Read NT LS 2005 – Инжил ЛС (2005 Çıguu 12 Bible Online

Çıguu 12 - NT LS 2005 – Инжил ЛС (2005 bible

Çıguu 12

¹Teŋir Misir jerinde Musa menen Arunga mınday dedi:

²«Uşul ay siler üçün aylardın baştalışı bolsun. Uşul ay jıl içindegi aylardın birinçisi bolsun.

³Israyıl jamaatına mınday degile: Uşul aydın onunçu künü ar kim öz üy-bülösünö birden kozu kamdasın, ar bir tütün birden kozu dayardasın.

⁴Egerde üy-bülödögü kişinin sanı az bolup, bir kozunu jep tügötö albay turgan bolso, anda al üy-bülö özünö jakın jaşagan koŋşusunun üy-bülösü menen birge, kişinin sanına jaraşa kamdasın. Bir kozunu kança kişi jep tügötö alsa, oşonço kişi çogulsun.

⁵Al kemçiligi jok bir jıldık erkek mal boluşu kerek. Anı koydun je eçkinin arasınan tandap algıla.

⁶Siler anı oşol aydın on törtünö çeyin saktap turgula. Anı Israyıl jamaatı keç kireri menen soysun.

⁷Et jey turgan üydün eşiginin eki kaşegine, eşiktin maŋdayçasına anın kanınan sıypap koyuşsun.

⁸Etin otko kaktap bışırıp, açıtkısız nan jana açuu çöptör menen oşol tünü jep tügötüşsün.

⁹Etti çala bışırıp je suuga bışırıp jebegile, baş-şıyragın, içegi-karının koşup, otko kaktap bışırıp jegile.

¹⁰Andan erteŋ menenkige kaltırbagıla. Erteŋ menenkige kalganın örttöp jibergile.

¹¹Anı beliŋerdi kurçap, but kiyimiŋerdi kiyip, tayagıŋardı koluŋarga alıp, şaşılış türdö jegile. Bul – Teŋirdin Pasahı.

¹²Men dal oşol tünü Misir jerin aralap, Misir jerinde jaşagan adamdardın tunun, maldarının birinçi tölün jok kılam. Misirdin bardık kudaylarına sot jürgüzöm. Men Teŋirmin!

¹³Siler oturgan üylördögü oşol kan silerdin belgiŋer bolot, kandı körüp, silerden kıya ötüp ketem. Misir jerin kıyratıp jatkanımda, silerdin başıŋarga alaamat tüşpöyt.

¹⁴Oşol kün silerdin esiŋerde kalsın, oşol kündü tübölükkö belgilengen mayram katarı Teŋirge arnap, ukumdan-tukumga mayramdagıla.

¹⁵Jeti kün açıtkısız nan jegile. Birinçi kündön tartıp üyüŋördögü açıtkı koşulgan tamaktardı jok kılgıla. Kim birinçi kündön jetinçi küngö çeyin açıtkı koşulgan nerse jese, al Israyıl elinin arasınan jok kılınat.

¹⁶Birinçi künü da, jetinçi künü da ıyık çoguluş ötkörgülö. Bul kündörü eç kanday jumuş kılınbasın, içip-jey turgan gana tamagıŋardı jasasaŋar bolot.

¹⁷Açıtkısız nan mayramın ötkörüp turgula, antkeni dal oşol künü Men silerdin koşuundarıŋardı Misir jerinen alıp çıkkam. Oşol kündü tübölükkö belgilengen kün katarı ukumdan-tukumga belgilep turgula.

¹⁸Birinçi aydın on törtünçü kününün keçinen baştap oşol ele aydın jıyırma birinçi kününün keçine çeyin açıtkısız nan jegile.

¹⁹Jeti kün boyu silerdin üyüŋördö açıtkı koşulgan tamak bolboşu kerek, sebebi kim açıtkı koşulgan tamak jese, al kelgin bolobu, oşol jerdin jergiliktüü turgunu bolobu, Israyıl jamaatınan jok kılınat.

²⁰Açıtkı koşulgan eç nerse jebegile, kaysı jerde bolsoŋor da, açıtkısız nan jegile».

²¹Musa Israyıl aksakaldarın çakırıp alıp, alarga mınday dedi: «Iy-bülöŋördögü kişinin sanına jaraşa mal tandap, Pasahka arnap soygula.

²²Bir tutam issop alıp, idiştegi kanga malıp, eşiktin maŋdayçası menen eki kaptal kaşegine sıypagıla. Özüŋör bolso taŋga çeyin üyüŋördön çıkpagıla.

²³Teŋir Misirdi kıyratuu üçün bara jatkanda, eşigiŋerdin maŋdayçası menen eki kaşegindegi kandı körüp, kıya ötüp ketet, kıyratuu üçün kele jatkan kıyratuuçunu silerdin üyüŋörgö kirgizbeyt.

