Read NT LS 2005 – Инжил ЛС (2005 Ezra 7 Bible Online

Ezra 7 - NT LS 2005 – Инжил ЛС (2005 bible

Ezra 7

¹Bul okuyalardan kiyin, Persiya padışası Artakşaştanın tuşunda Ezra Babıldan çıktı. Al – Serayanın uulu, Seraya – Azariyanın uulu, Azariya – Hilkiyanın uulu,

²Hilkiya – Şalumdun uulu, Şalum – Sadoktun uulu, Sadok – Akituptun uulu,

³Akitup – Amariyanın uulu, Amariya – Azariyanın uulu, Azariya – Merayottun uulu,

⁴Merayot – Zahariyanın uulu, Zahariya – Uzinin uulu, Uzi – Bukinin uulu,

⁵Buki – Abışuanın uulu, Abışua – Pinehastın uulu, Pinehas – Elazardın uulu, Elazar – başkı ıyık kızmat kıluuçu Arundun uulu.

⁶Ezra Babıl jerinen çıktı. Al kitep köçürgüç bolgon, Israyıldın Kuday-Teŋiri bergen Musanın mıyzamdarın jakşı bilgen. Padışa anın kaalaganın berdi, antkeni Kuday-Teŋirinin kolu anın üstündö ele.

⁷Ezra menen birge Israyıldın kee bir uuldarı, ıyık kızmat kıluuçular, lebiler, ırçılar, darbazaçılar, netinder Artakşaştanın padışaçılıgının jetinçi jılı İerusalimge kelişti.

⁸Al İerusalimge Artakşaştanın padışaçılıgının jetinçi jılının beşinçi ayında keldi.

⁹Babıldan çıguu birinçi aydın birinçi künü baştaldı. Al beşinçi aydın birinçi künü İerusalimge keldi, antkeni Kudaydın jakşılık kıluuçu kolu anın üstündö ele.

¹⁰Ezra özünün jürögün Teŋirdin mıyzamın izildöögö, anı atkaruuga, Israyıl eline mıyzamdı jana çındıktı üyrötüügö burgan ele.

¹¹Artakşaşta padışanın Israyıl eline Teŋirdin osuyattarı menen mıyzamdarın üyrötkön ıyık kızmat kıluuçu, kitep köçürgüç Ezraga bergen katının mazmunu mınday:

¹²«Padışalardın padışası Artakşaştadan asmandagı Kudaydın mıyzamın okutuuçu, ıyık kızmat kıluuçu Ezraga salam.

¹³Menin padışaçılıgımdagı Israyıl elinin, anın ıyık kızmat kıluuçularının, lebilerinin arasınan kim İerusalimge baruunu kaalasa, al seni menen barsın dep buyruk berdim.

¹⁴Antkeni sen padışanın jana anın jeti keŋeşçisinin atınan senin koluŋdagı Kudaydın mıyzamı boyunça Jüyüt aymagı menen İerusalimdin akıbalın karap körüü üçün,

¹⁵padışa menen anın keŋeşçileri İerusalimdegi Israyıl Kudayının üyünö kurmandıkka arnagan altın-kümüştörün jetkiriş üçün,

¹⁶Babıldın bardık dubanınan özüŋ jıynap algan altın-kümüştördü ıyık kızmat kıluuçulardın jana eldin İerusalimdegi Kudaydın üyünö arnap öz kaalooloru boyunça kurmandıkka bergen tartuuları menen birge jetkiriş üçün jönötülüp jatasıŋ.

¹⁷Oşonduktan bul akçalarga toktoosuz ögüzdördü, koylordu, kozulardı, alar menen koşo çalınuuçu nan kurmandıktarın, kuyuluuçu kurmandıktardı satıp al, alardı İerusalimdegi Kudayıŋardın üyündögü kurmandık çalınuuçu jayda çal.

¹⁸Kalgan altın-kümüştördü öz Kudayıŋardın erki menen özüŋ jana bir tuugandarıŋ emneni tuura dep tapsa, oşogo jumşagıla.

¹⁹Kudayıŋdın üyündö kızmat kıluuda paydalanıluuçu saga tapşırılgan idişterdi İerusalim Kudayının aldına alıp barıp koygun.

²⁰Kudayıŋdın üyü üçün dagı emne kerek dep esepteseŋ, oşonun baarın padışanın kazınasınan ber.

²¹Men, Artakşaşta padışa, darıyanın narkı öyüzündögü kazına kaytaruuçulardın bardıgına buyruk berem: asmandagı Kudaydın mıyzamdarın üyrötüüçü, ıyık kızmat kıluuçu Ezra emne talap kılsa, oşonu toktoosuz bergile:

²²Jüz talantka çeyin kümüş, jüz batka çeyin buuday, jüz batka çeyin şarap, jüz batka çeyin may bergile, tuzdu bolso ölçöösüz bergile.

²³Asmandagı Kudaydın üyü üçün asmandagı Kuday bergen bardık buyruk taktık menen orundalsın, bolboso Kudaydın kaarı padışanın jana anın baldarının padışaçılıgına tiet.

²⁴Silerge dagı bildire ketçü nerse: Kudaydın üyündö kızmat kılgan ıyık kızmat kıluuçulardın, lebilerdin, ırçılardın, darbazaçılardın, netinderdin eç kimisinen alım, salık, bajı akısı alınbasın.

²⁵Sen bolso, Ezra, Kudayıŋ bergen daanışmandıgıŋ menen başçılardı jana başkaruuçulardı koy, alar darıyanın narkı öyüzündögü eldi – Kudayıŋdın mıyzamdarın bilgen eldi başkarışsın, bilbegenderdi üyrötkülö.

²⁶Kim Kudayıŋdın mıyzamın jana padışanın mıyzamın atkarbasa, anı toktoosuz ölüm jazasına bolobu, je sürgüngö bolobu, je akçalay ayıpka bolobu, je zındanga bolobu öküm çıgarışsın».

²⁷Padışanın jürögünö İerusalimdegi Kuday üyün jasalgaloonu salgan,

²⁸maga padışanın, anın keŋeşçilerinin, anın bardık küç-kubattuu törölörünün ırayımın burgan ata-babalarıbızdın Kuday-Teŋirine alkış! Oşondo men kayrattandım, antkeni Kuday-Teŋirimdin kolu menin üstümdö ele. Oşonduktan meni menen barışsın dep, Israyıldın uruu başçıların çogulttum.