Read NT LS 2005 – Инжил ЛС (2005 Baştalış 4 Bible Online

Baştalış 4 - NT LS 2005 – Инжил ЛС (2005 bible

Baştalış 4

¹Adam ayalı Obogo jakındadı. Obonun boyuna bütüp, Kabıldı töröp: «Teŋirdin jardamı menen uulduu boldum», – dedi.

²Andan kiyin anın bir tuuganı Abıldı törödü. Abıl koyçu boldu. Kabıl bolso dıykan boldu.

³Aradan ubakıt öttü, Kabıl jer jemişterinen Teŋirge tartuu alıp keldi.

⁴Abıl da koylorunun töl başılarınan jana alardın maylarınan alıp keldi. Teŋir Abılga jana anın tartuusuna nazarın saldı.

⁵Al emi Kabılga jana anın tartuusuna nazarın salgan jok. Oşondo Kabıldın ayabay açuusu kelip, öŋü kumsarıp ketti.

⁶Teŋir Kabılga: «Emnege açuulandıŋ? Emnege öŋüŋ kumsarıp ketti?

⁷Egerde jakşı iş kılsaŋ, anda başıŋdı jerge salbayt eleŋ da. Egerde jakşı iş kılbasaŋ, anda bosogoŋdo künöö jatat. Al seni özünö tartıp jatat, birok sen aga üstömdük kıl», – dedi.

⁸Kabıl bir tuuganı Abılga jamandık oylodu. Talaada jürüşköndö, Kabıl öz bir tuuganı Abılga kol kötörüp, anı öltürüp saldı.

⁹Oşondo Teŋir Kabıldan: «Bir tuuganıŋ Abıl kayda?» – dep suradı. Al: «Bilbeym, men emne, bir tuuganıma karoolçu belem?» – dep joop berdi.

¹⁰Teŋir aga mınday dedi: «Sen emne kıldıŋ? Jerden bir tuuganıŋdın kanı Maga bozdop jatat.

¹¹Oşonduktan emi saga bir tuuganıŋdın kanın senin koluŋdan kabıl aluuga oozun açkan jerdin kargışı tiet.

¹²Mından arı jer iştetkeniŋde, al saga öz küçün berbeyt. Jer betinde kuulup, tentip jürgön adam bolosuŋ».

¹³Oşondo Kabıl Teŋirge: «Menin jazam çoŋ, kötörö algıs.

¹⁴Sen azır meni jer betinen kuup jatasıŋ. Men emi Senin jüzüŋdön jaşınıp, jer betinde kuulup, tentip jürgön adam bolom, maga kim joluksa da, al meni öltüröt», – dedi.

¹⁵Teŋir aga: «Kabıldı kim öltürsö, andan jeti eselep öç alınat», – dedi. Kabılga jolukkan adam anı öltürüp koyboşu üçün, Teŋir aga belgi salıp koydu.

¹⁶Oşentip, Kabıl Teŋirden ketip, Eydendin çıgış jagındagı Not degen jerge jaylanıştı.

¹⁷Anan Kabıl ayalına jakındadı. Ayalının boyuna bütüp, Enohtu törödü. Kabıl şaar kurup, aga öz uulu Enohtun atın berdi.

¹⁸Enohton İrat töröldü. İrattan Mıhayel töröldü. Mıhayelden Matuşal töröldü. Matuşaldan Lemek töröldü.

¹⁹Lemek eki ayal aldı. Birinin atı Ada, ekinçisiniki Zila ele.

²⁰Ada Jabaldı törödü, al çatırda jaşap, mal bakkandardın atası boldu.

²¹Anın bir tuuganının atı – Jubal, al kıyakçılar menen çoorçulardın atası boldu.

²²Zila Tubal-Kabıldı törödü, al jez menen temirden kural jasagan usta boldu. Tubal-Kabıldın Naama degen karındaşı bar ele.

²³Lemek ayaldarına mınday dedi: «Ada menen Zila! Maga kulak salgıla, Lemektin ayaldarı! Menin sözümö köŋül burgula! Maga jamandık kılgan erkekti, maga kaygı alıp kelgen balanı öltürüp saldım.

²⁴Egerde Kabıl üçün jeti ese öç alınsa, anda Lemek üçün jetimiş jolu jeti ese öç alınat».

²⁵Adam ayalına dagı jakındadı. Al uul töröp: «Kuday maga Kabıl öltürgön Abıldın orduna başka uul berdi», – dep, anın atın Şet koydu.

²⁶Şetten da uul töröldü. Al anın atın Enoş koydu. Oşondon baştap adamdar Teŋirdin atın çakıra baştaştı.