»

³³Jakıp anın kiyimin taanıp: «Bul – uulumdun kiyimi. Al jırtkıçka jem boluptur, anı jırtkıç jara tartıp ketken turbaybı», – dedi.

³⁴Anan Jakıp öz kiyimin ayrıp, üstünö zumbal kiyip, uulun köp kün joktop ıyladı.

³⁵Oşondo atasın soorotuuga büt uul-kızdarı çoguldu, birok al soorongusu kelbey: «Men emi ölgöndör jatkan jayga, uuluma bargança kaygırıp ötöm», – dedi. Jusuptun atası uulun uşintip joktodu.

³⁶Midiandıktar bolso anı paraondun saray kızmatçısı, sakçılardın başçısı Potiparga satıp jiberişti.