Read NT LS 2005 – Инжил ЛС (2005 2 Jılnaama 11 Bible Online

2 Jılnaama 11 - NT LS 2005 – Инжил ЛС (2005 bible

2 Jılnaama 11

¹Rehabam İerusalimge kelip, Israyıl menen soguşup, padışaçılıgın kayrıp alış üçün, Jüyüt menen Benjemindin tukumunan jüz seksen miŋ tandamal asker jıynadı.

²Kudaydın kişisi Şemayaga Teŋirden mınday degen söz aytıldı:

³«Jüyüt padışası, Sulaymandın uulu Rehabamga jana Jüyüt menen Benjemin tukumu bolgon büt ısrayıldıktarga mınday degin:

⁴Teŋir mınday dep ayttı de: “Bir tuugandarıŋarga karşı çıkpagıla, alar menen soguşpagıla. Ar kimiŋer öz üyüŋörgö kaytkıla, antkeni munu Men kılıp jatam”». Alar Teŋirdin aytkanına til alıp, Jarobamga karşı barbay, üylörünö kaytıştı.

⁵Rehabam İerusalimde jaşap turdu. Al Jüyüt aymagının şaarların dubaldar menen kurçadı.

⁶Jüyüt aymagındagı jana Benjemindegi şaarlardı: Beyt-Lehemdi, Eytamdı, Tekoyanı,

⁷Beyt-Surdu, Sohonu, Adulamdı,

⁸Gattı, Mareyşanı, Zuptu,

⁹Adorayımdı, Lakişti, Azeykanı,

¹⁰Soranı, Ayalondu, Hebrondu çıŋdadı.

¹¹Al bul şaarlardın çepterin bekemdep, alarga başçılardı koydu jana dan azıktarı, darak mayları menen şaraptar üçün kampalardı kurdu.

¹²Ar bir şaarga kalkandardı, nayzalardı berip, abdan bekemdedi. Anın karamagında Jüyüt menen Benjemin kaldı.

¹³Israyıl jerinde turgan ıyık kızmat kıluuçular menen lebiler ar taraptan aga kelip koşuluştu.

¹⁴Antkeni lebiler şaarlardın janındagı özdörünün jayıttarın jana eelik jerlerin taştap, Jüyüt aymagına jana İerusalimge kelişti. Alardı Jarobam menen anın uuldarı Teŋirge kızmat kıluudan çettetip,

¹⁵Jarobam özü jasagan biyik jerlerdegi butkanalarga da, tekelerge da, bukaçarlarga da butkana kızmatçıların koygon bolçu.

¹⁶Lebilerdin artınan Israyıldın bardık uruularının içinen Israyıldın Kuday-Teŋirin izdeş üçün jürögün burgandar ata-babalarının Kuday-Teŋirine kurmandık çalış üçün İerusalimge kelişti.

¹⁷Alar jüyüttördün padışaçılıgın bekemdep, Sulaymandın uulu Rehabamdı üç jıl koldoştu, antkeni alar üç jıl Dööt menen Sulaymandın jolun joldoştu.

¹⁸Rehabam Dööttün uulu Jerimottun kızı Mahalattı ayaldıkka aldı. Mahalattın enesi Jışaydın uulu Eliyaptın kızı Abikeyil ele.

¹⁹Abikeyil aga Jeyuş, Şemariya, Zaama degen uuldardı töröp berdi.

²⁰Andan kiyin al Abışalomdun kızı Maahanı aldı. Al ayalı aga Abiyam, Atay, Ziza jana Şelomit degen baldardı töröp berdi.

²¹Rehabam bardık ayaldarı menen küŋ ayaldarının içinen Abışalomdun kızı Maahanı jakşı körçü. Rehabamdın on segiz ayalı jana altımış küŋ ayalı bolgon, alardan jıyırma segiz uul jana altımış kız törölgön.

²²Rehabam Maahanın uulu Abiyamdı bir tuugandarının üstünön üy başçısı jana törö kılıp koydu, antkeni anı padışa kılgısı keldi.

²³Rehabam akıl menen iş jürgüzüp, bardık uuldarın Jüyüt jana Benjemin jerlerine, çeptüü şaarlarga jaygaştırıp, alarga köp mülk berip, köp ayal alıp berdi.