Read NT LS 2005 – Инжил ЛС (2005 Çıguu 15 Bible Online

Çıguu 15 - NT LS 2005 – Инжил ЛС (2005 bible

Çıguu 15

¹Oşondo Musa menen Israyıl uuldarı Teŋirdi maktap, mına bul ırdı ırdaştı: «Teŋirge ırdaymın, antkeni Al daŋazalandı, atçan askerdi atı menen koşo deŋizge çöktürdü.

²Teŋir menin sepilim, maktoo ırım, Al meni kutkardı. Al menin Kudayım, Anı daŋktaymın. Al – atamdın Kudayı, Anı daŋazalaymın.

³Teŋir – maydan jookeri, Jahaba – Anın ısımı.

⁴Paraondun maydan arabaların, askerin deŋizge çöktürdü, tandalgan asker başçıları Kızıl deŋizge çögüp ölüştü.

⁵Alardı suu basıp kaldı, alar suunun tübünö taş çökköndöy çögüştü.

⁶Teŋir, Senin oŋ koluŋ daŋktaldı. Senin oŋ koluŋ duşmandı talkaladı.

⁷Özüŋö karşı çıkkandardı Özüŋdün daŋkıŋdın uluulugu menen kıyrattıŋ. Senin kaarıŋ alardı saman sıyaktuu örttöp jiberdi.

⁸Teŋir, Senin demiŋen deŋiz eki jakka tartıldı, suu kötörülüp, dubalday bolup kaldı, aylampalar deŋizdin ortosunda toktop kaldı.

⁹Duşman: “Saya kuup jetem, oljonu bölüp alam, oljogo tunam, kılıçımdı kınınan suurup alıp, alardı öz kolum menen kıram”, – dedi.

¹⁰Sen üylögöndö, alardı deŋiz basıp kaldı, korgoşun suuga çökköndöy, alar çoŋ suuga çögüp ölüştü.

¹¹Teŋir, kudaylardın içinde Sendey kim bar? Iyıktıgı menen uluu, maktoogo tatıktuu, keremetterdi jaratuuçu Sendey kim bar?

¹²Sen Özüŋdün oŋ koluŋdu sunganda, alardı jer jutup ketti.

¹³Sen Özüŋ kutkargan uşul eldi ırayımıŋ menen jetelep baratasıŋ. Iyık jayıŋa Özüŋdün küçüŋ menen koştop baratasıŋ.

¹⁴Elder ugup, titirep jatışat: Peliştinin turgundarın korkunuç bastı.

¹⁵Edom törölörü dürbölöŋgö tüşüştü, Maaptın jol başçıları kaltırap korkuştu, Kanaandın büt turgundarının köŋülü çöktü.

¹⁶Alardı çoŋ korkunuç bassın. Teŋir, Öz eliŋ, Özüŋ jaratkan eliŋ ötüp ketkençe, alar Senin uluu küçüŋdön taştay katıp kalışsın.

¹⁷Teŋirim, Sen Öz eliŋdi Özüŋdün uluu tooŋo, Sen Özüŋ turak jay kılıp algan jerge, Egederim, Özüŋ jasagan ıyık jerge alıp barıp jaygaştır!

¹⁸Teŋir kılımdan kılımga, tübölükkö padışaçılık kılat!

¹⁹Paraondun attarı menen maydan arabaları jana atçan askerleri deŋizge kirgende, Teŋir alardı karay deŋiz suusun burdu, al emi Israyıl uuldarı deŋizdin ortosundagı kurgak jer menen ötüp ketişti».

²⁰Arundun karındaşı, paygambar ayal Miriyam, koluna dap aldı. Büt ayaldar dap kagıp, şattanıp, anın artınan çıgıştı.

²¹Oşondo Miriyam alardın aldında: «Teŋirge ırdagıla. Antkeni Al daŋazalandı, atçan askerdi atı menen koşo deŋizge çöktürdü», – dep ırdadı.

²²Musa ısrayıldıktardı Kızıl deŋizden alıp çıktı. Alar Şur çölünö kelişti. Çöldö üç kün jol jürüştü, içkenge suu tappay koyuştu.

²³Anan Maraga kelişti, birok al jerdin suusun içe albay koyuştu, antkeni al suu açuu bolçu. Oşonduktan al jer Mara dep atalıp kalgan.

²⁴Oşondo el Musaga: «Emne içebiz?» – dep naalıdı.

²⁵Musa Teŋirge bozdop kayrıldı, oşondo Teŋir aga bir jıgaçtı körsöttü. Musa anı suuga ırgıtkanda, suu tattuu bolup kaldı. Oşol jerde Kuday elge mıyzamdarı menen körsötmölörün berip, oşol jerde eldin işenimin sınadı.

²⁶Teŋir alarga mınday dedi: «Egerde Kuday-Teŋiriŋdi uksaŋ, Anın aldında Aga jakkan işterdi jasasaŋ, Anın osuyattarı menen mıyzamdarın atkarsaŋ, anda Men Misirdin başına salgan ildetterdin birin da saga jolotpoym, antkeni Men seni ayıktıruuçu Teŋirmin».

²⁷Anan Israyıl uuldarı Eylim degen jerge kelişti. Al jerde on eki bulak, jetimiş kurma daragı bar ele. Alar suulardın boyuna stanı menen jaylanıştı.