Read NT LS 2005 – Инжил ЛС (2005 Baştalış 45 Bible Online

Baştalış 45 - NT LS 2005 – Инжил ЛС (2005 bible

Baştalış 45

¹Oşondo Jusup janında turgandardın aldında özün karmay albay: «Menin janımda turgan adamdardın bardıgı çıksın», – dep kıykırıp jiberdi. Jusup bir tuugandarına özünün kim ekenin aytkanda, janında eç kim jok ele.

²Al katuu ıylap jibergendikten, anı misirlikter da, paraondun üy içi da uktu.

³Anan Jusup bir tuugandarına: «Men Jusupmun, degi atam tirüübü?» – dedi. Birok bir tuugandarı joop bere albay kalıştı, antkeni alar anın aldında korkup turuştu.

⁴Oşondo Jusup bir tuugandarına: «Maga jakın kelgileçi», – dedi. Alar jakın kelişti. Al: «Men Jusupmun, silerdin Misirge satıp jibergen bir tuuganıŋarmın.

⁵Birok azır kaygırbagıla, meni bul jakka satıp jibergeniŋerge ökünbögülö, antkeni Kuday silerdin ömürüŋördü saktap kalış üçün, meni bul jakka silerden murun jiberdi.

⁶Antkeni jer üstündö açarçılık baştalganına eki ele jıl boldu, dagı beş jıl jer da aydalbayt, egin da orulbayt.

⁷Silerdi jer üstündö kaltırış üçün jana uluu kutkaruu işi menen ömürüŋördü saktap kaluu üçün, Kuday meni silerden murun jiberdi.

⁸Oşonduktan meni bul jakka siler emes, Kuday jiberdi. Al meni paraondun atası, anın büt üyünün mırzası, bütkül Misir jerinin egederi kılıp koydu.

⁹Atama tezireek bargıla da: Uuluŋ Jusup mınday deyt degile: “Kuday meni bütkül Misir jerine mırza kılıp koydu. Maga tez kel.

¹⁰Sen Goşen degen jerde jaşaysıŋ. Sen uuldarıŋ, uuldarıŋdın uuldarı, mayda jana bodo malıŋ menen, özüŋdün bardık mülküŋ menen menin janımda bolosuŋ.

¹¹Oşol jerde men seni bagam, antkeni dagı beş jıl açarçılık bolot. Özüŋ da, üyüŋ da, kişileriŋ da jakırdanıp ketpesin”.

¹²Silerge öz oozum menen aytıp jatkanımdı özüŋör da, bir tuuganım Benjemin da öz közü menen körüp turat.

¹³Atama Misirdegi bütkül atak-daŋkımdı, körgönüŋördün bardıgın aytıp bargıla da, atamdı tezireek bul jerge alıp kelgile», – dedi.

¹⁴Anan al bir tuuganı Benjemindi moynunan kuçaktap ıyladı. Benjemin da anı moynunan kuçaktap ıyladı.

¹⁵Anan bardık bir tuugandarın öpkülöp, alardı kuçaktap ıyladı. Andan kiyin bir tuugandarı anı menen süylöşüştü.

¹⁶Jusuptun bir tuugandarı kelgendigi tuuraluu kabar paraondun üyünö jetti. Bul kabar paraongo da, anın kuldarına da jaktı.

¹⁷Oşondo paraon Jusupka mınday dedi: «Bir tuugandarıŋa mınday dep ayt: “Malıŋarga jük artıp, Kanaan jerine jönögülö.

¹⁸Ataŋardı da, üy-bülöŋördü da alıp, maga kelgile. Men silerge Misirdin eŋ jakşı jerin berem, siler semiz jerdin jemişinen jeysiŋer”.

¹⁹Saga bolso alarga mınday dep aytuuŋdu buyruk kılam: “Mınday kılgıla de: Baldarıŋar menen ayaldarıŋar üçün Misir jerinen araba algıla, ataŋardı alıp kelgile.

²⁰Buyumdarıŋar üçün ökünbögülö, antkeni silerge bütkül Misir jerindegi eŋ jakşı nerselerdi berem”».

²¹Israyıl uuldarı oşondoy kılıştı. Jusup alarga paraondun buyrugu boyunça arabalardı, jol azıktarın berdi.

²²Ar birine almaştırıp kiygidey kiyim berdi. Benjeminge bolso üç jüz kümüş tıyın jana beş sıyra kiyim berdi.

²³Al emi atasına Misirdin eŋ jakşı jer-jemişteri jüktölgön on eşek, egin jana atasının joluna kamdalgan tamak-aş jüktölgön on urgaaçı eşek jönöttü.

²⁴Jusup bir tuugandarın oşentip koё berdi. Alar jönöp ketişti. Alarga: «Joldo uruşpay bargıla», – dedi.

²⁵Alar Misirden çıgıp, Kanaan jerine, atası Jakıpka kelip, aga:

²⁶«Jusup tirüü eken, azır al bütkül Misir jerin başkarıp turat», – deşti. Birok Jakıp koş köŋül mamile kılıp koydu, antkeni alarga işengen jok.

²⁷Alar aga Jusuptun aytkan sözdörünün bardıgın aytıp berişti. Özün alıp ketiş üçün Jusup jönötkön arabalardı körgöndön kiyin gana alardın atası Jakıptın ruhu jandana tüştü.

²⁸Oşondo Israyıl mınday dedi: «Uulum Jusup tirüü ekenine emi işendim, közüm ötö eleginde barıp, anı körüp kalayın».