Read NT LS 2005 – Инжил ЛС (2005 Baştalış 49 Bible Online

Baştalış 49 - NT LS 2005 – Инжил ЛС (2005 bible

Baştalış 49

¹Anan Jakıp uuldarın çakırıp: «Çogulup kelgile, silerge aldıda emne bolorun aytıp bereyin.

²Jakıptın uuldarı, çogulup kelgile, kulak salgıla, ataŋar Israyıldı ukkula», – dedi.

³«Rubeyin, menin tunum! Sen menin küç-kubatımsıŋ, küçümdün başatısıŋ, kadır-barkıŋ artıp, kuduretke jettiŋ.

⁴Birok sen suuday taşkındadıŋ, oşonduktan tunguçtuguŋdan ayrılasıŋ. Antkeni ataŋdın jatkan jerine kirip, töşögün bulgadıŋ.

⁵Şımon menen Lebi eköö bir tuugan, alardın kılıçtarı – kataaldıktın kuraldarı.

⁶Men alardın keŋeşine katışpaym, alardın jıyınına atak-daŋkım koşulbayt. Antkeni alar açuuga aldırıp, erkekterdi öltürüştü, öz kaalooloru boyunça bukalardın taramıştarın kesişti.

⁷Alardın kaarına naalat, antkeni al kataal. Alardın açuusuna kargış tiysin, antkeni al jaalduu. Alardı Jakıptın arasına taratam, Israyıldın arasına çaçam.

⁸Jüyüt! Seni bir tuugandarıŋ kökölötö maktaşat. Koluŋ duşmandarıŋdın moynunda bolot. Ataŋdın uuldarı saga taazim kılışat.

⁹Jaş arstan Jüyüt uulum oljogo toyup, turup kele jatat. Al kerilip, arstan sımal, urgaaçı arstan sımal jattı. Anı kim turguza alat?

¹⁰Eldeştirüüçü kelmeyinçe, Jüyüttün kolunan biylik tayagı tüşpöyt, tukumunan mıyzam çıgaruuçu ketpeyt. Aga elder baş iyişet.

¹¹Al jüzüm sabagına kodigin baylayt, eŋ mıktı jüzüm sabagına urgaaçı eşeginin balasın baylayt. Şarapka kiyimin, jüzüm şiresine jamınçısın juuyt.

¹²Şaraptan közdörü jıltırap, süttön tişteri agarat.

¹³Zabulun deŋiz jeeginde, kemeler toktooçu jaydın janında jaşayt, anın çegi Sidongo çeyin jetet.

¹⁴İsahar – eki suunun ortosunda jatkan küçtüü eşek.

¹⁵Al beypildik jakşı ekenin, jer jagımduu ekenin kördü: jük kötörüü üçün iyinin tosup, salık tölöö üçün emgek kıla baştadı.

¹⁶Dan Israyıldın bir uruusu katarı öz eline kalıstık kılat.

¹⁷Dan joldo jatkan jılan, joluŋdan çıkkan uuluu jılan bolot, atının butun çaksa, çabandes çalkasınan ketet.

¹⁸Teŋirim, Senin jardamıŋdan ümüttönöm!

¹⁹Gattı kalıŋ el kısımga alat, birok al anı artınan kalbay kuup çıgarat.

²⁰Aşırdın tamak-aşı kenen bolot, al padışanıkınday tamak taap kelip turat.

²¹Naptalı – kelişimdüü jeyren, oozunan şirin söz çıgat.

²²Jusup – jemiştüü daraktın butagı, bulaktın janındagı jemiştüü daraktın butagı. Anın şak-butaktarı dubaldan aşıp jayılat.

²³Jaa tartkıçtar anı kapa kılıştı, aga kastık kılıp, jaa tartıştı,

²⁴birok anın jaası katuu boydon kaldı. Jakıptın kudurettüü Kudayı, Israyıldın Kaytaruuçusu jana tiregi koldogonduktan, anın kolunun bulçuŋdarı bekem.

²⁵Ataŋdın Kudayı saga da jardam bersin. Kudurettüü Kuday seni jogorudan asman bataları menen, tömöndö tuŋguyuk başattarı menen alkasın, azırkı jana keleçektegi ukum-tukumuŋa batasın bersin.

²⁶Bayırkı toolordun, tübölüktüü döbölördün batalarınan köp ese artık turgan ataŋdın bataları menen batasın bersin. Uşul batalar Jusuptun başında jana bir tuugandarının arasınan tandalgandın başında bolsun.

²⁷Benjemin – jırtkıç karışkır, erteŋ menen karaktaganın jeyt, keçinde oljosun bölüştüröt».

²⁸Israyıldın on eki uruusu mına uşular jana alarga atasının aytkandarı da uşular. Alardı alkap, ar birine öz batasın berdi.

²⁹Anan alarga mınday osuyat kıldı: «Men emi öz elime koşulganı bara jatam. Meni hettikterdin Epron talaasındagı üŋkürgö, ata-babalarımdın janına koygula.

³⁰Kanaan jerindegi, Mamreydin aldındagı, Mahpel talaasındagı üŋkürdü talaa menen koşo Ibrayım körüstön üçün hettik Eprondon satıp algan.

³¹Al jerge Ibrayımdı jana ayalı Saaranı koyuşkan. Al jerge Iskak menen Rebekanı koyuşkan. Al jerge men Leyanı koygom.

³²Al talaa jana talaadagı üŋkür Het uuldarınan satılıp alıngan».

³³Oşentip, Jakıp uuldarına osuyattarın aytıp büttü da, buttarın töşökkö koyup, jan berip, öz eline koşuldu.