Read NT LS 2005 – Инжил ЛС (2005 Baştalış 39 Bible Online

Baştalış 39 - NT LS 2005 – Инжил ЛС (2005 bible

Baştalış 39

¹Jusup bolso Misirge jetkirildi. Anı alıp kelgen Ismayıl uuldarının kolunan paraondun saray kızmatçısı, sakçılardın başçısı, misirlik Potipar satıp aldı.

²Teŋir Jusup menen boldu. Al işterinde iygilikke jetti, misirlik mırzanın üyündö jaşadı.

³Teŋir Jusup menen ekenin, kanday iş kılbasın, Teŋir anın koluna iygilik berip jatkanın mırzası kördü.

⁴Oşentip, Jusup mırzasınan ırayım taap, aga kızmat kılıp jürdü. Al Jusuptu öz üyünö başkaruuçu kılıp koydu, özünün kolundagısının baarın aga tapşırdı.

⁵Al Jusuptu özünün üyünö, kolundagısının baarına başkaruuçu kılıp koygondon tartıp, Teŋir Jusup üçün misirlik mırzanın üyünö batasın berdi. Teŋirdin batası anın üyündögü jana talaasındagı bardık mal-mülkünün üstündö boldu.

⁶Oşentip, al kolundagısının baarın Jusupka tapşırdı. Anın barında al jegen nanınan başka eç nerse menen işi bolbodu. Jusup kelişimdüü, suluu jigit ele.

⁷Mırzasının ayalının Jusupka közü tüşüp, aga: «Meni menen jat», – dedi.

⁸Birok al karşı bolup, mırzasının ayalına: «Mırzam menin barımda üyündö eç nerse menen işi jok, bolgon nersesinin bardıgın maga tapşırdı.

⁹Bul üydö menden çoŋ eç kim jok. Al senden başkasına tıyuu salgan jok, antkeni sen anın ayalısıŋ. Kantip men uşunday jaman işti kılıp, Kuday aldında künöögö batam?» – dedi.

¹⁰Al ayal Jusupka kün sayın uşintip ayta berse da, al anı menen jatuuga, anı menen birge boluuga makul bolgon jok.

¹¹Bir künü Jusup öz işterin kılganı üygö kirdi. Oşol uçurda üydün içinde üydögülördön eç kim jok ele.

¹²Ayal anı kiyiminen karmap: «Meni menen jat», – dedi. Birok al sırtkı kiyimin ayaldın koluna kaltırıp, sırtka kaçıp çıktı.

¹³Ayal bolso Jusuptun sırtkı kiyimin kaltırgan boydon sırtka kaçıp çıkkanın körüp,

¹⁴üyündögülörün çakırıp alıp: «Karagılaçı, al bizdikine bul ebereydi bizdi şıldıŋdatmakka alıp keliptir. Al meni menen jatkanı keliptir, birok men katuu kıykırıp jiberdim.

¹⁵Al menin kıykırganımdı ugup, sırtkı kiyimin kaltırıp, sırtka kaçıp çıktı», – dedi.

¹⁶Oşentip, ayal mırzası üyünö kelgenge çeyin, Jusuptun sırtkı kiyimin özünö kaltırıp koydu.

¹⁷Anan küyöösünö uşul ele sözdördü kaytaladı: «Sen bizdikine alıp kelgen eberey kuluŋ meni şıldıŋdaganı keldi.

¹⁸Birok men çuu kötörüp kıykırıp jibergende, al sırtkı kiyimin kaltırgan boydon sırtka kaçıp ketti».

¹⁹Mırza ayalının oozunan «Senin kuluŋ maga uşunday kıldı» degen sözdü ukkanda, abdan açuulandı.

²⁰Oşondo mırzası Jusuptu padışanın tutkundarı jatkan zındanga saldırdı. Oşentip, al oşol zındanda jattı.

²¹Teŋir Jusup menen boldu. Aga ırayımın tögüp, zından başçısınan ırayım taptırdı.

²²Oşondo zından başçısı zındandagı tutkundardın bardıgın Jusuptun koluna berdi. Jusup al jerdegi bardık iştin üstünön başkaruuçu boldu.

²³Zından başçısı aga tapşırılgan işterge kiyligişçü emes, antkeni Teŋir Jusup menen bolup, al emne kılbasın, bardık işine iygilik berip jattı.