Read NT LS 2005 – Инжил ЛС (2005 2 Jılnaama 32 Bible Online

2 Jılnaama 32 - NT LS 2005 – Инжил ЛС (2005 bible

2 Jılnaama 32

¹Hiskiya işenimdüü bolup, uşunday işterdi kılgandan kiyin, Aşur padışası Sanheyrip Jüyüt aymagına kol salıp, anın sepildüü şaarların kurçap aldı, alardı özünö karatıp algısı keldi.

²Hiskiya Sanheyriptin İerusalim menen soguşkanı kelgenin körgöndö,

³özünün törölörü jana asker adamdarı menen şaar sırtındagı suulardı bütöp saluunu çeçti. Alar jardamga kelişti.

⁴Köp el çogulup, ölkönü aralap akkan agın suunu jana bardık suu başattarın bütöp salıştı da: «Aşur padışaları bul jakka kelgende, suu tappay kalışsın», – deşti.

⁵Al kayrattanıp, uragan dubaldardın bardıgın, biyik munaralardı kalıbına keltirip, sırtınan dagı bir dubal kurdu jana Dööttün şaarındagı Milka sepilin bekemdep, ötö köp kural-jaraktardı jana kalkandardı dayardap koydu.

⁶Anan el başına asker başçılardı koyup, alardı şaar darbazasının aldındagı ayantka çogulttu da, alarga jakşı sözdördü aytıp:

⁷«Bekem turgula, kayrattuu bolgula, Aşur padışasınan jana anı menen kelgen köptögön askerlerden korkpogula, üröyüŋördü uçurbagıla, antkeni alar menen bolgondorgo karaganda bizdiki köp.

⁸Alar menen – adamdar, al emi biz menen – Kuday-Teŋiribiz! Al bizge salgılaşuuda jardam beret jana biz üçün küröşöt», – dedi. Jüyüt padışası Hiskiyanın sözün ukkan el kayrattandı.

⁹Uşundan kiyin Aşur padışası Sanheyrip öz öküldörün İerusalimge jiberdi, özü bolso büt kuralduu küçü menen Lakiştin karşısında turdu, al Jüyüt padışası Hiskiyaga jana İerusalimdegi jüyüttörgö öküldörünön mınday dep ayttırdı:

¹⁰«Aşur padışası Sanheyrip mınday deyt: İerusalimde özüŋördü kurçap alıp, emneden ümüt kılıp oturasıŋar?

¹¹Hiskiya: “Aşur padışasının kolunan Kuday-Teŋiribiz saktayt”, – dep, silerdi açka kaltırıp, suusatıp öltürüş üçün azgırıp jatkan jokpu?

¹²Anın butkanaları menen kurmandık çalınuuçu jayların talkalap, Jüyüt menen İerusalim eline: “Bir gana kurmandık çalınuuçu jayga taazim kılgıla, anın üstündö gana jıpar jıttuu zat tütötkülö”, – degen Hiskiya uşul emespi?

¹³Siler menin jana menin ata-babalarımdın jer jüzündögü bardık elderdi emne kılganın bilbeysiŋerbi? Jer jüzündögü elderdin kudayları öz jerlerin menin kolumdan saktap kala alıştı bele?

¹⁴Menin ata-babalarım tukum kurut kılgan elderdin kaysı kudayı öz elin menin kolumdan saktap kaldı? Anan silerdin Kudayıŋar kantip silerdi menin koluman saktap kalsın?

¹⁵Hiskiya silerdi azır uşintip azgırıp, adaştırıp koybosun, aga işenbegile. Eç bir eldin, eç bir padışaçılıktın kudayı öz elin menin kolumdan jana menin ata-babalarımdın kolunan saktap kala algan emes, silerdin Kudayıŋar da silerdi menin koluman saktap kala albayt».

¹⁶Anın jönötkön kızmatçıları Kuday-Teŋirge karşı, Anın kulu Hiskiyaga karşı dagı bir dalay söz aytıştı.

