Read NT LS 2005 – Инжил ЛС (2005 2 Jılnaama 7 Bible Online

2 Jılnaama 7 - NT LS 2005 – Инжил ЛС (2005 bible

2 Jılnaama 7

¹Sulayman sıyınıp bütköndö, asmandan ot tüşüp, bütündöy örttölüüçü kurmandık menen başka kurmandıktardı küygüzüp ketti, üydün içi Teŋirdin daŋkına toldu.

²Iyık kızmat kıluuçular Teŋirdin üyünö kire albay kalıştı, antkeni Teŋirdin üyü Teŋirdin daŋkına tolup turgan bolçu.

³Israyıldın büt uuldarı asmandan ot tüşkönün körüp, Kudaydın daŋkı üygö tolgonun körüp, jerge, sekiçege jüztömöndöp jıgılıp taazim etişti. Teŋirdi: «Al ırayımduu, Anın ırayımı tübölüktüü», – dep daŋktaştı.

⁴Padışa jana büt el Teŋirdin aldında kurmandık çala baştaştı.

⁵Sulayman padışa kurmandıkka jıyırma eki miŋ bukaçar jana jüz jıyırma miŋ koy çaldı. Padışa menen büt el Kudaydın üyün uşintip ıyıktaştı.

⁶Iyık kızmat kıluuçular öz kızmatın atkarıştı, lebiler Teŋirdi daŋktaş üçün, Dööt padışa jasagan Teŋirdin küü aspaptarı menen turuştu. Dööt alar menen Teŋirdi maktap ırdaçu, antkeni Anın ırayımı tübölüktüü. Iyık kızmat kıluuçular alardın aldında surnay tartıp turuştu, büt Israyıl eli turup turdu.

⁷Sulayman Teŋir üyünün aldındagı koroonun içki bölügün da ıyıktadı. Jezden jasalgan kurmandık çalınuuçu jayga bütündöy örttölüüçü kurmandıktar, nan kurmandıktarı, maylar batpay kalgandıktan, al bütündöy örttölüüçü kurmandıktardı, tınçtık kurmandıktarının mayların koroonun içki bölügündö örttödü.

⁸Oşol uçurda Sulayman bütkül Israyıl eli menen – Hamattın kire berişinen Misir darıyasına çeyinki jerlerden kelgen köp el menen jeti kündük çoŋ mayram ötkördü.

⁹Al emi segizinçi künü, mayramdan kiyinki künü ıyık çoguluş ötkörüştü, antkeni kurmandık çalınuuçu jaydı jeti kün ıyıktaştı jana jeti kün mayramdaştı.

¹⁰Padışa jetinçi aydın jıyırma üçünçü künü Teŋir Döötkö jana Sulaymanga, Öz eli Israyılga körsötkön ırayımga kubanıp, jüröktörü kubanıçka, şattıkka bölöngön eldi üy-jaylarına koё berdi.

¹¹Oşentip, Sulayman Kudaydın üyün da, padışa üyün da kurup büttü. Sulayman jürögündö Kudaydın üyü üçün da, öz üyü üçün da emne kılam dep oyloso, oşonun baarın iygiliktüü bütürdü.

¹²Teŋir Sulaymanga tün içinde kelip, mınday dedi: «Men senin sıyınuuŋdu uktum jana uşul jerdi Özümö kurmandık çalınuuçu üy katarı tandap aldım.

¹³Men asmandı jaap koyup, jamgır jaabay kalganda, je jerdi jegenge çegirtkelerdi kaptatkanda, je Öz elime juguştuu ooru jibergende,

¹⁴Menin ısımım menen atalgan Menin elim moyun sunsa, sıyınsa, Menin jüzümdü izdese jana jaman joldorunan kaytsa, anda Men alardın ünün asmandan ugup, künöölörün keçirip, jerin darttan ayıktıram.

¹⁵Emi Men uşul jerden közümdü albaym, uşul jerde sıyıngan sıyınuularga kulak salam.

¹⁶Menin ısımım uşul üydö tübölükkö turuş üçün, Men anı tandap alıp, ıyıktadım. Menin közdörüm menen jürögüm dayıma uşul jerde bolot.

¹⁷Sen ataŋ Dööt Menin aldımda jürgöndöy jürö turgan bolsoŋ, Men saga buyrugandardı atkara turgan bolsoŋ, Menin mıyzamdarım menen buyruktarımdı saktay turgan bolsoŋ,

¹⁸anda Men senin ataŋ Döötkö ubada kılıp: “Senin tukumuŋdan Israyıldı başkargan adam üzülböyt”, – dep aytkan ubadam boyunça Senin padışaçılık tagıŋdı bekemdeym.

¹⁹Egerde siler Men bergen mıyzamdar menen buyruktarıma moyun sunbay, alardan baş tartsaŋar, başka kudaylarga kızmat kılıp, alarga taazim kılsaŋar,

²⁰anda Israyıldı Özüm bergen jerden jok kılıp, Öz ısımım menen ıyıktagan uşul iybadatkananı taştap koёm, anı bardık elderge ılakap, külkü kılam.

²¹Uşul uluu iybadatkananın janınan ötüp bara jatkan ar kim üröyü uça: “Emne üçün Teŋir bul jerdi uşunday kıldı, emne üçün uşul üydü uşunday kıldı?” – dep taŋ kalışat.

²²Oşondo: “Alar Misir jerinen alıp çıkkan ata-babalarının Kuday-Teŋirin taştap salışıp, başka kudaylarga jabışıp, alarga kızmat kılıp, taazim kılganı üçün, Teŋir alardın başına uşunday kırsıktı saldı”, – dep aytışat».