Read NT LS 2005 – Инжил ЛС (2005 Nekemiya 13 Bible Online

Nekemiya 13 - NT LS 2005 – Инжил ЛС (2005 bible

Nekemiya 13

¹Oşol künü Musanın kitebinen mınday jerler elge uguza okuldu: «Amonduktar menen maaptıktar Kudaydın koomuna kire albayt,

²antkeni alar Israyıldın uuldarın nan, suu menen tosup alışkan emes, alardı kargatış üçün Bilamdı jaldaşkan. Birok bizdin Kuday al kargıştı bataga aylantıp koygon».

³Alar bul mıyzamdı ukkanda, bardık bötön uruulardı Israyıldan bölüp salıştı.

⁴Tobiyanın jakın tuuganı, Kudayıbızdın üyündögü kampa bölmölörünö koyulgan ıyık kızmat kıluuçu Eliyaşip,

⁵Tobiyaga çoŋ bölmönü dayardap beriptir. Al bölmögö murun nan kurmandıktarı, ladan, idişter, oşondoy ele mıyzam boyunça lebilerge, ırçılarga, darbazaçılarga tieşelüü bolgon tüşümdün, şarap, zaytun maylarının ondon bir bölügü jana ıyık kızmat kıluuçularga berilüüçü kurmandıktar koyulçu.

⁶Munun baarı bolup jatkanda, men İerusalimde jok bolçumun, antkeni Babıl padışası Artakşaştanın biyliginin otuz ekinçi jılı men padışaga bargam, bir neçe kün ötköndön kiyin, padışadan kayra suranıp ketkem.

⁷Men İerusalimge kelgende, Eliyaşiptin Kudaydın üyünün koroosunan Tobiyaga bölmö oŋdop berip, jaman iş kılganın bildim.

⁸Oşondo men abdan jaman bolup, Tobiyanın bardık üy buyumdarın al bölmödön sırtka ırgıttım da,

⁹bölmönü tazalagıla dedim, bölmögö Kuday üyünün idişterin, nan kurmandıktarın, ladandı kayradan alıp kirgile dep buyruk kıldım.

¹⁰Lebilerge ülüştörü berilbey jatkanın jana kızmatta turgan lebiler menen ırçılar öz talaalarına kaçıp ketkenin da uktum.

¹¹Bul üçün başkaruuçulardı katuu eskertip, emne üçün biz Kudaydın üyün taştap koyduk dedim. Anan men alardı çogultup, öz-öz orundarına koydum.

¹²Oşondo bardık jüyüttör egindin, şaraptın, zaytun maylarının ondon bir bölügün kampalarga alıp kele baştaştı.

¹³Men kampalarga ıyık kızmat kıluuçu Şelemiyanı, kitep köçürgüç Sadoktu, lebilerden Pedayanı, alardın janına Mataniya uulu bolgon Zakurdun uulu Hanandı koydum, antkeni alar işenimdüü adamdar bolup eseptelçü. Öz bir tuugandarına ülüş bölüştürüü oşolorgo jüktöldü.

¹⁴«Oo Kudayım, meni uşul işim üçün unutpa, Kudayımdın üyü üçün berilip kılgan işterimdi, oşol jerdegi kızmattı tartipke keltirgenimdi esiŋden çıgarba!»

¹⁵Oşol kündörü men jüyüt elinin işembi künü jüzüm sıgıp, boo taşıp, eşekterge şarap, jüzüm, anjır, ar kanday jük artıp, İerusalimge alıp kelip jatkanın kördüm. Oşol ele künü alar tamak-aş satıp jatkanda, katuu eskerttim.

¹⁶Jüyüt aymagında jaşagan tirlikter da balıktı jana başka nerselerdi taşıp kelip, işembide Jüyüt menen İerusalimdin turgundarına satıp turuşkan.

¹⁷Oşondo men jüyüt elinin ataktuuların katuu eskertip, mınday dedim: «Emne üçün siler mınday kıyanattık kılıp, işembi kündü bulgap jatasıŋar?

¹⁸Ata-babalarıŋar da uşunday kılgandıktan, Kudayıbız bizge jana bul şaarga alaamat kaptatpadı bele. Siler bolso işembini bulgap, Anın Israyılga bolgon kaarın küçötüp jatasıŋar».

¹⁹Uşundan kiyin, işembinin aldında, keç kire baştaganda İerusalimdin darbazaların bekitip, işembi kündün ertesi erteŋ menen gana açuunu buyruk kıldım. İşembi künü eç kanday jük ötpöş üçün, kızmatçılarımdı darbazaga koydum.

²⁰Oşondo ar kanday mal-mülk satkan satuuçular menen soodagerler İerusalimdin sırtına bir-eki jolu tünöp kalıştı.

²¹Birok alardı katuu eskertip, men: «Siler emne üçün şaar sırtına tünöp jatasıŋar? Eger dagı uşinte turgan bolsoŋor, anda silerdi jazaga tartam», – dedim. Oşondon tartıp alar işembide kelbey kalıştı.

²²Anan men lebilerge işembi kündü ıyık tutuş üçün, tazalanıp, darbazalardın aldında sakçılıkta tursun dedim. «Oo Kudayım, mına uşunum üçün da meni unutpa, uluu ırayımıŋ menen maga ırayım kıl!»

²³Oşol kündörü men dagı azottuk, amonduk, maaptık kızdardan ayal algan jüyüttördü kördüm.

²⁴Oşonduktan alardın uuldarının jarımı azottuktarça je başka elderdin tilderinde süylöşöt, jüyüt tilinde süylöy alışpayt.

²⁵Bul üçün men alarga sögüş berip, kargış aytıp, kee bir erkekterin urup, çaçın julup, alardan Kudaydın atı menen ubada berüünü talap kılıp, öz kızdarıŋardı alardın baldarına berbegile, alardın kızdarın uuldarıŋar albasın, özüŋör da albagıla dedim.

²⁶Israyıl padışası Sulayman uşulardın ayınan künöögö batpadı bele dedim. Başka köp elderdin mınday padışası bolgon emes. Al Kudaydın süyüktüü kişisi bolgonduktan, Kuday anı bütkül Israyılga padışa kılıp koygon, birok bötön jerdin ayaldarı azgırıp, anı da künöögö türtkön.

²⁷Bötön jerdik ayaldar menen jaşap, Kudayıbızdın aldında künöö kılıp, uşunday zor kıyanattık kılıp jatkanıŋar jönündö ugat belek?

²⁸Başkı ıyık kızmat kıluuçu Eliyaşiptin uulu Joyadanın uuldarının biri horonduk Sanbalattın küyöö balası bolgon. Men anı özümdün janımdan kuup jibergem.

²⁹«Oo Kudayım, ıyık kızmattı, ıyık kızmat kıluuçulardın jana lebilerdin kelişimin buzganı üçün, alardı jazala!»

³⁰Men alardı bötön jerlikterdin bardık nerselerinen uşintip tazaladım, ıyık kızmat kıluuçular menen lebilerdin kızmatın kalıbına keltirdim, ar birin öz işine koydum.

³¹Oşondoy ele eldin otundu jana algaçkı tüşümdü öz ubagında alıp kelip turuusun kalıbına keltirdim. «Oo Kudayım, maga jakşı boluşu üçün, meni unutpa!»