Read NT LS 2005 – Инжил ЛС (2005 Ezra 6 Bible Online

Ezra 6 - NT LS 2005 – Инжил ЛС (2005 bible

Ezra 6

¹Oşondo Dariy padışa Babıldagı kazınadagı kitep saktagıçtan al buyruktu tabuuga buyruk kıldı.

²Maday dubanındagı Ahmeta sarayınan bir türmök kitep tabıldı, anda mınday dep jazılgan eken: «Estetüü üçün:

³Koreş padışanın padışaçılıgının birinçi jılında İerusalimdegi Kuday üyü tuuraluu Koreş padışa mınday buyruk bergen: “Kurmandık çalına turgan jay – Kuday üyü kurulsun, al üçün bekem paydubal ornotulsun. Anın biyiktigi altımış çıkanak, tuurası altımış çıkanak bolsun.

⁴Çoŋ taştardan üç katar, jıgaç ustundardan bir katar koyulsun. Karajat padışa üyünön berilsin.

⁵İerusalimdegi iybadatkanadan Nebuhadanasar Babılga alıp ketken Kuday üyündögü altından, kümüştön jasalgan idişter kayradan İerusalimdegi iybadatkanaga jetkirilip, ar biri Kuday üyündögü öz-öz orduna koyulsun”».

⁶«Oşonduktan darıyanın narkı öyüzündögü duban başçı Tatnay jana Şetar-Boznay, darıyanın narkı öyüzündögü joldoştoruŋar – aparsatkalıktar menen koşo al jerden ketkile.

⁷Kuday üyündögü jumuştardı toktotpogula; jüyüttördün duban başçısı menen jüyüt aksakaldarı Kudaydın bul üyün öz orduna kayradan kuruşsun.

⁸Kudaydın üyün kurup jatkan jüyüt aksakaldarına mınday jardam berüünü buyruk kılam, atap aytkanda, padışanın mal-mülkünön – darıyanın narkı öyüzünön tüşkön alık-salıktan tezinen alıp, iş toktoboş üçün, oşol adamdarga bergile.

⁹Kança kerek bolso, asmandagı Kudayga arnalgan bütündöy örttölüüçü kurmandıkka bukaçardan bolobu, koylordon je kozudan bolobu, oşondoy ele İerusalimdin ıyık kızmat kıluuçuları kanday aytsa, buuday, tuz, şarap, may bolobu, emne kerek bolso, kün sayın üzgültüksüz berilsin.

¹⁰Alar asmandagı Kudayga jakkan kurmandık çalıp, padışanın jana anın baldarının ömürü üçün sıyınışsın.

¹¹Men mınday buyruk berem: kim bul körsötmönü buzsa, anda anın üyünün ustunun suurup, al ustunga eesin kerip taştaşsın, üyü bolso uratılsın.

¹²Kudaydın atı turgan İerusalimdegi Kudaydın ıyık üyünö suuk kolun sunup, zıyan keltire turgan ar kanday elderdi da, alardın padışaların da Kuday jok kılsın dep men, Dariy, bul buyruktu berdim. Bul buyruk tak atkarılsın».

¹³Oşondo darıyanın narkı öyüzündögü duban başçı Tatnay, Şetar-Boznay jana alardın joldoştoru Dariy kanday buyrusa, tak oşondoy atkarıştı.

¹⁴Akay paygambar menen Idanın uulu Zahariyanın paygambarçılıgı boyunça Jüyüt aksakaldarı kuruluştu ulantıp, çoŋ iygilikke jetişti. Israyıl Kudayının erki menen, Persiya padışaları: Koreştin, Dariydin, Artakşaştanın buyrugu menen alar kuruluştu bütkörüştü.

¹⁵Al üy Adar ayının üçünçü künü, Dariydin padışaçılıgının altınçı jılında kurulup büttü.

¹⁶Israyıl uuldarı, ıyık kızmat kıluuçular, lebiler, tutkundan kelgen başka kişiler Kudaydın bul üyün kubanıç menen ıyıktaştı.

¹⁷Kudaydın bul üyün ıyıktagan uçurda jüz bukaçar, eki jüz koy, tört jüz kozu, Israyıl uruusunun sanına jaraşa, bardık Israyıldın künöösü üçün on eki teke kurmandıkka çalıştı.

¹⁸Musanın kitebinde jazılganday, İerusalimdegi Kudaydın üyünö kızmat kıluuga ıyık kızmat kıluuçulardı tobu boyunça, lebilerdi kezegi boyunça orundarına koyuştu.

¹⁹Birinçi aydın on törtünçü künü tutkundan kaytkandar Pasah mayramın ötkörüştü.

²⁰Antkeni ıyık kızmat kıluuçular menen lebilerdin biri kalbay tazalanıştı. Tutkundan kaytkandardın bardıgı üçün, ıyık kızmat kıluuçu bir tuugandarı üçün jana özdörü üçün Pasah mayramına arnalgan kozulardı soyuştu.

²¹Tutkundalıp ketip, kayra kaytıp kelgen Israyıl uuldarı da Pasah tamagınan jeşti, oşondoy ele Israyıldın Kuday-Teŋirine kayrılıp turuş üçün, başka elderdin tazalangandarının baarı jeşti.

²²Alar Açıtkısız nan mayramın jeti kün kubanıç menen ötkörüştü. Antkeni Kuday alardı kubantıp, Israyıldın Kuday-Teŋirinin üyün kuruuda küç-kubat beriş üçün, alarga Aşur padışasının jürögün burdu.