Read NT LS 2005 – Инжил ЛС (2005 Çıguu 11 Bible Online

Çıguu 11 - NT LS 2005 – Инжил ЛС (2005 bible

Çıguu 11

¹Teŋir Musaga mınday dedi: «Men paraondu jana misirlikterdi dagı bir jolu jazalaym. Oşondon kiyin gana al silerdi bul jerden koё beret. Koё bergende da, silerdi bul jerden şaşılış kuup çıgat.

²Eliŋe aytıp koy, ar bir erkek, ar bir ayal öz koşunasınan altın-kümüş buyum surap alsın».

³Teŋir Öz eline misirlikterdin köz aldında ırayım kıldı. Musa da Misir jerinde, paraondun kuldarının aldında, eldin aldında eŋ uluu adam boldu.

⁴Musa mınday dedi: «Teŋir mınday deyt: “Tün ortosunda Men Misir jerin aralap ötöm.

⁵Oşondo Misir jerindegi tun baldardın baarı, taktıda oturgan paraondun tun balasınan baştap, jargılçak tartıp oturgan küŋdün tun balasına çeyin ölöt, maldın birinçi tölünün baarı kırılat.

⁶Oşondo bütkül Misir jeri bozdop ıylayt. Mınday ıy murun da bolgon emes, kiyin da bolboyt”.

⁷Al emi Israyıl uuldarı jana alardın malı eç kanday zıyan tartpayt. Oşondo Teŋir misirlikter menen ısrayıldıktardın ortosuna kanday ayırma koygonun körösüŋör.

⁸Senin kuldarıŋdın baarı menin aldıma kelip tize bügüp: “Jetektep jürgön eliŋ menen koşo çıgıp ket”, – deşet. Men oşondon kiyin gana çıgıp ketem». Anan Musa paraondon kaardanıp çıgıp ketti.

⁹Teŋir Musaga mınday dedi: «Misir jerinde keremetterimdi körsötö berişim üçün, paraon silerdi ukpay koydu».

¹⁰Musa menen Arun uşul keremetterdin baarın paraondun aldında körsötüştü. Birok Teŋir paraondun jürögün katuulantıp koygonduktan, al Israyıl uuldarın öz jerinen koё bergen jok.