Read NT LS 2005 – Инжил ЛС (2005 Nekemiya 6 Bible Online

Nekemiya 6 - NT LS 2005 – Инжил ЛС (2005 bible

Nekemiya 6

¹Menin dubaldı kurup bütkönüm jana buzulgan jerlerdin oŋdolup bütkönü Sanbalattın da, Tobiyanın da, arabiyalık Geşemdin da kulagına jetti. Birok darbazalardın eşikterin koё elek bolçumun.

²Oşondo Sanbalat menen Geşem maga kişi jiberip: «Kel, Ono tüzdügündögü bir kıştaktan kezdeşeli», – dep ayttırıştı. Alar maga kıyanattık kıluunu oyloştu.

³Birok men alarga elçilerdi jönötüp: «Men çoŋ iş menen alek bolup jatam, bara albaym. Eger jumuşumdu taştap, siler menen joluguşa turgan bolsom, anda iş toktop kalat», – dep ayttırdım.

⁴Alar uşunday dep ayttırıp, maga tört jolu kişi jiberişti, men alarga murdagıday ele jooptu berdim.

⁵Oşondo Sanbalat maga beşinçi iret öz kızmatçısın jönöttü, kolunda açık kat bar eken.

⁶Anda mınday dep jazılıptır: «El arasında mınday sözdör aytılıp jüröt, Geşem da aytıp jatat: Sen da, jüyüttör da bölüngönü jatkan ekensiŋer, alardın aytımına karaganda, alarga padışa bolom dep, dubaldı kurup jatıptırsıŋ.

⁷Özüŋ jönündö: “Jüyüt padışası mına!” – dep jarıyalatış üçün, İerusalimge paygambarlardı da koyuptursuŋ. Mınday sözdör padışaga da jetip kalat. Oşonduktan sözsüz kel, çoguu keŋeşeli».

⁸Birok men aga kişi jönötüp: «Senin aytkandarıŋdın biri da bolgon emes. Sen munu öz akılıŋ menen oylop tapkansıŋ», – dep ayttırdım.

⁹Antkeni alar: «Alardın ındını öçüp, bul işti ayagına çıgara albay kalışat», – dep, bizdi korkutuşkan. Birok oşentken sayın men ogo beter kayrattandım.

¹⁰Men Meytabel uulu bolgon Delayanın uulu Şemayanın üyünö keldim, al eşikterdi bekitip: «Kudaydın üyünö barıp, iybadatkananın içine kirip, eşikti bekitip alalı. Antkeni alar seni öltürgönü jatışat, alar seni öltürüü üçün tündö kelişet», – dedi.

¹¹Birok men: «Mendey adam kantip kaçsın? Mendey adam tirüü kalam dep, iybadatkanaga kantip kirsin? Barbaym», – dedim.

¹²Al maga paygambarday süylösö da, anı Kuday jiberbegenin, anı Tobiya menen Sanbalat satıp alışkanın bilgem.

¹³Antkeni meni korkutuş üçün, uşintip künöögö batırış üçün, meni jamanattı kılıp, meni jemelep, kuuguntukka alış üçün, anı satıp alışkan.

¹⁴Oo Kudayım, Tobiya menen Sanbalattın uşul işterin unuta körbö, meni korkutkusu kelgen paygambar ayal Noyadiyanı jana başka paygambarlardı da unuta körbö!

¹⁵Dubal Elul ayının jıyırma beşinçi künü, elüü eki kündö kurulup büttü.

¹⁶Bul tuuraluu büt duşmandarıbız ukkanda jana bizdin tegeregibizdegi büt elder körgöndö, alar abdan korkup kalıştı, bul işti bizdin Kuday kılganın bilişti.

¹⁷Birok oşol kündörü jüyüttördün ataktuu adamdarı kattı köp jazıp, Tobiyaga jönötüp turuştu, Tobiyadan da alarga kat kelip jattı.

¹⁸Antkeni Jüyüt aymagındagı köp adamdar aga ant berişip, bir kelişimde boluştu, sebebi al Arah uulu Şehaniyanın küyöö balası ele. Anın uulu Johanan Berehiya uulu Meşulamdın kızın algan.

¹⁹Atügül, menin közümçö anın keŋ peyildigin kep kılışçu, menin sözdörüm da aga jetkirilip turçu. Tobiya meni korkutuş üçün, kat jönötüp turdu.