Read NT LS 2005 – Инжил ЛС (2005 Ester 5 Bible Online

Ester 5 - NT LS 2005 – Инжил ЛС (2005 bible

Ester 5

¹Içünçü künü Ester hanışa kiyimin kiyip, padışa sarayının içki koroosuna keldi. Padışa oşol uçurda padışa sarayında, öz taktısında, eşiktin tuşunda oturgan. Padışa kire berişte turgan Ester hanışanı kördü. Oşondo Ester padışadan ırayım taptı.

²Padışa kolundagı altından jasalgan padışa tayagın Esterge sundu, oşondo Ester janına kelip, tayaktın uçuna kolun tiygizdi.

³Padışa aga: «Ester hanışa, saga emne kerek? Kanday ötünüçüŋ bar? Al tursun, saga jarım padışaçılık da berilet», – dedi.

⁴Ester: «Egerde padışa tuura körsö, bügün Aman menen toygo kelsin, men padışa üçün toy dayardadım», – dedi.

⁵Padışa: «Esterdin sözün atkarış üçün, tezireek Amandı alıp kelgile», – dedi. Oşentip, Ester dayardagan toygo padışa Aman menen keldi.

⁶Şarap içilip jatkanda, padışa Esterge: «Emne kaalaysıŋ? Senin kaalaganıŋ kanaattandırılat. Kanday ötünüçüŋ bar? Jarım padışaçılıktı surasaŋ da, berem», – dedi.

⁷Oşondo Ester padışaga mınday dedi: «Menin kaalaganım jana ötünüçüm mınday:

⁸egerde men padışanın aldında ırayım tapsam, egerde padışa kaalaganımdı kanagattandırgısı kelse, ötünüçümdü atkargısı kelse, anda men alar üçün dayarday turgan toygo padışa Aman menen erteŋ da kelsin, padışanın sözün men erteŋ atkaram».

⁹Oşol künü Aman padışanın üyünön özün baktıluu sezip, köŋüldüü çıktı. Birok Aman padışanın darbazasının aldında oturgan Mordohaydı körgöndö, abdan kıjırı keldi, antkeni al ordunan turmak tügül, kozgolup da koygon jok.

¹⁰Birok Aman özün özü karmadı. Üyünö kelgende, dostoru menen ayalı Zereşti çakırttı.

¹¹Aman alarga özünün san jetkis baylıgı jönündö, uuldarının köptügü jönündö, padışa zobolosun kötörgöndügü jönündö, kızmatçıları menen törölörünön kançalık jogoru kötörgöndügü jönündö aytıp berdi.

¹²Al dagı mınday dedi: «Hanışa Ester da özü dayardagan toygo menden bölök eç kimdi padışaga koşup çakırbaptır. Erteŋ da men padışa menen anıkına çakırıldım.

¹³Birok men padışanın darbazasının aldınan jüyüt Mordohaydın oturganın körüp turganda, uşunun baarına ıraazı emesmin».

¹⁴Oşondo ayalı Zereş jana kelgen bardık dostoru aga: «Biyiktigi elüü çıkanakka jetken jıgaç mamı dayardaşsın, erteŋ menen erte padışaga ayt, Mordohaydı oşogo astırıp salsın, andan soŋ padışa menen toygo köŋüldüü bara ber», – deşti. Bul söz Amanga abdan jagıp, jıgaç mamı dayardap koydu.