Read NT LS 2005 – Инжил ЛС (2005 Baştalış 47 Bible Online

Baştalış 47 - NT LS 2005 – Инжил ЛС (2005 bible

Baştalış 47

¹Jusup paraongo kelip, mınday dep kabarladı: «Kanaan jerinen atam menen bir tuugandarım mayda jana bodo malı menen, özdörünün bardık mal-mülkü menen kelişti. Azır alar Goşen jerinde».

²Anan al bir tuugandarının arasınan beşöönü alıp barıp, paraongo taanıştırdı.

³Oşondo paraon anın bir tuugandarınan: «Silerdin kesibiŋer emne?» – dep suradı. Alar paraongo: «Senin kuldarıŋ biz da, atalarıbız da koyçubuz», – dep joop berişti.

⁴Alar paraongo: «Biz bul jerge jaşaganı keldik, antkeni kuldarıŋdın malına jayıt jok, Kanaan jerinde katuu açarçılık bolup jatat. Oşonduktan kuldarıŋa Goşen jerinde jaşoogo uruksat ber», – deşti.

⁵Oşondo paraon Jusupka kayrılıp, mınday dedi: «Ataŋ menen bir tuugandarıŋ saga keldi.

⁶Misir jeri kol astıŋda. Ataŋ menen bir tuugandarıŋdı eŋ jakşı jerge jaygaştır. Alar Goşen jerinde jaşaşsın. Egerde alardın arasında jöndömdüü kişiler bar ekenin bilseŋ, alardı menin malımdın üstünön köz saluuçu kılıp dayında».

⁷Anan Jusup atası Jakıptı paraongo alıp kelip taanıştırdı. Jakıp paraongo batasın berdi.

⁸Paraon Jakıptan: «Kança jaşka keldiŋ?» – dep suradı.

⁹Jakıp paraongo: «Jer betinde kelgin bolup jaşaganıma jüz otuz jıl boldu. Ata-babalarımdın jer betinde kelgin bolup jaşagan jaşına jetken jokmun, az jaşadım, azaptuu kündördü ötkördüm», – dedi.

¹⁰Jakıp paraongo batasın berip, paraondukunan çıktı.

¹¹Oşentip, Jusup atası menen bir tuugandarın Misir jerine jaygaştırıp, paraon aytkanday, jer soorusu Raamses aymagın alardın ençisine berdi.

¹²Jusup atası menen bir tuugandarın, atasının büt üy-bülösün ar bir üy-bülödögü kişinin sanına jaraşa egin menen kamsız kılıp turdu.

¹³Açarçılık ayabay küç algandıktan, büt jer jüzündö egin tügönüp, Misir jeri da, Kanaan jeri da jabırkadı.

¹⁴Jusup egin satıp, Misir jeri menen Kanaan jerindegi kümüştün baarın jıynap, paraondun üyünö kireşe kılıp kirgizdi.

¹⁵Oşentip, kümüş Misir jeri menen Kanaan jerinde tügöndü. Misirlikterdin bardıgı Jusupka kelip: «Bizge nan ber, senin aldıŋda ölgönübüzdün emne keregi bar, antkeni kümüşübüz tügöndü», – deşti.

¹⁶Jusup alarga: «Kümüşüŋör tügönsö, malıŋardı aydap kelgile, egindi malga ayırbaştaym», – dedi.

¹⁷Oşondo alar Jusupka maldarın aydap kelişti. Jusup alarga jılkılarının, mayda jana bodo maldarının, eşekterinin orduna egin berip turdu. Al jılı alardı bergen malının orduna egin menen kamsız kılıp turdu.

¹⁸Oşentip, al jıl da öttü. Kiyinki jılı da alar Jusupka kelip: «Mırzabızdan jaşırbaybız, kümüşübüz tügöndü, büt malıbız da mırzabızdın kolunda. Mırzabızdın aldında özübüz menen jeribizden başka eç nersebiz kalgan jok.

¹⁹Senin köz aldıŋda özübüz ölüp, jeribizdin een kalganının emne keregi bar? Özübüzdü da, jeribizdi da eginge satıp al. Biz jeribiz menen paraongo kul bololu, ölböy tirüü kalışıbız üçün, jeribiz een kalbaşı üçün, bizge ürön ber», – deşti.

²⁰Oşondo Jusup bütkül Misir jerin satıp alıp, paraondun karamagına ötkördü. Açarçılık kıynagandıktan, misirlikterdin baarı öz talaaların satıştı. Oşentip, jer paraondun karamagına öttü.

²¹Paraon Misirdin bir çetinen ekinçi çetine çeyin jaşagan eldi kul kılıp aldı.

²²Jusup butkana kızmatçılarının gana jerlerin satıp algan jok, antkeni butkana kızmatçıları paraondon jer aluuga tiyiş ele. Alar paraon bergen jer menen ookat kılışkan, oşonduktan jerlerin satışkan jok.

²³Oşondo Jusup elge kayrılıp: «Mına emi men silerdi da, jeriŋerdi da paraondun karamagına ötkördüm. Mına bul üröndü alıp, jeriŋerge ekkile.

²⁴Tüşümdü jıynaganıŋardan kiyin, anın beşten bir bölügün paraongo bergile, al emi tört bölügü talaaga sepkeniŋerge, özüŋör jegeniŋerge, üyüŋördö jaşagandarıŋarga, baldarıŋardın jegenine kalsın», – dedi.

²⁵Alar Jusupka: «Sen bizdin ömürübüzdü saktap kaldıŋ. Mırzabızdın aldında ırayım tabalı, paraongo kul bololu», – deşti.

²⁶Oşentip, Jusup Misir jerinde bügünkü küngö çeyin küçündö bolgon mınday mıyzam çıgardı: «Paraongo taandık bolbogon butkana kızmatçılarının jerinen başka jerlerden alıngan tüşümdün beşten bir bölügü paraongo berilsin».

²⁷Israyıl Misirdegi Goşen jerine oturuktaşıp kalgandan kiyin, ukumdap-tukumdap, abdan köböydü.

²⁸Jakıp Misir jerinde on jeti jıl jaşap, jüz kırk jeti jaşka çıktı.

²⁹Israyıldın ölör ubagı jakındaganda, uulu Jusuptu çakırıp, mınday dedi: «Egerde men senin aldıŋda ırayım tapkan bolsom, maga ırayım jana akıykattık kılıp, senin söögüŋdü Misirge kaltırbaym dep, koluŋdu sanıma koyup ant ber.

³⁰Ata-babalarım jatkan jerge jatayın, meni Misirden alıp çıgıp, oşolordun körüstönünö koy». Jusup atasına: «Aytkanıŋday kılam», – dedi.

³¹Atası aga: «Ant ber», – dedi. Balası aga ant berdi. Israyıl töşögünün başında tizesin büktü.