Read NT LS 2005 – Инжил ЛС (2005 Nekemiya 2 Bible Online

Nekemiya 2 - NT LS 2005 – Инжил ЛС (2005 bible

Nekemiya 2

¹Nisan ayında, Artakşaştanın padışaçılıgının jıyırmançı jılında, padışanın aldına şarap tartıldı. Men al şaraptı alıp, padışaga sundum. Adatta, men anın aldında kapaluu bolup turçu emesmin.

²Birok padışa maga: «Emne üçün kapaluusuŋ? Oorup jatasıŋ deyin desem, oorubay ele turasıŋ, birok jürögüŋdü bir nerse öyüp tursa kerek?» – dedi. Oşondo men abdan korkup ketip,

³padışaga: «Padışam kılımdan kılımga jaşasın! Ata-babalarımdın söögü koyulgan şaar kıyrap, darbazaları örttönüp jatsa, kantip kapa bolboym!» – dedim.

⁴Oşondo padışa maga: «Kaalaganıŋ emne?» – dedi. Men asmandagı Kudayga sıyınıp,

⁵padışaga: «Egerde padışam ılayık körsö, egerde özüŋdün aldıŋdagı kuluŋa ırayım kılgıŋ kelse, meni Jüyüt aymagına, ata-babalarımdın söögü koyulgan şaarga jiber, men al şaardı kayra kurayın», – dedim.

⁶Oşondo padışa jana anın janında oturgan padışanın ayalı menden: «Kança ubakıt jol jürösüŋ, kayra kaçan kaytasıŋ?» – dep suraştı. Men bir ubakıttı belgilegenden kiyin, padışa meni jiberüünü tuura kördü.

⁷Anan men padışaga mınday dedim: «Egerde padışam tuura körsö, Jüyüt aymagına bara jatkanımda darıyanın narkı öyüzündögü duban başçılar öz jerinen ötüümö uruksat berip turuşu üçün, alarga kat jazıp berse eken.

⁸Padışanın tokoylorun kaytargan Asapka da kat berse eken, al Kuday üyünün tegeregindegi çeptin darbazası üçün, şaar dubaldarı üçün jana men tura turgan üy üçün karagay bersin». Kudaydın jakşılık kıluuçu kolu menin üstümdö turgandıktan, padışa maga suraganımdı berdi.

⁹Men darıyanın narkı öyüzündögü duban başçılarga kelip, padışanın kattarın berdim. Padışa meni menen koşo asker başçılardı jana atçan askerlerdi jibergen ele.

¹⁰Horonduk Sanbalat menen amonduk kul Tobiya Israyıl uuldarının jırgalçılıgı üçün kam körgönü bir adam kelgendigin ukkanda, abdan açuulanıştı.

¹¹Anan men İerusalimge keldim. Al jerge kelgenime üç kün bolgondo,

¹²tün içinde ordumdan turdum. Janımda bir neçe kişi bar ele. Birok İerusalim üçün iştöönü jürögümö Kudayım salganın eç kimge aytkan jokmun. Özüm minip kelgen janıbardan başka janımda eç kanday janıbar jok ele.

¹³Tünü menen Ajıdaar başatının aldındagı Öröön darbazasınan ötüp, Kık darbazasına çeyin kelip, İerusalimdin kıyragan dubaldarı menen örttölgön darbazaların karap çıktım.

¹⁴Anan Başat darbazası menen padışa kölmösünö keldim, birok al jerde astımdagı janıbar ötö turgan jer jok bolgonduktan,

¹⁵artıma kayrılıp, koktunu ördöp çıgıp, dubaldardı baykap kördüm, anan kayra Öröön darbazasınan ötüp, kayrılıp keldim.

¹⁶Men kayda barıp, emne kılıp jürgönümdü başçılar bilişken jok: jüyüttörgö da, ıyık kızmat kıluuçularga da, ataktuu adamdarga da, başçılarga da, başka jumuş başçılarga da men buga çeyin eç nerse açkan emesmin.

¹⁷Men alarga mınday dep ayttım: «Siler bizdin başıbızga tüşkön kırsıktı körüp turasıŋar. İerusalim kıyradı, darbazaları örttöldü, jürgülö, İerusalim dubaldarın turguzalı, oşondo mından arı mınday korduktu körböybüz».

¹⁸Anan men alarga Kudaydın maga jakşılık kılgan kolu tuuraluu, padışanın maga aytkan sözdörü tuuraluu aytıp berdim. Oşondo alar: «Kurabız», – deşip, jakşı işti baştoogo bel baylaştı.

¹⁹Munu ukkan horonduk Sanbalat, amonduk kul Tobiya jana arabiyalık Geşem bizdi şıldıŋdap, jek körüü menen: «Emne iş kılganı jatasıŋar? Padışaga karşı çıkkanı jatasıŋarbı?» – deşti.

²⁰Oşondo men alarga joop kılıp: «Bizdi asmandagı Kuday Özü koldoyt, biz bolso, Anın kuldarı, şaardı kurabız. Al emi silerdin İerusalimde ülüşüŋör da, ukuguŋar da, atıŋar da jok», – dedim.