Read NT LS 2005 – Инжил ЛС (2005 Ezra 3 Bible Online

Ezra 3 - NT LS 2005 – Инжил ЛС (2005 bible

Ezra 3

¹Jetinçi ay bolgondo, büt Israyıl uuldarı şaarlarınan İerusalimge kelişti, alar bir kişidey çoguluştu.

²Jotsadaktın uulu Jeşuya, anın ıyık kızmat kıluuçu bir tuugandarı, Şaltiel uulu Zorobabıl, anın bir tuugandarı ordunan turuştu da, Kudaydın kulu Musanın mıyzamında jazılganday, bütündöy örttölüüçü kurmandık alıp keliş üçün, Israyıl Kudayına arnap kurmandık çalınuuçu jay kuruştu.

³Alar başka elderden korkkonduktan, kurmandık çalınuuçu jaydı murunku orduna kuruştu da, Kudayga arnap ar künü erteŋ menen jana keçinde bütündöy örttölüüçü kurmandık çalıp turuştu.

⁴Alar mıyzam boyunça Alaçık mayramın ötkörüşüp, dayıma çalınuuçu bütündöy örttölüüçü kurmandıktı ar bir kündün mıyzamı boyunça belgilengen sanda çalıp turuştu.

⁵Oşondon kiyin Teŋirge arnalgan bardık mayramdarda, ay jaŋırganda dayıma çalınuuçu bütündöy örttölüüçü kurmandıktı örttöp turuştu, ar kim öz ıktıyarı menen Teŋirge arnap tartuuların berip turuştu.

⁶Jetinçi aydın birinçi ele kününön baştap Teŋirge arnap bütündöy örttölüüçü kurmandıktardı örttöy baştaştı. Birok Teŋirdin iybadatkanasının paydubalı koyula elek bolçu.

⁷Alar taş somdooçularga, jıgaç ustalarga kümüş berip turuştu. Oşondoy ele kedr jıgaçın Persiya padışası Koreştin uruksatı menen Lebanondon deŋiz arkıluu Japaga jetkirip turuş üçün, sidonduktar menen tirlikterge tamak, suusunduk, may berip turuştu.

⁸Alar İerusalimdegi Kudaydın üyünö kelgenine eki jıl, eki ay bolgondo, Şaltiel uulu Zorobabıl menen Jotsadak uulu Jeşuya jana alardın bölök bir tuugandarı, ıyık kızmat kıluuçular, lebiler, İerusalimge kaytıp kelgen bardık tutkundar kuruluştu baştaştı. Kudaydın üyündögü jumuştarga közömöl kılış üçün, jıyırma jana andan jogorku jaştagı lebilerdi koyuştu.

⁹Jüyüt tukumu bolgon Jeşuya menen anın uuldarı, bir tuugandarı, Kadmiel menen anın uuldarı Kudaydın üyün kurup jatkandarga bir kişidey başçılık kılıp turuştu, oşondoy ele Heynadattın uuldarı, alardın uuldarı menen bir tuugandarı, lebiler, koşo turuştu.

¹⁰Kuruuçular iybadatkananın paydubalın turguzup bütköndön kiyin, ıyık kiyimderin kiygen ıyık kızmat kıluuçulardı surnayları menen, Asaptın uuldarın, lebilerdi jez tabaktarı menen Israyıl padışası Dööttün körsötmösü boyunça Teŋirdi daŋktaş üçün koyuştu.

¹¹Oşondo alar kezekteşip: «Teŋirdi maktagıla, daŋktagıla, antkeni Al ırayımduu, Anın Israyıl eline bolgon ırayımı tübölüktüü», – dep ırday baştaştı. Büt el da iybadatkananın paydubalı koyulganı üçün, Teŋirdi daŋktap kıykırıp jattı.

¹²Oşondo murdagı iybadatkananı körgön ıyık kızmat kıluuçulardın, lebilerdin, uruu başçılardın, karıyalardın köpçülügü özdörünün köz aldında kurulup jatkan iybadatkananın azırkı paydubalın körüp, katuu ıylaştı. Kee biröölör kubanganınan jer jaŋırta kıykırıp jatıştı.

¹³Oşondo el kubanıçtın kıykırıgı menen ıy ökürügün ajırata albay kaldı. Antkeni el jer jaŋırta kıykırıp, alardın ünü alıska ugulup jattı.