Read NT LS 2005 – Инжил ЛС (2005 2 Jılnaama 12 Bible Online

2 Jılnaama 12 - NT LS 2005 – Инжил ЛС (2005 bible

2 Jılnaama 12

¹Rehabamdın biyligi çıŋdalıp, küç-kubattuu bolgon kezde, al Teŋirdin mıyzamdarın taştadı jana anı menen koşo büt Israyıl eli da taştadı.

²Rehabamdın padışaçılıgının beşinçi jılında Misir padışası Şişak İerusalimge karşı bet aldı (antkeni alar Teŋirden çettep ketişken).

³Al bir miŋ eki jüz maydan arabası jana altımış miŋ atçan askeri menen kol saldı. Anı menen koşo Misirden esepsiz köp luptuktar, suktuktar, etiopiyalıktar kelişti.

⁴Al Jüyüt aymagındagı çıŋdalgan şaarlardı karatıp alıp, İerusalimge keldi.

⁵Oşondo Şişaktan kaçıp, İerusalimge kelgen Jüyüt aymagının törölörünö jana Rehabamga Şemaya paygambar kelip, mınday dedi: «Teŋir mınday deyt: “Siler Meni taştap koygonduktan, Men silerdi Şişaktın koluna salıp berem”».

⁶Oşondo jüyüt törölörü menen padışa moyun sunup: «Teŋir adilet!» – deşti.

⁷Teŋir alardın moyun sunganın körgöndö, Şemayaga Teŋirden mınday degen söz boldu: «Bular moyun sunuştu, alardı kırıp jok kılbaym, jakında kutkaram, İerusalimge Şişaktın kolu menen kaarımdı tökpöym.

⁸Birok Maga kızmat kıluu kanday ekenin jana jerdegi padışalarga kızmat kıluu kanday ekenin bilişi üçün, alar aga kul boluşat».

⁹Misir padışası Şişak İerusalimge kirip, Teŋir üyündögü kazınalar menen padışa üyündögü baylıktardı aldı. Sulayman jasagan altın kalkandar menen buyumdardın bardıgın aldı.

¹⁰Padışa Rehabam alardın orduna jez kalkandardı jasap, padışa üyün kaytargan sakçılardın başçılarının koluna berdi.

¹¹Padışa Teŋir üyünö kirgende, sakçılar alardı kötörüp kelip, kayra sakçılardın bölmösünö alıp ketişçü.

¹²Al moyun sungandan kiyin, Teŋir kaardanganın toktottu, anın tukumun birotolo jok kılgan jok, antkeni Jüyüt aymagında jakşı nerse bar ele.

¹³Rehabamdın padışaçılıgı çıŋdalıp, İerusalimde padışaçılık kıla berdi. Rehabam padışa bolgondo kırk bir jaşta ele. Teŋir Özünün ısımın ornotuş üçün, Israyıldın bardık uruularının içinen Özü tandap algan İerusalim şaarında on jeti jıl biylik kıldı. Anın enesinin atı – Naama, al amonduk bolçu.

¹⁴Al jaman işterdi kıldı, antkeni jürögün Teŋirdi izdöögö burgan jok.

¹⁵Rehabamdın algaçkı jana akırkı işteri Şemaya paygambardın jazuularında jana körögöç Idanın sanjırasında jazılgan. Rehabam ömür boyu Jarobam menen soguşup keldi.

¹⁶Rehabam köz jumup, ata-babaları jatkan jayga koşulup, Dööttün şaarına koyuldu. Anın orduna uulu Abiyam padışa boldu.