Read NT LS 2005 – Инжил ЛС (2005 2 Padışalar 8 Bible Online

2 Padışalar 8 - NT LS 2005 – Инжил ЛС (2005 bible

2 Padışalar 8

¹Elişa uulun tiriltken bayagı ayalga: «Tur, üy-bülöŋ menen jolgo çık, kaysı jerde jaşay ala turgan bolsoŋ, oşol jerde jaşa, antkeni Teŋir açarçılık çakırdı, bul jerde jeti jıl açarçılık bolot», – dedi.

²Tigi ayal turup, Kudaydın kişisi aytkanday kıldı. Al üy-bülösü menen Pelişti jerine barıp, al jerde jeti jıl jaşadı.

³Jeti jıl ötköndön kiyin al ayal Pelişti jerinen kaytıp kelip, öz üyün, öz jerin kayra surap aluu üçün padışaga keldi.

⁴Oşol uçurda padışa Kudaydın kişisinin kızmatçısı Geyhazi menen süylöşüp oturgan. Padışa aga: «Maga Elişa kılgan jakşı işterdin baarın aytıp berçi», – dedi.

⁵Al Elişanın ölgöndü tiriltkenin padışaga aytıp jatkanda, Elişa tiriltken balanın enesi padışadan öz üyün, öz jerin suradı. Oşondo Geyhazi: «Mırza padışa, bul – oşol ayal, bul – anın Elişa tiriltken uulu», – dedi.

⁶Padışa ayaldan suradı, ayal aga aytıp berdi. Padışa aga saray kızmatçılarının birin koşup berip: «Aga taandık bolgondun baarın jana öz ölkösün taştap ketken kündön uşul küngö çeyinki talaasınan tüşkön kireşesinin baarın büt kayrıp bergile», – dedi.

⁷Siriya padışası Benadat oorup jatkanda, Elişa Damaskka keldi. Benadatka: «Kudaydın kişisi bul jerge keldi», – dep bildirişti.

⁸Padışa Hazaelge: «Koluŋa tartuu alıp, Kudaydın kişisinin aldınan çıgıp, andan Teŋirdin erkin sura: “Men uşul oorudan ayıgambı?”» – dedi.

⁹Hazael anın aldınan tosup çıguuga ketti. Tartuunu – Damasktın baaluu nerselerin kırk töögö jüktöp alıp, anın aldına kelip: «Senin uuluŋ, Siriya padışası Benadat meni saga jönöttü, al: “Men uşul oorudan ayıgambı?” – dep surap jatat», – dedi.

¹⁰Elişa aga: «Barıp, aga: “Ayıgasıŋ”, – dep ayt, birok Teŋir maga: “Al ölöt”, – dedi».

¹¹Elişa andan közün albay karap tura bergendikten, al özün ıŋgaysız sezdi. Anan Kudaydın kişisi ıylap jiberdi.

¹²Oşondo Hazael: «Menin mırzam emnege ıylap jatat?» – dep suradı. Al: «Senin Israyıl uuldarına kanday jamandık kılarıŋdı bilem, oşon üçün ıylap jatam. Sen alardın çepterin örttöysüŋ, jaş ulandarın kılıçtap öltürösüŋ, emçektegi baldarın jançıp öltürösüŋ, koş boyluu ayaldarının kursagın jarasıŋ», – dedi.

¹³Hazael: «Mınday çoŋ kılmış kılgıday, senin kuluŋ, emne, döböt bele?» – dedi. Elişa: «Teŋir maga senin Siriyaga padışa boloruŋdu körsöttü», – dedi.

¹⁴Al Elişanın janınan ketip, öz padışasına keldi. Al andan: «Elişa saga emne dedi?» – dep suradı. Al aga: «Al maga senin ayıgarıŋdı ayttı», – dedi.

¹⁵Ertesi künü al juurkandı alıp, anı suuga malıp, Benadattın betine japtı, al öldü. Anın orduna Hazael takka oturdu.

¹⁶Israyıl padışası Ahaptın uulu Joramdın padışaçılıgının beşinçi jılında Jüyüt padışası Joşapattın orduna uulu Joram takka oturdu.

¹⁷Al takka oturganda, otuz eki jaşta ele. Al İerusalimde segiz jıl padışaçılık kıldı.

¹⁸Al Ahaptın tukumu kılgan işterdi kılıp, Israyıl padışalarının jolu menen jürdü, sebebi Ahaptın kızı anın ayalı bolçu. Al Teŋirge jakpagan işterdi kıldı.

¹⁹Birok Teŋir Jüyüttü Öz kulu Dööt üçün jok kılgısı kelbedi, antkeni Al anın tukumunun çıragı tübölükkö jarkırap turarın ubada kılgan ele.

²⁰Anın ubagında edomduktar Jüyüttün kol astınan çıgıp, özdörünö padışa koyup alıştı.

²¹Joram büt maydan arabaları menen Sayırga jönödü. Al tün içinde turup, özün kurçagan edomduktardı maydan arabalarının başçıları menen koşo talkaladı, birok el öz çatırlarına kaçıp ketti.

²²Uşul küngö çeyin Edom Jüyüttün kol astında emes. Oşol ele ubakta Libna da bölünüp çıktı.

²³Joram jönündö, anın kılgan bardık işteri jönündö Jüyüt padışalarının tarıh kitebinde bayandalıp jazılgan.

²⁴Joram ata-babalarına koşuldu. Anın söögü Dööttün şaarına, ata-babalarının janına koyuldu. Anın orduna uulu Ahazay takka oturdu.

²⁵Israyıl padışası Ahap uulu Joramdın padışaçılıgının on ekinçi jılında Jüyüt padışası Joramdın uulu Ahazay takka oturdu.

²⁶Ahazay takka oturganda, jıyırma eki jaşta ele. Al İerusalimde bir jıl padışaçılık kıldı. Enesinin atı – Ataleya, al Israyıl padışası Omrinin kızı bolçu.

²⁷Al da Ahaptın tukumunun jolu menen jürüp, Ahaptın tukumuna okşop, Teŋirge jakpagan işterdi kıldı, antkeni al Ahaptın tukumu menen tuugan ele.

²⁸Al Ahaptın uulu Joram menen Gilattın Ramotuna Siriya padışası Hazael menen soguşuuga bardı. Siriyalıktar Joramdı jaradar kılıştı.

²⁹Padışa Joram Ramotto Siriya padışası Hazael menen soguşup jatkanda siriyalıktardan algan jaraatın ayıktıruu üçün, İzreyelge kaytıp keldi. Jüyüt padışası Joramdın uulu Ahazay oorup jatkan Ahaptın uulu Joramdı körüü üçün, İzreyelge keldi.