Read NT LS 2005 – Инжил ЛС (2005 Baştalış 9 Bible Online

Baştalış 9 - NT LS 2005 – Инжил ЛС (2005 bible

Baştalış 9

¹Oşondo Kuday Nuhka jana anın uuldarına mınday dep batasın berdi: «Ukumdap-tukumdap köböygülö, jerge tolgula.

²Jer betindegi janıbarlar, asmandagı kanattuular, deŋizdegi balıktar, jer betinde kıbır etkendin baarı silerden korkup, titirep turuşsun. Alardı silerge berdim.

³Kıbır etken tirüü jandın bardıgı silerge azık bolsun. Ösümdüktü bergenimdey ele, silerge bulardın bardıgın berip jatam.

⁴Birok tirüü jandı muuzdabay turup jebegile, antkeni kan – anın janı.

⁵Men silerdin kanıŋar üçün – janıŋar üçün jazalaym: adamdın kanın tökkön mal bolso da, adam bolso da, bir tuuganı bolso da, anın jazasın berem.

⁶Kim adamdın kanın töksö, anın kanı da adamdın kolu menen tögülöt, antkeni adam Kudaydın beynesi boyunça jaratılgan.

⁷Siler bolso ukumdap-tukumdagıla, jer betine taragıla, köböygülö».

⁸Kuday Nuhka jana anın uuldarına mınday dedi:

⁹«Emi Men siler menen jana silerden kiyinki ukum-tukumuŋar menen,

¹⁰silerdin janıŋardagı bardık tirüü jandıktar: kanattuular, maldar, bardık jer janıbarları, siler menen koşo kemeden çıkkandar, bardık janıbarlar menen kelişim tüzöm.

¹¹Mından arı eç bir tirüü jan topon suu menen kırılbayt dep, Men siler menen kelişim tüzöm. Mından arı jer betindeginin baarın jok kıla turgan topon suu bolboyt».

¹²Kuday dagı mınday dedi: «Menin siler menen, bardık tirüü jandıktar menen ukumdan-tukumga, tübölükkö tüzüp jatkan kelişimimdin belgisi mınday:

¹³Men bulut betine kök jele tartam, al Meni menen jerdin ortosundagı kelişimdin belgisi bolot.

¹⁴Men jer betine bulut kaptatkanda, bulut betinde kök jele payda bolot.

¹⁵Oşondo siler menen, bardık tirüü jandıktar menen tüzgön Özümdün kelişimimdi esteym. Mından arı bardık tirüü jandıktardı kırgan topon suu bolboyt.

¹⁶Bulut betinde kök jele payda bolgondo, Men anı körüp, jer betindegi bardık tirüü jandıktar menen tüzgön Özümdün tübölük kelişimimdi esteym».

¹⁷Oşentip, Kuday Nuhka: «Jer betindegi bardık tirüü jandıktar menen tüzgön kelişimimdin belgisi mına uşul», – dedi.

¹⁸Kemeden çıkkan Nuhtun uuldarı bular: Şem, Ham jana Jepet. Ham bolso Kanaandın atası bolgon.

¹⁹Bul üçöö – Nuhtun uuldarı, alardan büt jer jüzündögü adamdar taragan.

²⁰Nuh jer iştetip, jüzümzar oturguzdu.

²¹Al şarap jasap, andan içip mas bolup, öz çatırında jılaŋaç jattı.

²²Atasının jılaŋaç jatkanın Kanaandın atası Ham körüp kalıp, sırtka çıgıp, eki bir tuuganına ayttı.

²³Şem menen Jepet bolso kiyim-keçek alıp, iyinderine salıp, artı menen barıp, atasının jılaŋaç denesin jabıştı. Alar teskeri karap turgandıktan, atasının jılaŋaç etin körüşkön jok.

²⁴Nuh içken şarabınan soolugup turgandan kiyin, kenje uulunun emne kılganın bilip kalıp, mınday dedi:

²⁵«Kanaanga kargış tiysin! Al öz bir tuugandarının aldında eŋ tömönkü kul bolsun».

²⁶Anan dagı mınday dedi: «Şemdin Kuday-Teŋirine alkış! Kanaan anın (Şemdin) kulu bolsun.

²⁷Kuday Jepetti jayıltsın, al Şemdin çatırlarında jaşasın. Kanaan anın kulu bolsun».

²⁸Nuh topon suudan kiyin üç jüz elüü jıl jaşadı.

²⁹Nuh bardıgı bolup toguz jüz elüü jıl jaşap köz jumdu.