Read NT LS 2005 – Инжил ЛС (2005 Ester 6 Bible Online

Ester 6 - NT LS 2005 – Инжил ЛС (2005 bible

Ester 6

¹Oşol tünü Teŋir padışanın uykusun aldı. Oşondo padışa kündölük işter jazılgan tarıh kitebin alıp kelüünü buyrudu. Kitepti padışa aldında okuştu.

²Al kitepten Mordohaydın bosogo kaytargan padışanın eki ebnuhu Biktan menen Tereştin Akaşbeyroş padışanı öltürüünü oylogonun kabarlaganı tuuraluu okuştu.

³Oşondo padışa: «Bul üçün Mordohayga kanday urmat-sıy körsötüldü ele?» – dep suradı. Padışanın kızmatçıları: «Eç kanday sıy körsötülgön emes», – dep joop berişti.

⁴Padışa: «Bosogodo turgan kim?» – dep suradı. Oşondo Aman özü dayardagan jıgaç mamıga Mordohaydı astırış üçün, padışa menen süylöşüügö padışa sarayının kire berişindegi bölmögö kelgen ele.

⁵Kızmatçılar padışaga: «Kire berişte Aman turat», – dep aytıştı. Padışa: «Kirsin», – dedi.

⁶Aman kirdi. Padışa aga: «Padışa urmat-sıy körsötküsü kelgen adamga emne kılış kerek?» – dedi. Aman içinen: «Padışa menden başka kimge urmat körsötmök ele?» – dep oylodu.

⁷Aman padışaga mınday dedi: «Padışa urmat körsötküsü kelgen adamga mınday kılış kerek:

⁸aga padışa kiyçü kiyimdi alıp kelişsin, aldına padışa minip jürgön attı tartışsın, başına padışa taajısın kiygizişsin.

⁹Al kiyimderdi, attı padışanın ataktuu törölörünün birine bersin, al törö padışa urmat körsötküsü kelgen adamga oşol kiyimdi kiygizip, anı oşol atka mingizip, attı jetelep, şaar ayantına alıp çıgıp, anın aldında: “Padışa urmat-sıy körsötküsü kelgen adamga uşunday kılınat!” – dep jar salsın».

¹⁰Oşondo padışa Amanga: «Özüŋ aytkan kiyim menen attı tezinen alıp, padışa darbazasının aldında oturgan jüyüt Mordohayga oşondoy kıl, özüŋ aytkandın baarın jasa, eç nerse kaltırba», – dedi.

¹¹Aman kiyim menen attı alıp, kiyimdi Mordohayga kiygizip, atın jetelep, şaar ayantına alıp çıktı da, anın aldında: «Padışa urmat körsötküsü kelgen adamga uşunday kılınat!» – dep jar saldı.

¹²Andan kiyin Mordohay padışa darbazasına kaytıp keldi. Aman kapalangan, başın japkan boydon üyünö şaşıp jönödü.

¹³Emne bolgonunun baarın Aman ayalı Zereşke jana dostoruna aytıp berdi. Akılmandarı menen ayalı Zereş aga: «Sen Mordohaydın ayınan kulay baştadıŋ, al jüyüttördün tukumunan çıksa, anda aga küçüŋ jetpeyt, anın aldında kulap kalat okşoysuŋ», – deşti.

¹⁴Alar Aman menen süylöşüp bütö elekte ele, padışanın ebnuhtarı kelip, anı Ester dayardagan toygo şaştırıştı.