Read NT LS 2005 – Инжил ЛС (2005 Ester 3 Bible Online

Ester 3 - NT LS 2005 – Инжил ЛС (2005 bible

Ester 3

¹Oşondon kiyin Akaşbeyroş padışa agaktık Amadat uulu Amandı jogorku kızmatka kötörüp, anı özünün karamagındagı bardık törölördön jogoru koydu.

²Oşondo padışanın karamagındagı, padışa darbazasının aldındagı kızmatçılardın bardıgı Amandın aldında jerge jete iyilip taazim kılışçu, antkeni padışa oşondoy kıluunu buyrugan. Birok Mordohay jerge jete iyilip taazim kılçu emes.

³Padışanın darbazasının aldında kızmat kılgan padışa kızmatçıları Mordohayga: «Sen emne üçün padışanın buyrugun atkarbay jatasıŋ?» – deşti.

⁴Alar kündö aytıp jatışsa da, al ukpay koydu. Oşondo alar Mordohay öz sözünö turar beken dep, Amanga bildirişti. Antkeni al özünün jüyüt ekenin alarga aytkan bolçu.

⁵Aman özünö Mordohaydın jerge jete iyilip taazim kılbay jatkanın körgöndö, kaarı kaynadı.

⁶Birok Amanga jalgız Mordohaydı öltürüp koyuu az köründü. Aga Mordohaydın kaysı elden ekenin aytışkanda, al Akaşbeyroştun padışaçılıgındagı bardık jüyüttördü Mordohaydın eli katarı kırıp saluunu tuura kördü.

⁷Birinçi ayda, başkaça aytkanda, Nisan ayında padışa Akaşbeyroştun padışaçılıgının on ekinçi jılında Amandın aldında kün sayın, ay sayın ökçömö taş ırgıtıştı. Oşondo ökçömö taş on ekinçi ayga – Adar ayına tüştü.

⁸Aman Akaşbeyroş padışaga mınday dedi: «Sen padışaçılık kılgan bardık dubandarda el arasına çaçılgan, taralgan bir el bar. Alardın mıyzamı başka elderdin mıyzamdarınan ayırmalanat, alar padışanın mıyzamın atkarışpayt, padışa alardı uşul boydon kaltırbaşı kerek.

⁹Egerde padışa tuura körsö, alardı kırıp saluuga buyruk bersin. Padışanın kazınasına salış üçün, men padışa kızmatçılarının koluna on miŋ talant kümüş tartıp berem».

¹⁰Oşondo padışa jüyüttörgö karşı çıgargan buyrugun bekitiş üçün, kolundagı şakekti çıgarıp, agaktık Amadattın uulu Amanga berdi.

¹¹Anan padışa Amanga: «Kümüştü da, eldi da saga berdim. Kanday kılam deseŋ, özüŋ bil», – dedi.

¹²Birinçi aydın on üçünçü künü padışanın katçıları çakırtıldı. Alar Amandın buyrugun padışanın biylööçü töböldörünö, ar bir dubandagı başçılarga, ar bir eldin törölörünö ar bir dubandın öz aribinde, ar bir eldin öz ene tilinde jazıp jönötüştü. Bardıgı Akaşbeyroş padışanın atınan jazılıp, padışanın möör şakegi menen bekitildi.

¹³On ekinçi aydın on üçünçü künü, başkaça aytkanda, Adar ayında bardık jüyüttördü: jaşın da, karısın da, baldardı da, ayaldardı da bir kündö kırıp, alardın mal-mülkün talap alış üçün, çabarmandar arkıluu padışanın bardık dubandarına kattar jönötüldü.

¹⁴Oşol küngö bardık elder dayar turuş üçün, buyruktun köçürmösü mıyzam katarı ar bir dubanga jarıyalandı.

¹⁵Çabarmandar padışanın buyrugun alıp, şaşılış jönöp ketişti. Bul buyruk borbor şaar Şuşanda da jarıyalandı. Padışa da, Aman da içip-jep oturuştu, Şuşan şaarı bolso dürbölöŋgö tüşüp jattı.