Read NT LS 2005 – Инжил ЛС (2005 2 Jılnaama 17 Bible Online

2 Jılnaama 17 - NT LS 2005 – Инжил ЛС (2005 bible

2 Jılnaama 17

¹Asanın orduna uulu Joşapat padışa boldu. Al ısrayıldıktar menen soguşuuga küç toptodu.

²Al Jüyüt aymagının çıŋdalgan bardık şaarlarına askerlerin koydu. Jüyüttün bardık jerlerine, atası Asa karatıp algan Eprayımdın şaarlarına küzöt askerlerin koydu.

³Teŋir Joşapat menen boldu, antkeni al öz atası Dööttün algaçkı jolu menen jürdü, Baaldarga tabıngan jok.

⁴Al atasının Kudayın izdep, Anın osuyatı menen jürdü, al emi ısrayıldıktardın kılgandarın kılgan jok.

⁵Teŋir anın padışaçılıgın bekemdedi. Jüyüttördün bardıgı aga tartuuların berip turuştu. Al köp baylıkka, atak-daŋkka ee boldu.

⁶Al Teŋirdin jolunda kayrattandı. Al biyik jerlerdegi butkanalardı da, Jüyüt aymagındagı Aşeyra mamıların da alıp taştadı.

⁷Padışaçılıgının üçünçü jılında al öz törölörü: Ben-Kayıldı, Obadiyanı, Zahariyanı, Natanaeldi, Miheydi eldi üyrötüülörü üçün, Jüyüttün şaarlarına jönöttü.

⁸Alarga koşup: Şemaya, Netaniya, Zebadiya, Asael, Şemiramot, Jonatan, Adoniya, Tobiya, Tob-Adoniya degen lebilerdi jana Elişama, Joram degen ıyık kızmat kıluuçulardı jönöttü.

⁹Alar Teŋirdin mıyzam kitebin özdörü menen koşo alıp jürüp, Jüyüt aymagının bardık şaarların kıdırıp, eldi okutup jatıştı.

¹⁰Oşondo Jüyüt aymagının tegeregindegi jerlerdin bardık padışaçılıktarına Teŋirden korkunuç tuuldu. Oşonduktan alar Joşapat menen soguşuşkan jok.

¹¹Peliştilikter bolso Joşapatka tartuulardı jana salıkka kümüş alıp kelişti. Arabiyalıktar da mayda maldan: jeti miŋ jeti jüz koçkor, jeti miŋ jeti jüz teke aydap kelişti.

¹²Joşapat küç algandan küç alıp, Jüyüt aymagına çepterdi jana azık-tülük saktoo üçün şaarlardı kurdu.

¹³Anın Jüyüt şaarlarında saktap koygon azık-tülügü ötö köp ele, al emi İerusalimde er jürök asker adamdarı turdu.

¹⁴Alardın öz uruuları boyunça tizmesi: Jüyüttün miŋ başıları: asker başçı Adna, anın üç jüz miŋ eŋ mıktı jookeri bolgon;

¹⁵Andan kiyin asker başçı Johanan, anın eki jüz seksen miŋ jookeri bolgon;

¹⁶Andan kiyin Teŋirge berilgen Zihrinin uulu Amatsiya, anın eŋ mıktı eki jüz miŋ jookeri bolgon;

¹⁷Benjeminden: mıktı jooker Eliyada, anın kalkan, jaa menen kuraldangan eki jüz miŋ jookeri bolgon;

¹⁸Andan kiyin Jeyozabat turat, anın kural-jaraktuu jüz seksen miŋ jookeri bolgon;

¹⁹Jüyüt aymagının bardık çıŋdalgan şaarlarına padışa kaltırgan askerlerden tışkarı padışaga kızmat kılgan jookerler uşular.