Read NT LS 2005 – Инжил ЛС (2005 Çıguu 1 Bible Online

Çıguu 1 - NT LS 2005 – Инжил ЛС (2005 bible

Çıguu 1

¹Jakıp menen birge öz-öz üy-bülösü menen Misirge kelgen Israyıl uuldarı bular:

²Rubeyin, Şımon, Lebi, Jüyüt,

³İsahar, Zabulun, Benjemin,

⁴Dan, Naptalı, Gat jana Aşır.

⁵Jakıptın tukumu jetimiş adam ele, Jusup Misirde bolçu.

⁶Kiyin Jusup da, anın bir tuugandarı da, oşol muundun adamdarı da köz jumuştu.

⁷Birok Israyıl uuldarı ukumdap-tukumdap köböyüp, küç alıp, Misir jerine toluştu.

⁸Misirde Jusuptu bilbegen jaŋı padışa takka oturdu.

⁹Al öz eline mınday dedi: «Israyıl eli bizden alda kança köp jana küçtüü bolup ketti.

¹⁰Köböyüp ketpeşi üçün, alardı aldaylı, antpesek soguş bolso, alar duşmandarıbızga koşulup, bizge karşı çıgıp, jeribizden çıgıp ketişet».

¹¹Oşentip, paraon oor jumuşka salıp eziş üçün, alardın üstünön başçılardı koydu. Azık-tülük saktoo üçün, alar paraongo Pitom jana Raamses degen şaarlardı kuruştu.

¹²Alardı kançalık ezgen sayın, alar oşonçoluk köböyüştü. Alar kançalık köböygön sayın, misirlikter alardan oşonçoluk kooptono baştaştı.

¹³Oşonduktan misirlikter Israyıl uuldarın ırayımsızdık menen zordop jumuşka salıştı.

¹⁴Alardı ılay menen kışka salıp, ar kanday talaa jumuştarına ırayımsızdık menen zordop iştetip, alardın jaşoosun azaptuu kılıp jiberişti.

¹⁵Misir padışası Şipra jana Puya degen anaçı eberey kempirlerge mınday dep buyruk kıldı:

¹⁶«Siler eberey ayaldardı törötüp jatkanda, karagıla. Egerde erkek törölsö, anı öltürüp salgıla. Egerde kız törölsö, jaşay bersin».

¹⁷Birok anaçı kempirler Kudaydan korkuşçu. Oşonduktan Misir padışasının aytkanın kılbay, baldardı tirüü kaltırıp jatıştı.

¹⁸Misir padışası anaçı kempirlerdi çakırıp alıp: «Emne üçün mınday kılıp jatasıŋar, emnege baldardı tirüü kaltırıp jatasıŋar?» – dep suradı.

¹⁹Anaçı kempirler paraongo: «Eberey ayaldar misirlik ayaldarday emes eken. Alardın den soolugu çıŋ eken, oşonduktan alar anaçı kempirler kelgiçe ele töröp koyup jatışat», – dep joop berişti.

²⁰Bul üçün Kuday anaçı kempirlerge jakşılık kıldı. El bolso köböygöndön köböyüp, abdan küç aldı.

²¹Anaçı kempirler Kudaydan korkkonduktan, Kuday alardın üy-bülösünö batasın berdi.

²²Oşondo paraon öz eline mınday dep buyruk berdi: «Ebereylerdin jaŋı törölgön erkek baldarın darıyaga ırgıtkıla. Al emi kızdarın tirüü kaltırgıla».