²⁴Munu siler özüŋör üçün da, baldarıŋar üçün da tübölük mıyzam katarı saktagıla.

²⁵Teŋir bergen jerge kirgeniŋerde, Al Özü aytkanday, uşul iybadattı saktagıla.

²⁶Baldarıŋar silerden: “Bul emne degen iybadat?” – dep suraşsa,

²⁷“Bul – Teŋirge arnalgan Pasah kurmandıgı. Al misirlikterdi kıyratıp jatkanda, Misirdegi Israyıl uuldarının üylörünön kıya ötüp ketken, bizdin üylörübüzdü kutkarıp kalgan”, – degile». Oşondo kalıŋ el tize bügüp taazim kıldı.

²⁸Anan Israyıl uuldarı tarap ketişti. Teŋir Musa menen Arunga kanday buyrusa, alar tak oşondoy kılıştı.

²⁹Tün ortosunda Teŋir Misir jerindegi bardık tun baldardı: taktıda oturgan paraondun tun balasınan baştap zındanda jatkan tutkundun tun balasına çeyin öltürdü. Oşondoy ele maldın birinçi tölünün baarın kırıp saldı.

³⁰Oşondo paraon özü, büt kuldarı, bütkül Misir eli tün içinde orundarınan turuştu. Misir jerinen katuu ökürük çıktı, antkeni ölük çıkpagan üy bolgon jok.

³¹Paraon tün içinde Musa menen Arundu çakırtıp alıp: «Turgula, Israyıl uuldarı, menin elimdin arasınan ketkile, özüŋör aytkanday, Teŋiriŋerge iybadat kılganı ketkile.

³²Özüŋör aytkanday, mayda jana bodo malıŋardı ala ketkile. Maga da bataŋardı bergile», – dedi.

³³Oşentip, misirlikter: «Ketpeseŋer, baarıbız ölüp kalabız», – deşip, alardı al jerden tezireek çıgıp ketüügö majburlaştı.

³⁴Oşondo Israyıl uuldarı açıtkı koşulbagan kamırın çelegi menen koşo kiyimderine baylap, iyinderine kötörüp alıp jönöştü.

³⁵Israyıl uuldarı Musanın aytkanınday kılıp, misirlikterdin altın-kümüş buyumdarın, kiyimderin surap alıştı.

³⁶Teŋir bolso misirlikterdin köz aldında Öz eline ırayım kıldı. Misirlikter alardın suraganın berişti. Oşentip, alar misirlikterdi tonop alıştı.

³⁷Israyıl uuldarı Raamsesten çıgıp, Sukotko jönöştü. Baldardı eseptebegende, alardın sanı altı jüz miŋ jöö erkek ele.

³⁸Alar menen birge ar kaysı uruudan köp sandagan adamdar da çıgıştı. Alar köp sandagan mayda jana bodo malı menen çıgıştı.

³⁹Misirden ala çıgışkan açıtkısız kamırdan tokoç jasaştı, Misirden şaşılış türdö kuulup çıkkandıktan, jolgo tamak-aş da kamday albay kalışkan ele.

⁴⁰Israyıl uuldarı Misirde tört jüz otuz jıl jaşaştı.

⁴¹Tuura tört jüz otuz jıl bolgon künü tün içinde Teŋirdin bütkül koşuunu Misir jerinen çıktı.

⁴²Bul tün – özdörün Misirden alıp çıkkandıgı üçün uktabay ötkörö turgan, Teŋirge arnalgan tün. Bul tündü Israyıl uuldarı ukumdan-tukumga saktaşı kerek.

⁴³Teŋir Musa menen Arunga mınday dedi: «Pasah kurmandıgının mıyzamı mınday: anı başka uruunun bir da kişisi jebesin.

⁴⁴Anı kümüşkö satılıp alıngan ar bir kul sünnötkö oturguzulgandan kiyin jese bolot.

⁴⁵Anı kelgin kişi menen jaldanma kişi jebesin.

⁴⁶Anı bir üydö oturup jegile, etin sırtka alıp çıkpagıla, sööktörün sındırbagıla.

⁴⁷Munu Israyıldın bütkül jamaatı atkarsın.

⁴⁸Egerde senin janıŋa köçüp kelgen kelgin Teŋirdin Pasahın ötkörgüsü kelse, anda anın bardık erkek attuuları sünnötkö oturguzulsun. Oşondon kiyin ötkörö bersin. Oşondo al oşol jerdin jergiliktüü turgunu bolup kalat. Sünnötkö oturguzulbagan adam anı jebesin.

⁴⁹Jergiliktüü turgunga da, silerdin araŋarga köçüp kelgen kelginge da birdey mıyzam bolsun».

⁵⁰Teŋir Musa menen Arunga kanday buyrusa, Israyıl uuldarı tak oşondoy kılıştı.

⁵¹Dal oşol künü Teŋir Israyıl uuldarın Misirden koşuundarı menen alıp çıktı.