¹⁷Sanheyrip Israyıldın Kuday-Teŋirin jamandap jazgan kattarında: «Jer jüzündögü elderdin kudayları öz elderin menin koluman saktap kala albaganday ele, Hiskiyanın Kudayı da öz elin menin koluman saktap kala albayt», – dep, Kudayga akarat keltirdi.

¹⁸Alar dubaldın üstündö turgan İerusalim elin korkutup, jürögün tüşürüp şaardı bagıntıp alış üçün, jüyüt tilinde kıykırıp jatıştı.

¹⁹İerusalimdin Kudayı jönündö da, başka elderdin adamdın kolunan çıkkan jasalma kudayları jönündö da süylöp jatıştı.

²⁰Oşondo Hiskiya padışa menen Amostun uulu Işaya paygambar sıyınıp, asmandagı Kudayga jalınıp-jalbardı.

²¹Teŋir asmandan periştesin jiberdi. Al Aşur padışasının askerlerinin eŋ mıktıların, asker başçılarının başçısın, asker başçıların kırıp saldı. Al öz jerine maskara bolup kayttı. Al öz kudayının üyünö kelgende, öz uuldarı anı kılıç menen sayıp öltürüştü.

²²Teŋir Hiskiyanı jana İerusalim elin Aşur padışası Sanheyriptin kolunan, bardık ele baskınçılardın kolunan mına uşintip kutkardı. Alardı bardık jerde kalkalap jürdü.

²³Oşondo köpçülük el Teŋirge arnap İerusalimge tartuulardı alıp kelişti. Oşondoy ele Jüyüt padışası Hiskiyaga kımbat baaluu belekterdi alıp kelişti. Uşundan kiyin bardık elderdin köz aldında anın daŋkı çıktı.

²⁴Oşol kezde Hiskiya katuu oorup kaldı. Oşondo al Kudayga sıyındı. Al anın ünün ugup, aga jışaan berdi.

²⁵Birok Hiskiya bul ırayımga ıraazıçılık bildirgen jok, sebebi jürögü tekeberlenip ketken ele. Oşondo Kuday aga, Jüyüt aymagına da, İerusalimge da kaardandı.

²⁶Birok Hiskiya jürögü tekeberdenip ketkenin moynuna algandıktan, İerusalim turgundarı da moyun sungandıktan, Hiskiyanın közü barında Teŋir alarga kaarın tökkön jok.

²⁷Hiskiya ötö köp baylıkka, atak-daŋkka ee boldu. Al özünün altın-kümüştörü, asıl taştarı, jıpar jıttuu zattarı, kımbat baaluu idişteri üçün atayın kazınalardı kurdu.

²⁸Jerden algan tüşümdörü üçün, dan, şarap, zaytun mayları üçün, atayın saktay turgan kampalardı, tört tülük maldın türlörünö jaraşa atayın malkanalardı, koroo-saraylardı saldı.

²⁹Özünö da şaarlardı kurdu. Anın bodo malı da, mayda malı da ötö köp ele, antkeni Kuday aga ötö köp mal-mülk bergen.

³⁰Uşul Hiskiya Gihon suusunun jogorku başatın tosup, Dööttün şaarının batış tarabına, tömön karay burup salgan. Hiskiya ar bir işte iygilikke jetişken.

³¹Babıl padışaları öz öküldörün anın jerinde bolgon keremetter tuuraluu surap-bilüügö jibergende, sınaş üçün, jürögün biliş üçün, Kuday anı taştap koygon.

³²Hiskiyanın kalgan işteri menen jakşı işteri Amos uulu Işaya paygambardın körgön ayandarında, Jüyüt jana Israyıl padışalarının kitepterinde jazılıp kalgan.

³³Hiskiya köz jumup, ata-babalarına koşuldu. Anı Dööt uuldarının mürzölörünün baş jagına koyuştu. Al köz jumganda, Jüyüt jana İerusalim eli aga urmat körsötüştü. Anın orduna uulu Menaşe padışa boldu.