Read NT LS 2005 – Инжил ЛС (2005 1 Jılnaama 29 Bible Online

1 Jılnaama 29 - NT LS 2005 – Инжил ЛС (2005 bible

1 Jılnaama 29

¹Dööt padışa bütkül jıyınga mınday dedi: «Kuday uuldarımdın içinen bir gana Sulayman uulumdu tandap aldı. Birok al jaş, kubatı az, bul iş bolso ebegeysiz çoŋ iş, antkeni bul imarat adam üçün emes, Kuday-Teŋir üçün!

²Menin Kudayımdın üyünö altın buyumdar üçün altın, kümüş buyumdar üçün kümüş, jez buyumdar üçün jez, temir buyumdar üçün temir, jıgaç buyumdar üçün jıgaç, akak taştardı, koyuluuçu taştardı, ar türdüü kooz taştardı, ar kanday asıl taştardı, köp mramor taştardı bolgon küç-kubatım menen dayardap koydum.

³Altın-kümüş saktalgan özümdün kazınam bar. Iyık jay üçün dayardagandarımdan tışkarı, men anı Kudaydın üyün süygöndüktön, Kudaydın üyü üçün berem.

⁴Iydün dubaldarın kaptaş üçün, altından jasala turgan altın buyum üçün, kümüştön jasala turgan ar bir buyum üçün, çeber ustalar jasay turgan ar kanday nerseler üçün üç miŋ talant Opir altının, jeti miŋ talant taza kümüş berdim. Bügün dagı kim öz kaaloosu menen Teŋir üçün kurmandık kılat?»

⁶Oşondo uruu başçıları, Israyıl uruularının başçıları, miŋ başıları, jüz başıları, padışanın çarba işterin başkaruuçuları ar kanday kurmandık bere baştaştı.

⁷Kuday üyün turguzuş üçün, alar beş miŋ talant taza altın, on miŋ altın drahma, on miŋ talant kümüş, on segiz miŋ talant jez, jüz miŋ talant temir berişti.

⁸Kimdin asıl taştarı bolso, alardı Kuday üyündögü kazınaga, geyirşunilik Jehieldin koluna berişti.

⁹El alardın demilgesine ayabay kubandı, antkeni alar Teŋirge çın jüröktön kurmandık kılıştı. Buga Dööt padışa da abdan kubandı.

¹⁰Dööt büt jıyındın köz aldında Teŋirdi mınday dep daŋktadı: «Atabız Israyıldın Kuday-Teŋiri, Saga kılımdan kılımga daŋk!

¹¹Teŋir, uluuluk da, kudurettüülük da, daŋk da, jeŋiş da, urmat-sıy da Saga taandık, jerdegi menen asmandagının baarı Seniki! Teŋir, padışaçılık biylik da Seniki! Bardıgının Egederi Sensiŋ, bir Özüŋ bardıgınan jogorusuŋ!

¹²Baylık da, atak-daŋk da Senden kelet, bardıgına Sen üstömdük kılıp turasıŋ, Sen küçtüüsüŋ jana kudurettüüsüŋ. Jogoru kötörüü jana bardıgın bekemdöö Senin koluŋda!

¹³Bügün biz Seni, Teŋir, daŋazalap, uluu ısımıŋdı maktap jatabız!

¹⁴Antkeni uşunday kurmandık kıluuga kuduretibiz jetkidey, men kimmin da, menin elim kim? Antkeni bardıgı Senden, Senin koluŋdan alganıbızdı kayra Özüŋö berdik.

¹⁵Sebebi biz ata-babalarıbızday ele Senin aldıŋda jolooçubuz, kelginbiz. Jer üstündögü bizdin ömürübüz kölökö sıyaktuu, eç kanday ümüt jok.

¹⁶Teŋir, Kudayıbız! Saga, Senin ıyık ısımıŋa arnap üy kuruu üçün dayardap koygondorubuzdun baarı Senin koluŋdan çıkkan, baarı Seniki!

¹⁷Kudurettüü Kudayım, Senin jüröktü sınarıŋdı, taza jüröktü süyörüŋdü bilem. Men uşunun bardıgın çın jürögümdön kurmandık kıldım, bul jerde turgan eliŋdin da Saga kubanıç menen kurmandık kılıp jatkanın körüp turam.

¹⁸Teŋir, bizdin ata-babalarıbız Ibrayımdın, Iskaktın, Israyıldın Kudayı! Öz eliŋdin jürögündögü uşul jakşı nietti tübölükkö saktay kör, alardın jürögün Özüŋö bur.

¹⁹Senin osuyattarıŋdı, körsötmölörüŋdü, mıyzamdarıŋdı saktaşı üçün, uşunun bardıgın atkarışı üçün jana kerek-jaraktarın özüm dayardap bergen imarattı kuruşu üçün, menin uulum Sulaymanga taza jürök ber».

²⁰Dööt büt jıyınga: «Bizdin Kuday-Teŋiribizdi daŋktagıla!» – dedi. Oşondo jıyındagı büt jamaat ata-babalarının Kuday-Teŋirin daŋktadı, jerge jıgılıp, Teŋirge jana padışaga taazim kılıştı.

²¹Ertesi künü alar Teŋirge kurmandıktarın alıp kelişti, bütündöy örttölüüçü kurmandıktardı: bir miŋ bukaçar, bir miŋ koçkor, bir miŋ kozu, kuyuluuçu kurmandıktarın jana büt Israyıldan köp kurmandıktardı alıp kelişti.

²²Oşol künü Teŋirdin aldında zor kubanıç menen içip-jeşti. Dööttün uulu Sulaymandı ekinçi iret padışa kötörüp, Teŋirdin aldında jogorku biylikke maylaştı, Sadoktu bolso ıyık kızmat kıluuçu kılıp maylaştı.

²³Sulayman öz atası Dööttün orduna Teŋirdin tagına padışa bolup oturdu, anı iygilik koştop jürdü. Bütkül Israyıl eli aga baş iyip turdu.

²⁴Bardık başçılar, bardık küçtüülör, oşondoy ele Dööttün başka bardık uuldarı Sulayman padışaga baş iyişti.

²⁵Teŋir bütkül Israyıldın köz aldında Sulaymandın zobolosun kötördü. Aga buga çeyin Israyıldın eç bir padışası ee bolbogon padışaçılık atak-daŋktı berdi.

²⁶Jışay uulu Dööt Israyılga padışaçılık kıldı,

²⁷al Israyılga kırk jıl padışa boldu: Hebrondo jeti jıl padışaçılık kıldı, İerusalimde otuz üç jıl padışaçılık kıldı.

²⁸Al bakıbat ömür sürüp, ömürgö toyup, baylıkka, daŋkka ee bolup köz jumdu. Anın orduna uulu Sulayman padışa boldu.

²⁹Dööttün algaçkı jana akırkı işteri körögöç Şemueldin jazuularında, paygambar Natandın jazuularında jana körögöç Gattın jazuularında jazılgan.

³⁰Oşondoy ele al jazuularda Dööttün padışaçılık kılışı, erdigi, anın başınan ötkörgön okuyaları, Israyıldın jana jer jüzündögü bardık padışaçılıktardın tarıhı jazılgan.