Read NT LS 2005 – Инжил ЛС (2005 2 Jılnaama 25 Bible Online

2 Jılnaama 25 - NT LS 2005 – Инжил ЛС (2005 bible

2 Jılnaama 25

¹Amatsiya jıyırma beş jaşında takka oturup, jıyırma toguz jıl İerusalimde padışaçılık kıldı. Anın enesinin atı – Jeyodan, al ierusalimdik ele.

²Al Teŋirge jakkan işterdi kıldı, birok alardı büt jürögü menen kılgan jok.

³Anın padışaçılık biyligi bekemdelgen soŋ, padışa atasın öltürgön öz kuldarın öltürdü.

⁴Birok alardın baldarın öltürgön jok, antkeni Teŋirdin Musaga bergen mıyzam kitebinde mınday dep jazılgan: «Baldarı üçün ataları öltürülbösün, ataları üçün baldarı öltürülbösün, ar kim öz kılgan kılmışı üçün ölüm jazasına tartılsın».

⁵Amatsiya bardık jüyüt elin çogulttu. Jüyüt jana Benjemin uruularına miŋ başılar menen jüz başılardı koydu. Alardın jıyırma jaştagıların jana andan jogorkuların eseptep çıgıp, nayza, kalkan kötörgön, soguşka jaraktuu üç jüz miŋ adamdı tandap aldı.

⁶Oşondoy ele jüz talant kümüşkö jüz miŋ jookerdi ısrayıldıktardan jaldap aldı.

⁷Birok Kudaydın kişisi aga kelip, mınday dedi: «Padışa! Seni menen Israyıl askerleri barbasın, antkeni Teŋir ısrayıldıktar menen da, Eprayımdın uuldarı menen da emes.

⁸Sen özüŋ jalgız bar, erdik kılıp maydanga kir. Bolboso Kuday seni duşmandın köz aldında kulatat, antkeni koldoy turgan da, kulata turgan da Kuday Özü».

⁹Amatsiya Kudaydın kişisine: «Israyıl askerlerine men bergen jüz talant kümüştü emne kılış kerek?» – dedi. Kudaydın kişisi: «Kuday saga andan köptü bere alat», – dedi.

¹⁰Oşondo Amatsiya Eprayım jerinen kelgen askerlerdi öz jerine ketiriş üçün bölüp saldı. Alar jüyüttörgö abdan açuulanıp, öz jerlerine açuulangan boydon ketişti.

¹¹Amatsiya bolso kayrattanıp, öz elin baştap, Tuzduu öröönünö jetip, Seirdin on miŋ uulun kırıp saldı.

¹²Jüyüt uuldarı alardın on miŋ adamın kolgo tüşürüp, alardı askanın çokusuna alıp çıgıp, kulatıp jiberişti, alardın söögü talkalandı.

¹³Amatsiya soguşka katıştırbay, kayra jönötkön askerler bolso Samariyadan Beyt-Horongo çeyinki Jüyüt aymagının şaarlarına çaçırap ketişti. Alar oşol şaarlarga kol salıp, üç miŋ adamdı öltürüp, ötö köp oljogo ee boluştu.

¹⁴Amatsiya edomduktardı talkalap kelgenden kiyin, Seir uuldarının kudayların alıp kelip, özünö kuday kılıp koydu da, alarga tabınıp, jıpar jıttuu zat tütöttü.

¹⁵Oşondo Teŋir Amatsiyaga katuu kaardanıp, aga paygambarın jiberdi. Paygambar aga: «Sen emne üçün senin koluŋdan öz elin kutkara albagan bul eldin kudaylarına tabınıp jatasıŋ?» – dedi.

¹⁶Al uşintip aytkanda, padışa aga: «Seni padışaga keŋeşçi kılıp koyuştu bele? Toktot! Bolboso seni öltürüp koyuşat», – dedi. Paygambar unçukpay turup, kayra: «Kuday seni jok kıluunu çeçkenin bildim, antkeni sen uşul işti kılıp, menin keŋeşimdi ukpay koyduŋ», – dedi.

¹⁷Jüyüt padışası Amatsiya özünün keŋeşçileri menen keŋeşip körüp, Israyıl padışası, Jeyunun uulu, Jaahazdın uulu Jaaşka kişi jiberip: «Kel, jekeme-jeke betteşeli», – dep ayttırdı.

¹⁸Oşondo Israyıl padışası Jaaş Jüyüt padışası Amatsiyaga mınday dep ayttırdı: «Lebanondo öskön tikenek Lebanondo öskön kedrge kişi jiberip: “Kızıŋdı menin balama ber”, – dep ayttırıptır. Birok Lebanondogu japayı jırtkıçtar ötüp, al tikenekti tebelep salıştı.

¹⁹Sen: “Men edomduktardı talkaladım”, – dep, tekeberdenip, özüŋdü özüŋ kötörüp jatasıŋ. Andan körö üyüŋdö ele otura berseŋçi! Korkunuçtuu işti baştap emne kılasıŋ? Özüŋ menen koşo Jüyüt aymagın da öltürösüŋ».

²⁰Birok Amatsiya anın sözün ukkan jok, antkeni alar edomduktardın kudaylarına tabına baştagandıktan, alardı Jaaştın koluna salıp beriş üçün, bul iş Kudaydan boldu.

²¹Israyıl padışası Jaaş attanıp çıgıp, Jüyüt padışası Amatsiya menen Jüyüt aymagındagı Beyt-Şemeşte jekeme-jeke betteşti.

²²Oşondo ısrayıldıktar Jüyüt aymagındagılardı talkalap salıştı. Ar kim öz üyünö kaçtı.

²³Israyıl padışası Jaaş Jaahazdın uulu, Jaaştın uulu, Jüyüt padışası Amatsiyanı Beyt-Şemeşte tutkunga alıp, anı İerusalimge alıp keldi. Anan İerusalim dubalın Eprayım darbazasınan burçtagı darbazaga çeyin, tört jüz çıkanak urattı.

²⁴Anan Kuday üyünön Obeyt-Edomdun közömölündögü altın-kümüştördü, kımbat idişterdi, padışa üyünün kazınasın, başı barımtaga alıngan kişilerdi alıp, Samariyaga kaytıp keldi.

²⁵Jüyüt padışası, Jaaştın uulu Amatsiya Israyıl padışası, Jaahazdın uulu Jaaş ölgöndön kiyin, dagı on beş jıl jaşadı.

²⁶Amatsiyanın kalgan işteri, algaçkısı da, akırkısı da Jüyüt jana Israyıl padışalarının kitepterinde jazılgan.

²⁷Amatsiya Teŋirden baş tartkandan kiyin, İerusalimde aga karşı çıkkınçılık uyuşturuştu. Oşondo al Lakişke kaçıp ketti. Anın artınan kişi jiberip, anı oşol jerde öltürüştü.

²⁸Anın söögün attar menen alıp kelip, Jüyüttün şaarına, ata-babalarının janına koyuştu.