Read NT LS 2005 – Инжил ЛС (2005 Ester 4 Bible Online

Ester 4 - NT LS 2005 – Инжил ЛС (2005 bible

Ester 4

¹Mordohay bolgon iştin bardıgın bilgende, kiyimderin ayrıp, zumbal kiyip, başına kül seep, şaardın ortosuna çıgıp, bozdop ıylap,

²padışa darbazasının aldına keldi, antkeni zumbalçan kişini padışanın darbazası arkıluu ötkörüşçü emes.

³Oşondoy ele bardık dubandarda, padışanın buyrugu menen toktomu jetken jerdin bardıgında jüyüttör orozo karmap, bozdop ıylap, kaygırıp jatıştı. Zumbal menen kül köbünö töşök boldu.

⁴Esterdin kızmatçı kızdarı menen ebnuhtarı kelip, bolgon işti aytıp berişti, oşondo hanışa ayabay korkup ketti. Anan al Mordohayga zumbaldı çeçip, başka kiyim kiysin dep, kiyim berip jiberdi, birok al anı albay koydu.

⁵Oşondo Ester Atahtı çakırıp aldı. Padışa anı ebnuhtardın içinen Esterge kızmat kıluuga bölüp koygon. Ester Mordohayga emne bolgonun, emne üçün uşintip jatkanın biliş üçün, Atahtı aga jönöttü.

⁶Atah padışa darbazasının aldındagı şaar ayantında turgan Mordohayga bardı.

⁷Mordohay aga emne bolgonunun baarın aytıp berdi, Amandın jüyüt elin kırış üçün, padışanın kazınasına tartıp berem dep ubada kılgan kümüşünün salmagın da ayttı.

⁸Anan al jüyüt elin kıruu tuuraluu Şuşandagı elge jarıyalangan buyruktun köçürmösün Esterge körsötüş üçün, aga baarın bildiriş üçün, al padışaga barıp, andan ırayım surap, öz eli üçün ötünüşü üçün, anı Atahtın koluna tapşırdı.

⁹Atah kelip, Mordohaydın sözün Esterge aytıp berdi.

¹⁰Ester Atahtı Mordohayga mınday dep ayttıruu üçün kayra jönöttü:

¹¹«Erkek bolobu, ayal bolobu, kim padışa sarayında oturgan padışaga çakırtılbay kirse, al ölüm jazasına tartıların padışanın karamagındagı bardık kızmatçılar da, padışanın dubandarındagı el da bilişet. Padışa altından jasalgan padışa tayagın kimge sunsa, oşol gana aman kalat. Menin padışaga çakırtılbaganıma otuz kündün jüzü boldu».

¹²Esterdin sözün Mordohayga aytıp berişti.

¹³Mordohay Esterge mınday joop ayttı: «Jüyüttördün içinen jalgız özüŋ padışanın üyündö aman kalam dep oylobo.

¹⁴Egerde sen azır unçukpay koysoŋ, anda jüyüt eline erkindik menen kutkarıluu başka jaktan kelet, birok sen ataŋdın tukumu menen koşo ölösüŋ. Kim bilet, balkim, sen hanışalık darajaga mına uşunday mezgil üçün jetkendirsiŋ?»

¹⁵Oşondo Ester Mordohayga mınday joop jönöttü:

¹⁶«Bar, Şuşandagı bardık jüyüttördü çogult. Men üçün orozo karmagıla, üç kün künü-tünü menen eç nerse jebegile da içpegile. Men özüm da kızmatçı kızdarım menen orozo karmaym, andan soŋ mıyzamga karşı kelse da, padışaga baram. Ölsöm, ölöyün».

¹⁷Mordohay jönöp ketti. Ester kanday buyrusa, al tak oşondoy kıldı.