Read NT LS 2005 – Инжил ЛС (2005 Ester 8 Bible Online

Ester 8 - NT LS 2005 – Инжил ЛС (2005 bible

Ester 8

¹Oşol künü Akaşbeyroş padışa jüyüttördün duşmanı Amandın üyün Ester hanışaga berdi. Mordohay padışanın aldına kirdi, antkeni Ester padışaga Mordohay emnesi bolorun aytkan ele.

²Oşondo padışa Amandın kolunan çıgarıp algan öz şakegin Mordohaydın koluna saldı. Ester bolso Mordohaydı Amandın üyünö başçı kıldı.

³Ester padışa menen kayradan süylöşüp, anın butuna jıgılıp, ıylap, andan agaktık Amandın kıyanat işin jana anın jüyüttörgö karşı jaman nietin jokko çıgaruusun ötündü.

⁴Padışa Esterge altından jasalgan padışa tayagın sundu. Ester öydö bolup, padışanın aldında turdu.

⁵Anan mınday dedi: «Egerde padışa tuura körsö, egerde men anın aldında ırayım tapsam, egerde bul iş padışanın aldında adilettüü bolup eseptelse, egerde men aga jaksam, anda agaktık Amadat uulu Amandın jaman nieti boyunça padışanın bardık dubandarındagı jüyüttördü kıruu jönündö jazılgan kattar kaytarılışı üçün buyruk jazılsa eken.

⁶Men öz elimdin başına tüşkön müşküldü kantip karap turam, bir tuugandarımdın kırılıp jatkanın kantip karap turam?»

⁷Oşondo Akaşbeyroş padışa Ester hanışa menen jüyüt Mordohayga mınday dedi: «Amandın üyün Esterge berdim, özün bolso jüyüttörgö karşı çıkkanı üçün, jıgaç mamıga astırıp saldım.

⁸Siler da padışanın atınan jüyüttör jönündö özüŋör kaalaganday buyruk jazıp, padışanın möör şakegin baskıla, antkeni padışa atınan jazılıp, anın möör şakegi basılgan kattı özgörtüügö bolboyt».

⁹Içünçü ayda, başkaça aytkanda, Siban ayının jıyırma üçünçü künü padışanın katçıları çakırtıldı. Alar Mordohay buyruganday kılıp jüyüttörgö, padışanın biylööçü töböldörünö, aymak başkaruuçularına, duban başçılarına, İndiyadan Etiopiyaga çeyin jaygaşkan jüz jıyırma jeti dubandın ar birine öz aribi menen, ar bir eldin öz tilinde, jüyüttörgö öz aribi menen, öz tilinde kattardı jazıştı.

¹⁰Mordohay alardı Akaşbeyroş padışanın atınan jazıp, padışanın möör şakegin basıp, çabarmandardı at, töö, kaçır menen jönöttü.

¹¹Al katta ar kaysı şaarlarda turgan jüyüttör çogulup, öz ömürlörün saktaş üçün, özdörünö karşı çıkkan eldin arasındagı jana dubandagı küçtüülördün baarın kırıp, jok kılıp, öltürüp, alardın baldarın, ayaldarın, mal-mülkün talap-tonop aluuga padışanın jüyüttörgö uruksat bergeni jönündö jazılgan ele.

¹²Akaşbeyroş padışanın bul buyrugu bardık dubandarda bir kündö, on ekinçi aydın, başkaça aytkanda, Adar ayının on üçünçü künü atkarılsın dep körsötülgön.

¹³Büt elderge mıyzam katarı jarıyalana turgan bul buyruktun köçürmösü ar bir dubanga jetkirilsin, jüyüttör oşol künü duşmandarınan öç aluuga dayar turuşsun dep aytılgan.

¹⁴Padışanın buudandarına mingen çabarmandar padışanın buyrugun şaşılış alıp jönöştü. Buyruk borbor şaar Şuşanda da jarıyalandı.

¹⁵Oşondo Mordohay padışadan üstünö ak, jakut tüstüü padışa kiyimin, başına çoŋ altın taajı kiyip, zıgır kezdemeden tigilgen koçkul kızıl jamıngıç jamınıp çıktı. Şuşan şaarı kubanıçka jana şattıkka bölöndü.

¹⁶Oşol kün jüyüttör üçün jarık çaçkan, kubanıçtuu, şaŋduu mayram kün boldu.

¹⁷Padışanın buyrugu menen toktomu jetken bardık dubandardagı, bardık şaarlardagı, bardık jerlerdegi jüyüttördün kubanıçı koynuna batpay, mayramdap, toy ötkörüp jatıştı. Ölködögü elderdin köpçülügü jüyüttördön korkkonduktan, jüyüt bolup alıştı.