Read NT LS 2005 – Инжил ЛС (2005 2 Şemuel 18 Bible Online

2 Şemuel 18 - NT LS 2005 – Инжил ЛС (2005 bible

2 Şemuel 18

¹Dööt özünün kişilerin karap çıgıp, alardın üstünön jüz başı, miŋ başılardı koydu.

²Dööt eldin üçtön bir bölügünö Joyaptı, üçtön bir bölügünö Joyaptın bir tuuganı, Seruyanın uulu Abışaydı, üçtön bir bölügünö gattık İtaydı başçı kılıp, eldi jönöttü. Padışa elge: «Siler menen özüm baram», – dedi.

³Birok el aga: «Barba, eger biz kaça turgan bolsok, alar buga köŋül buruşpayt, jarımıbız ölsök da, köŋül buruşpayt. Jalgız özüŋ on miŋibizge tetesiŋ, oşonduktan bizge şaardan ele jardam berip turganıŋ jakşı», – dedi.

⁴Padışa alarga: «Siler emneni jakşı dep esepteseŋer, men oşondoy kılam», – dedi. Padışa darbazanın janında turdu, büt el jüzdön, miŋden bolup çıga baştadı.

⁵Padışa Joyapka, Abışayga, İtayga: «Uulum Abışalomdu men üçün saktagıla», – dep buyruk kıldı. Padışanın öz jol başçılarına Abışalom jönündö bergen buyrugun bardık el uktu.

⁶El talaaga ısrayıldıktar menen betteşüügö çıktı, salgılaşuu Eprayım tokoyunda boldu.

⁷Israyıl eli Dööttün kuldarınan jeŋildi. Oşol künü al jerde çoŋ kıyroo bolup, jıyırma miŋ adam öldü.

⁸Soguş büt ölkögö jayıldı. Al künü kılıç menen kırılganga karaganda, tokoydon ölgöndör köp boldu.

⁹Abışalom Dööttün kuldarına jolugup kaldı. Al kaçır minip algan ele. Kaçır menen çoŋ butaktuu emen jıgaçının astınan ötüp bara jatkanda, Abışalom emendin butaktarına çaçınan ilinip, asman menen jerdin ortosunda asılıp kaldı, astındagı kaçırı bolso kaçıp ketti.

¹⁰Munu biröö körüp, Joyapka: «Men Abışalomdun emen daragına asılıp turganın kördüm», – dep kabarladı.

¹¹Joyap munu kabarlagan kişige: «Sen anı körüp turup, emne üçün oşol jerden öltürgön joksuŋ? Men saga on kümüş şekel jana bir kur beret elem», – dedi.

¹²Al kişi Joyapka mınday dep joop berdi: «Maga miŋ kümüş şekel berse da, padışanın uuluna kolumdu kötörböyt bolçumun, antkeni padışa bizge uguza saga da, Abışayga da, İtayga da: “Uulum Abışalomdu men üçün saktagıla”, – dep buyruk kılbadı bele.

¹³Egerde men öz ömürümdü tobokelge salıp, başkaça kılgan kündö da, bul işti padışa bilbey kalmak emes, özüŋ da maga karşı çıkmaksıŋ».

¹⁴Oşondo Joyap: «Men saga ubakıt korotup oturbaym», – dep, üç jebeni koluna aldı da, emen daragında ilinip turgan, janı çıga elek Abışalomdun jürögünö kadadı.

¹⁵Joyaptın kural kötörgön on ulanı Abışalomdu tegerektep alıp öltürüştü.

¹⁶Joyap surnay tarttı, Israyıldı kuugan el artka kayttı, antkeni Joyap eldi toktottu.

¹⁷Abışalomdu alıştı da, anı tokoydogu tereŋ aŋga taştap, üstünö taş üyüp salıştı. Anan ısrayıldıktardın bardıgı çatırlarına kaçıp ketişti.

