Read NT LS 2005 – Инжил ЛС (2005 2 Şemuel 24 Bible Online

2 Şemuel 24 - NT LS 2005 – Инжил ЛС (2005 bible

2 Şemuel 24

¹Teŋir Israyılga kayradan kaardanıp, Dööttü Israyıl eline karşı kozgop: «Bar, Jüyüt menen Israyıldı sanap kel», – dep ayttırdı.

²Padışa janındagı asker başçısı Joyapka jana anın kişilerine kayrıldı: «Dandan Beyer-Şebaga çeyinki Israyıldın büt uruuların aralap çıgıp, eldin sanın eseptep kelgile, men eldin sanın bilişim kerek».

³Joyap padışaga: «Kuday-Teŋiriŋ kança eliŋ bolso, dagı oşonço köböytsün, jüz ese köböytsün, mırzam padışa munu öz közü menen körsün, birok mırzam padışa bul işti emnege kaalap kaldı eken?» – dedi.

⁴Birok padışanın sözü Joyaptın jana asker başçılardın sözünön küçtüü boldu. Oşentip, Joyap asker başçıları menen Israyıl elin sanoo üçün padışanın aldınan ketişti.

⁵Alar İordandan ötüp, Gat öröönünün ortosundagı şaardın oŋ tarabındagı, Jazer taraptagı Aroyer şaarına toktoştu.

⁶Anan Gilatka jana Tahtim-Hotşi jerine kelişti. Anan alar Dan-Yanga kelip, Sidondu aylanıp ötüştü.

⁷Tir çebine, anan hiptikter menen kanaandıktardın bardık şaarlarına kelip, Jüyüt aymagının tüştügünö, Beyer-Şebaga çıgıştı.

⁸Oşentip, bardık jerdi aylanıp ötüp, toguz ay, jıyırma kün degende, İerusalimge kelişti.

⁹Joyap padışaga eldin tizmesin tapşırdı. Israyıldıktardan segiz jüz miŋ, al emi jüyüttördön beş jüz miŋ, soguşka jaraktuu, küçtüü adam bar ekeni maalım boldu.

¹⁰Eldi sanap çıkkandan kiyin, Dööttün jürögü solk etti. Anan Dööt Teŋirge: «Men uşul işti kılıp, oor künöö ketirdim. Emi Saga jalınam, Teŋir, Özüŋdün kuluŋdun künöösün keçir, antkeni men ötö akılsız iş kıldım», – dedi.

¹¹Dööt ertesi erteŋ menen turganda, Dööttün körögöçü Gat paygambarga Teŋirden mınday söz boldu:

¹²«Bargın da, Döötkö ayt: Teŋir mınday deyt: “Men saga üç jaza sunuş kılam, alardın içinen özüŋ tarta turgan bir jazanı tandap al”».

¹³Gat Döötkö kelip, mınday dep bildirdi: «Ölköŋdö jeti jıl açarçılık bolsunbu, je duşmandarıŋ seni kuup, alardan üç ay kaçıp jürösüŋbü, je ölköŋdü üç kün udaa juguştuu ooru kaptasınbı? Özüŋ tanda. Oylonup, meni Jibergenge emne dep joop berişim kerek ekenin çeç».

¹⁴Dööt Gatka: «Maga abdan oor boldu, birok Teŋirdin koluna tüşkönüm jakşı, antkeni Al abdan booruker. Adamdın koluna tüşpösöm ele boldu», – dedi.

¹⁵Teŋir ısrayıldıktarga erteŋ menenden baştap, belgilengen ubakıtka çeyin juguştuu ooru jiberdi. Oşondo Dandan Beyer-Şebaga çeyin jetimiş miŋ kişi öldü.

¹⁶Perişte İerusalimdi kıyratuu üçün, aga karşı kolun sundu. Birok Teŋir alaamat tüşürgönünö ökünüp, elge kırgın salgan periştege: «Jetişet, emi koluŋdu tüşür», – dedi. Teŋirdin periştesi oşol uçurda jebustuk Arabenanın kırmanının janında ele.

¹⁷Dööt elge kırgın salgan perişteni körüp, Teŋirge: «Men künöö ketirdim, mıyzamsız iş kıldım. A bul koylor emne kıldı? Senin koluŋ maga jana menin atamdın tukumuna karşı burulsun», – dedi.

¹⁸Oşol künü Gat Döötkö kelip: «Bargın da, jebustuk Arabenanın kırmanına Teŋirge arnap kurmandık çalınuuçu jay turguz», – dedi.

¹⁹Dööt Gattın sözü, Teŋirdin buyrugu boyunça bardı.

²⁰Arabena karap, özün közdöy kele jatkan padışanı jana anın kuldarın kördü. Oşondo al çıgıp, padışaga jerge çeyin iyilip taazim etti.

²¹Arabena: «Mırzam padışa öz kuluna emnege keldi?» – dep suradı. Dööt: «Eldin kırılganı toktoş üçün, kırmanıŋdı satıp alıp, Teŋirge kurmandık çalınuuçu jay turguzganı keldim», – dep joop berdi.

²²Arabena Döötkö mınday dedi: «Mırzam padışa kaalaganın alıp, kurmandıkka çalsın. Bütündöy örttölüüçü kurmandıkka çalınçu ögüzdör mına, egin bastırgıç menen ögüzdün dogosu otun bolsun.

²³Padışam, uşunun bardıgın Arabena padışaga berip jatat». Arabena padışaga dagı mınday dedi: «Kuday-Teŋir saga ırayım kılsın!»

²⁴Birok padışa Arabenaga: «Jok! Kança tursa, men saga oşonço tölöp berem. Kuday-Teŋirime beker alıngan kurmandıktı çalbaym», – dedi. Dööt kırmandı, ögüzdördü elüü kümüş şekelge satıp aldı.

²⁵Anan Dööt al jerge Teŋirge arnap kurmandık çalınuuçu jay turguzup, bütündöy örttölüüçü kurmandıktardı jana tınçtık kurmandıktarın çaldı. Oşondo Teŋir ölkögö ırayım kıldı, Israyıldın kırılganı toktodu.