Read NT LS 2005 – Инжил ЛС (2005 1 Jılnaama 10 Bible Online

1 Jılnaama 10 - NT LS 2005 – Инжил ЛС (2005 bible

1 Jılnaama 10

¹Peliştilikter ısrayıldıktar menen soguşup jatıştı. Israyıldıktar peliştilikterden kaçıp, Gilboya toosunda kırılıp jatıştı.

²Peliştilikter Şabuldun jana anın uuldarının artınan tüşüp, Şabuldun uuldarın: Jonatandı, Abınadaptı, Malki-Şuunu öltürüştü.

³Şabulga karşı salgılaş küç aldı. Jaa atkıçtar Şabuldu atıp, anı katuu jaradar kılıştı.

⁴Şabul kural kötörgön jigitine: «Kılıçıŋdı kınınan suurup, meni muuzdap sal, bolboso mına bul sünnötkö oturguzulbagandar kelip, meni mazaktaşat», – dedi. Birok kural kötörgön jigit makul bolgon jok, antkeni ayabay korkup ketti. Oşondo Şabul kılıçın suurup alıp, aga sayıla jıgıldı.

⁵Kural kötörgön jigit Şabuldun ölgönün körgöndö, öz kılıçına özü sayıla jıgıldı.

⁶Şabul öldü, anın üç uulu, anı menen birge büt üy-bülösü öldü.

⁷Örööndögü ısrayıldıktar bardıgının kaçıp baratkanın, Şabuldun jana anın uuldarının ölgönün körüşköndö, şaarların taştap, tuş-tuşka kaçıp ketişti. Al şaarlarga peliştilikter kelip oturuktaşıp alıştı.

⁸Ertesi künü peliştilikter ölgöndördü tonogonu kelişkende, Gilboya toosunan Şabuldun jana anın uuldarının ölügün tabıştı.

⁹Alar Şabuldun kiyimin çeçip, başın kesip, kural-jaragın alıp, öz burkandarının jana eldin aldında jarıyalaş üçün, Pelişti jerine kişi jönötüştü.

¹⁰Anın kural-jaragın öz kudaylarının butkanasına koyuştu, başın Dagon üyünün içine sayıp koyuştu.

¹¹Gilatta jaşagan büt jabeştikter peliştilikterdin Şabuldu emne kılganın uguştu.

¹²Oşondo alardın bardık er jürök adamdarı kelip, Şabuldun jana anın uuldarının ölügün alıp, Jabeşke alıp kelişti da, Jabeştegi emen daragının tübünö kömüştü jana jeti kün orozo karmaştı.

¹³Şabul özünün Teŋirdin aldında kılgan mıyzamsızdıgı üçün, Teŋirdin sözdörün saktabagandıgı üçün jana Teŋirdin erkin surabay, sıykırçı ayalga kayrılgandıgı üçün mına uşintip öldü.

¹⁴Oşonduktan Teŋir anı öltürdü da, padışaçılıktı Jışay uulu Döötkö ötkörüp berdi.