¹⁸Abışalom tirüü kezinde ele: «Menin atımdı öçürböy turgan uulum jok», – dep, özünö padışa öröönündö estelik turguzup, oşol estelikke öz ısımın kaltırgan. Uşul küngö çeyin al «Abışalomdun esteligi» dep atalat.

¹⁹Sadoktun uulu Akimaas Joyapka: «Men padışaga çurkap barıp, anı duşmandarınan Teŋir Özü kutkarganın kabarlayın», – dedi.

²⁰Birok Joyap aga: «Bügün sen jakşı kabarçı bolboysuŋ. Jakşı kabardı bügün emes, başka künü kabarlaysıŋ, antkeni padışanın uulu öldü», – dedi.

²¹Joyap kuştuk kişige mınday dedi: «Bargın, körgönüŋdü padışaga bildir». Kuştuk kişi Joyapka taazim etti da, çurkap ketti.

²²Birok Sadoktun uulu Akimaas köşörüp, Joyapka mınday dedi: «Emnesi bolso da, men da kuştuk kişinin artınan çurkap baram». Joyap bolso aga: «Uulum, çurkap emne kılasıŋ? Sen jakşı kabar alıp barbaysıŋ», – dedi.

²³Akimaas: «Men baarı bir çurkap baram», – dedi. Oşondo Joyap: «Çurka», – dedi. Oşentip, Akimaas tüz jol menen çurkap, kuştuk kişiden aşıp ketti.

²⁴Dööt oşol uçurda eki darbazanın ortosunda oturgan. Küzötçü darbazanın dubalının üstünö çıgıp, başın kötörüp, biröönün çurkap kele jatkanın kördü.

²⁵Oşondo küzötçü kıykırıp, padışaga kabarladı. Padışa: «Eger al jalgız bolso, anda kabar aytkanı kele jatat», – dedi. Tigi jakındagandan jakındap kele jattı.

²⁶Küzötçü çurkap kele jatkan ekinçi kişini da kördü. Anan küzötçü darbazaçıga: «Dagı bir kişi çurkap kele jatat», – dep kıykırdı. Padışa: «Bul da kabarçı», – dedi.

²⁷Küzötçü: «Baskanına karaganda, birinçisi Sadoktun uulu Akimaas okşoyt», – dedi. Padışa: «Al – jakşı kişi, jakşı kabar menen kele jatat», – dedi.

²⁸Akimaas padışaga: «Tınçtık!» – dep kıykırdı. Anan padışaga jerge çeyin iyilip taazim kılıp: «Mırzam padışaga kol kötörgön adamdardı koluŋa salıp bergen Kuday-Teŋiriŋe daŋk!» – dedi.

²⁹Oşondo padışa: «Uulum Abışalom amanbı?» – dep suradı. Akimaas: «Padışanın kulu Joyap kuluŋdu jiberip jatkanda, dürbölöŋ tüşüp jatışkanın kördüm, birok men al jerde emne bolgonun bilbeym», – dep joop berdi.

³⁰Padışa: «Mınday turup tur», – dedi. Al çetke turup turdu.

³¹Anan kuştuk kişi da keldi. Kuştuk kişi: «Mırzam padışaga jakşı kabar! Teŋir saga adilettik kılıp, özüŋö karşı kötörülgöndördün baarınan kutkardı», – dedi.

³²Padışa kuştuk kişige: «Uulum Abışalom amanbı?» – dep kayrıldı. Kuştuk kişi: «Mırzam padışa, senin duşmandarıŋ, saga jamandık oylop karşı çıkkandardın baarı uuluŋ duuşar bolgon nersege duuşar bolsun!» – dep joop berdi.

³³Padışa kapalanıp, darbazanın üstündögü bölmösünö ketip bara jatıp, mınday dep ıyladı: «Oo, uulum Abışalom! Uulum, uulum Abışalom! Oo, Abışalom, senin orduŋa men ölsöm kana, uulum!»