Read NT LS 2005 – Инжил ЛС (2005 Baştalış 43 Bible Online

Baştalış 43 - NT LS 2005 – Инжил ЛС (2005 bible

Baştalış 43

¹Jer jüzündö açarçılık küçödü.

²Alar Misirden alıp kelgen egindi jep bütüşköndön kiyin, atası uuldarına: «Dagı barıp, bir az azık satıp kelgile», – dedi.

³Oşondo Jüyüt atasına mınday dedi: «Al kişi bizge çeçkindüü türdö: “Egerde siler menen koşo bir tuuganıŋar kelbese, közümö körünbögülö”, – degen.

⁴Egerde inibizdi biz menen koşo jiberseŋ, barıp, saga azık satıp kelebiz.

⁵Egerde jiberbey turgan bolsoŋ, anda barbaybız, antkeni al kişi: “Egerde siler menen koşo bir tuuganıŋar kelbese, közümö körünbögülö”, – degen».

⁶Oşondo Israyıl alarga: «Emnege maga uşunday jamandık kıldıŋar? Al kişige dagı bir inibiz bar dep, emnege ayttıŋar?» – dedi.

⁷Alar: «Al kişi biz jönündö, üy-bülöbüz jönündö suraştırıp: “Ataŋar dagı ele tirüübü? Bir tuuganıŋar barbı?” – dedi. Al bizge suroo bergeninen ulam joop berdik. Anın bizge iniŋerdi alıp kelgile deerin kaydan bildik?» – dep joop berişti.

⁸Jüyüt atası Israyılga: «Balanı meni menen jiber, biz ordubuzdan turup, jolgo çıgalı, anan biz da, sen da baldarıbız menen koşo ölböy tirüü kalabız.

⁹Al üçün men joop berem, anı menden suraysıŋ. Egerde men anı alıp kelip, aldıŋa koybosom, ömür boyu senin aldıŋda ayıptuu boydon kalayın.

¹⁰Biz mintip keçiktirbegende, emgiçe eki barıp kelmekpiz», – dedi.

¹¹Atası Israyıl alarga mınday dedi: «Anday bolso mınday kılgıla: özüŋör menen koşo bul jerdin mömö-jemişinen alıp, al kişige belek katarı bir az balzam, bir az bal, stiraks menen ladan jıgaçtarının çayırınan, misteden, badam jaŋgagınan alıp barıp bergile.

¹²Koluŋarga murunkudan başka kümüş algıla. Al emi kabıŋardın oozuna kayra salıp koygon kümüştü öz koluŋar menen kayra bergile, mümkün, bul jaŋılıştıktan bolgondur.

¹³Bir tuuganıŋardı algıla da, turup, oşol kişige kayra bargıla.

¹⁴Kudurettüü Kuday silerdi al kişiden ırayım taptırsın, al Şımon bir tuuganıŋardı da, Benjemindi da koё bersin. Egerde balasız ötö turgan bolsom, balasız ele ötöyün».

¹⁵Oşentip, bul adamdar uşul belekterdi, murunkudan eki ese köp kümüş jana Benjemindi alıp, Misirge jönöştü. Alar Jusuptun aldına kelişti.

¹⁶Jusup alardın arasınan Benjemindi körüp, öz üyünün başçısına mınday dedi: «Bul adamdardı üygö kirgizip, mal soyup, tamak bışır, antkeni bul adamdar meni menen tüştönüşöt».

¹⁷Oşondo al adam Jusup aytkanday kılıp, bul kişilerdi Jusuptun üyünö kirgizdi.

¹⁸Jusuptun üyünö kirgizişkeninen ulam, bul kişiler korkup ketişip: «Bul kabıbızga kayra salıngan murunku kümüştör üçün bolup jatat. Kıykım taap, bizdi ayıpka jıgıp, kulga aylandırıp, eşekteribizdi tartıp alış üçün üygö kirgizişti», – deşti.

¹⁹Oşondo alar Jusuptun üy başkaruuçusuna jakın kelişip, aga eşiktin janınan mınday dep süylöy baştaştı:

²⁰«Kulak salçı, mırza, biz murun da azık satıp alganı kelgenbiz.

²¹Joldo tünögön jeribizde kaptarıbızdı açsak, ar biribizdin kümüşübüz kaptarıbızdın oozunda eken, salmagı kemibeptir. Azır biz alardı öz kolubuz menen kayra bergeni keldik.

²²Al emi azık satıp alış üçün, başka kümüş ala keldik. Kaptarıbızga kümüşübüzdü kim salıp koygonun bilbeybiz».

²³Al: «Tınçsızdanbay ele koygula, korkpogula. Silerdin Kudayıŋar, ataŋardın Kudayı, kabıŋarga kenç salıp berdi. Men silerdin kümüşüŋördü algam», – dedi da, alarga Şımondu alıp keldi.

²⁴Anan al kişi bulardı Jusuptun üyünö kirgizip, suu berdi. Alar buttarın juuştu. Al bulardın eşekterine da jem berdi.

²⁵Alar belekterin tüşkö maal, Jusup keler ubakıtka jakın dayardap koyuştu, antkeni oşol jerde tamaktanışarın uguşkan ele.

²⁶Jusup üyünö kelgende, alar koldorundagı belekterin üygö alıp kirip, aga berişti, anan jerge çeyin iyilip taazim etişti.

²⁷Jusup alardın den soolugun suradı. Anan mınday dedi: «Siler aytkan karı ataŋar küülüü-küçtüübü, dagı ele tirüübü?»

²⁸Alar: «Senin kuluŋ, bizdin atabız küülüü-küçtüü, tirüü», – dep joop berişti. Anan baş iyip taazim etişti.

²⁹Jusup özünün enesinin uulu, bir tuuganı Benjemindi körüp: «Bul siler aytkan kenje bir tuuganıŋarbı?» – dedi. Anan aga kayrılıp: «Uulum, Kudaydın ırayımı seni menen bolsun!» – dedi da,

³⁰şaşılış çıgıp ketti, antkeni bir tuuganına bolgon süyüüsü artıp, ıylap jibere jazdagan ele. İçki bölmögö kirip, oşol jerde ıyladı.

³¹Anan betin juup, kayra çıktı. Özün kolgo aldı da: «Tamak tartkıla», – dedi.

³²Aga özünçö, alarga özünçö jana birge tüştöngön misirlikterge özünçö tamak tartıştı, antkeni misirlikter üçün ebereyler menen birge oturup tamaktanuu jiyirkeniçtüü bolçu.

³³Alardı Jusuptun aldına uluulata oturguzuştu, oşondo bul adamdar taŋ kalıp, biri-birin karaştı.

³⁴Jusup alarga tamak tarttırıp jattı, alarga karaganda Benjeminge beş ese köp tartıldı. Alar Jusup menen birge toygonço içip-jeşti.