Read NT LS 2005 – Инжил ЛС (2005 Nekemiya 4 Bible Online

Nekemiya 4 - NT LS 2005 – Инжил ЛС (2005 bible

Nekemiya 4

¹Sanbalat dubaldı kurup jatkanıbızdı ukkanda, açuusu kelip, kıjırlanıp, jüyüttördü şıldıŋdadı.

²Al öz bir tuugandarının aldında jana samariyalık asker adamdarının aldında mınday dedi: «Bul baykuş jüyüttör emne kılıp jatışat? Alarga uşunu kurganga jol berilmek bele? Alar kurmandık çalabız dep jatışabı? Bir künü bütüröbüz dep jatışabı? Üyülgön topuraktan taştardı kayra turguza alışmak bele? Anan kalsa, küyüp kalgan taştardı kayra turguza alışmak bele?»

³Janında turgan amonduk Tobiya bolso mınday dedi: «Kura berişsin, tülkü sekirip çıksa ele, bulardın taş dubaldarı talkalanat».

⁴«Oo Kudayıbız, kanday jek köründü abalda turganıbızdı uga kör! Bulardın şıldıŋın öz baştarına sal, bulardı tutkun bolup bargan jerinde jek köründü kıl.

⁵Bulardın mıyzamsız işterin jaap koybo, Senin aldıŋda bulardın künöölörü juulbasın, antkeni bular kuruluşta iştep jatkandardı kapa kılıştı».

⁶Birok biz dubaldı turguza berdik. Oşentip, dubaldı jarımına çeyin kötörüp koyduk. Antkeni eldin iştegenge kaaloosu bar ele.

⁷İerusalimdin dubalı kalıbına keltirilip jatkanın, buzulgan jerleri oŋdolup jatkanın ukkanda, Sanbalat da, Tobiya da, arabiyalıktar da, amonduktar da, azottuktar da abdan açuulanıştı.

⁸Anan alar İerusalim menen soguşuuga, dubaldarın talkalap saluuga birge baruunu makuldaşıştı.

⁹Biz bolso Kudayıbızga sıyındık. Bulardan saktanış üçün, künü-tünü küzötçülördü koyduk.

¹⁰Birok jüyüttör: «Jük taşuuçular çarçap kalıştı, al emi urandılar ötö köp. Dubaldı kura albaybız», – deşti.

¹¹Duşmandarıbız bolso: «Bulardın ortosuna kirip barabız da, talkalaybız, işterin toktotobuz, alar bizdin kapıstan kirgenibizdi bilbey da, körböy da kalışat», – dep oylop jatıştı.

¹²Alardın janında jaşagan jüyüttör kelişip, bizge duşmandar ar kaysı jaktan kol saların on jolu aytkanda,

¹³men dubaldın arı jagına, oyduŋ jana açık jerlerge eldi kılıç, nayza, jaa menen kuraldantıp, uruu-uruusu boyunça koydum.

¹⁴Anan men alardı karap çıgıp, ataktuu adamdarga, başçılarga jana elge: «Duşmandan korkpogula. Uluu, korkunuçtuu Teŋiriŋerdi estegile, öz bir tuugandarıŋar üçün, öz uuldarıŋar üçün, öz kızdarıŋar üçün, öz ayaldarıŋar üçün, öz jayıŋar üçün salgılaşkıla», – dep ayttım.

¹⁵Duşmandarıbız özdörünün aram oyloru bizge belgilüü bolup kalganın uguştu, Kuday alardın aram nietin talkaladı. Oşondo biz dubalga kayra kelip, ar kimibiz öz jumuşubuzga kiriştik.

¹⁶Oşol kündön tartıp menin jaş jigitterimdin jarımı jumuşta boldu, jarımı nayza, kalkan, jaa, soot karmap turdu, asker başçılar jüyüt elinin artında boluştu.

¹⁷Dubal turguzup jatkandar, jük taşuuçular bir kolu menen iş kılıp, ekinçi koluna nayza karmap jürüştü.

¹⁸Ar bir kuruuçu beline kılıçın baylap iştep jattı. Al emi menin janımda surnayçı turdu.

¹⁹Anan men ataktuu adamdarga, başçılarga jana kalgan elge mınday dedim: «Jumuş köp, jumuş çoŋ, biz dubaldın ayak-başında jüröbüz, arabız alıs.

²⁰Oşonduktan siler surnay ünün kaysı jerden uksaŋar, oşol jerge çogulup, bizge kelgile. Biz üçün Kudayıbız Özü küröşöt».

²¹Biz jumuştu uşunday atkardık. Taŋ sürgöndön jıldız çıkkanga çeyin jarımıbız nayza karmap turduk.

²²Mından tışkarı, İerusalimde bardıgı öz kuldarı menen birge tünösün dedim. Alar tünküsün küzöttö turuşat da, kündüz işteşet.

²³Özüm da, bir tuugandarım da, kişilerim da, kaytargan sakçılarım da kiyimibizdi çeççü emespiz. Suuga barganda da, ar biribiz kılıç alıp jürçübüz.