Read NT LS 2005 – Инжил ЛС (2005 2 Jılnaama 13 Bible Online

2 Jılnaama 13 - NT LS 2005 – Инжил ЛС (2005 bible

2 Jılnaama 13

¹Jarobamdın padışaçılıgının on segizinçi jılında Abiyam jüyüttörgö padışa boldu.

²Al İerusalimde üç jıl padışaçılık kıldı. Anın enesi gibalık Urieldin kızı Mihaya ele. Oşol kezde Abiyam Jarobam menen soguştu.

³Abiyam soguşka er jürök adamdardan, tört jüz miŋ tandamal adamdardan turgan askerin alıp çıktı. Jarobam dagı tandalgan, er jürök adamdardan turgan segiz jüz miŋ askeri menen çıktı.

⁴Oşondo Abiyam Eprayım toolorunun biri Semarayım toosunun çokusuna çıgıp, mınday dedi: «Jarobam menen Israyıl eli, meni ukkula!

⁵Siler Israyıldın Kuday-Teŋiri tuz kelişimi boyunça Israyıl padışaçılıgın Döötkö jana anın uuldarına tübölükkö bergenin bilbeysiŋerbi?

⁶Birok Dööttün uulu Sulaymandın kulu, Nebattın uulu Jarobam öz mırzasına karşı bolup, kozgoloŋ çıgardı.

⁷Anın tegeregine jeŋil oyluu, buzulgan adamdar toptolup, Sulaymandın uulu Rehabamga karşı çıgıştı. Rehabam jaş, küç-kubatı az bolgonduktan, alarga turuştuk bere albay kaldı.

⁸Siler emi Dööttün uuldarının kolunda turgan Teŋirdin padışaçılıgına karşı tura alabız dep oylop jatasıŋar, antkeni siler köpsüŋör, Jarobam silerge kuday kılıp bergen altın bukaçarlarıŋar bar.

⁹Teŋirdin ıyık kızmat kıluuçuların, Arundun uuldarın jana lebilerdi kubalap, bötön jerdin eline okşop, özüŋörgö ıyık kızmat kıluuçulardı koyup algan siler emes beleŋer? Özün arnoo üçün bukaçar, jeti koçkor alıp kelgen ar kimdi siler jalgan kudaylarıŋar üçün ıyık kızmat kıluuçu kılıp alasıŋar.

¹⁰Al emi bizdin Kuday-Teŋiribiz bar. Biz Anı taştagan emespiz, Teŋirge Arundun uuldarı, ıyık kızmatçılar kızmat kılıp jatışat. Lebiler da öz kızmattarın atkarıp jatışat.

¹¹Alar ar künü erteŋ menen da, keçinde da Teŋirge arnap bütündöy örttölüüçü kurmandıktardı çalışat, jıpar jıttuu zattardı tütötüşöt, taza altından jasalgan üstöldün üstünö nan kurmandıktarın koyuşat, ar künü keçinde küyüp turuş üçün, altın çıraktan menen anın çıraktarın küygüzüşöt, antkeni biz öz Kuday-Teŋiribizdin buyruktarın ıyık saktaybız, al emi siler bolso Anı taştap koyduŋar.

¹²Bizdin başçıbız – Kuday. Anın ıyık kızmat kıluuçuları silerge karşı surnay tartışat. Israyıl uuldarı! Ata-babalarıŋardın Kuday-Teŋirine karşı soguşpagıla, antkeni iygilikke jetpeysiŋer».

¹³Oşol arada Jarobam alardın artına askerlerin jönötüp, bukturma koydurdu. Oşentip, özü jüyüttördün bet aldında turdu, bukturma bolso alardın artında ele.

¹⁴Jüyüttör artın karaşsa, aldınan da, artınan da sokku urup jatışıptır. Oşondo alar Teŋirge jalınıp jiberişti, ıyık kızmat kıluuçular bolso surnayların tartıp jiberişti.

¹⁵Jüyüttör kıykırıştı. Jüyüttör kıykırganda, Kuday Abiyam menen Jüyüttün köz aldında Jarobamdı jana bardık ısrayıldıktardı talkaladı.

¹⁶Israyıl uuldarı jüyüttördön kaçıp jönöştü, Kuday alardı jüyüttördün koluna salıp berdi.

¹⁷Abiyam menen anın eli alardı ayabay kırdı. Israyıldın beş jüz miŋ tandamal adamı kırıldı.

¹⁸Oşondon kiyin Israyıl uuldarı moyun sunuştu. Jüyüt uuldarı jeŋişti, antkeni alar öz ata-babalarının Kuday-Teŋirine tayanışkan.

¹⁹Abiyam Jarobamdın artınan kuup, anın şaarların karatıp aldı: Beyteldi jana anın karamagındagı şaarlardı, Jeşandı jana anın karamagındagı şaarlardı, Eprayindi jana anın karamagındagı şaarlardı karatıp aldı.

²⁰Jarobam Abiyamdın tuşunda küçünö kirgen jok. Anı Kuday öltürdü, al öldü.

²¹Abiyam bolso küç aldı. Al on tört ayalga üylönüp, jıyırma eki uulduu, on altı kızduu boldu.

²²Abiyamdın kalgan işteri, anın jürüş-turuşu, aytkan sözdörü Ida paygambardın kitebinde jazılgan.